“ကွဲၤထံၣ်ဟူလၢအတချ့” (Slow television) မ့ၢ် ပှၤစူးကါ တၢ်ကတိၤလၢ အပာ်ဖျါထီၣ် တၢ်ဃ့ၢ်ယံၤ (marathon) အတၢ်ပြၢတၢ်ကစီၣ်, ဒီးဘၣ်တၢ်ဒုးနဲၣ်အီၤ ဖဲတၢ်ပြၢအီၤ နီၢ်နီၢ်အကတီၢ်န့ၣ်လီၤ. တၢ်ရဲၣ်တၢ်ကျဲၤအံၤ ဒိးန့ၢ်ပှၤအါဂၤအတၢ်ဘၣ်သး ဖဲ ၂၀၀၉ နံၣ်, ဖဲ (Norwegian Broadcasting Corporation) ဒုးနဲၣ်ရၤလီၤ တၢ်လဲၤလၢ လ့ၣ်မ့ၣ်အူယံာ်ဝဲဒၣ် နွံ နၣ်ရံၣ် အဂ့ၢ်န့ၣ်လီၤ. မ့ၢ်လီၤ. နွံနၣ်ရံၣ်လၢ လ့ၣ်မ့ၣ်အူအလိၤန့ၣ်လီၤ. ဖျါလၢ တၢ်ရဲၣ်တၢ်ကျဲၤအံၤ ကလီၤကၢၣ်ဘၣ်ဆၣ်, ဒိးန့ၢ်ဝဲ ကမျၢၢ်တဖၣ်လၢ အသးစၢၢ်ဆၢဒိၣ်မးကွၢ်ကီဘၣ်ဝဲ န့ဆၢၣ်အတၢ်ဃံတၢ်လၤတဖၣ်, လၢတၢ်လဲၤဒိးလ့ၣ်မ့ၣ်အူအကတီၢ်န့ၣ်လီၤ.

တၢ်ဒုးနဲၣ်ရၤလီၤ ကွဲၤထံၣ်ဟူလၢအတချ့ အတၢ်ပညိၣ်န့ၣ်, တၢ်ဒုးနဲၣ်လၢအချ့, ဒ်ပူတယူၢ်အသိးအလီၢ်န့ၣ် ကဒုးနဲၣ်တၢ်တမံၤလၢ တၢ်အချ့အဃၢ, ဒ်တၢ်မၤအသးနီၢ်နီၢ်အသိး န့ၣ်လီၤ. လၢပူတယူၢ်အပူၤ, တၢ်ဖ့ၣ်ဆၢဒီးတၢ်ဂ့ၢ်တမံၤဘၣ်တမံၤလၢ အပိာ်ထွဲထီၣ်အခံ (Plot) အလီၢ်န့ၣ်, ကွဲၤထံၣ်ဟူလၢအတချ့န့ၣ် ဘၣ်တၢ်ဒုးအိၣ်ထီၣ်အီၤလၢတၢ်ဆီတလဲ အသး, ဒီးတၢ်ဟူးတၢ်ဂဲၤန့ၣ်လီၤ. ကွဲၤထံၣ်ဟူလၢအတချ့န့ၣ် မ့ၢ်တၢ်ကါထီၣ်ခီၣ်ဆူတၢ်မုာ်လၤသးခု တၢ်အိၣ်မူအမံးနံးဖိတဖၣ်န့ၣ်လီၤ. တမ့ၢ်တၢ်ဂံၢ်ဒွး တၢ်အိၣ်မူအကတီၢ်ဘၣ်န့ၣ်လီၤ.

ပှၤကွဲးထါ ဖရဲ(န)စ့း သီ(မ)စဲ(န) (Francis Thompson) ကွဲးဝဲဘၣ်ဃးဒီးယွၤ “အယူာ်အချ့လၢ အတမၤသးကိၢ်တၢ်” (unperturbed pace) အဂ့ၢ်န့ၣ်လီၤ. သီ(မ)စဲ(န) အဲၣ်ဒိးစံးဝဲလၢ ယွၤသုးအသးန့ၣ် လၢအကျဲဧိၤအကပိၤဧိၤ, ဒီးလၢတၢ်သူၣ်စူၤသးစူၤအပူၤ, ထိၣ်ဒွးကါထီၣ်ခီၣ်ခါတဖၣ်, လၢတၢ်ပညိၣ်အပူၤန့ၣ်လီၤ. လၢကစၢ်ယွၤ အသးကလၢၢ်ဘၣ်တၢ်တဖၣ်အပူၤဒၣ်လဲာ်, ပကထံၣ်ဘၣ် တၢ်မၤအသးကယီကယီအံၤန့ၣ်လီၤ. လၢကစၢ်ယွၤ အကလုၢ်အကထါအပူၤန့ၣ် ဝံယိၤအ့လး ကိးထီၣ် ပှၤယူၤဒၤဖိတဖၣ် ဒ်သိးကပီၢ်ယၢ်လီၤက့ၤအသးအဂီၢ်, တၢ်ဂ့ၢ်အခီၣ်ထံး အမ့ၢ်အတီန့ၣ် မ့ၢ်လၢကစၢ်ယွၤ “အသးထီၣ်ကီ” (ယိၤအ့ ၂:၁၃) အဃိန့ၣ်လီၤ. ပတၢ်ဒုးနဲၣ်အပူတဖၣ် အါတက့ၢ်န့ၣ် မၤကိၢ်ကဲၤထီၣ်ဝဲဒၣ် တၢ်သးထီၣ်, ဒီးတၢ်ဟံးဃာ်ပၢၤဃာ် တၢ်အဲၣ်လီၤအသးဒၣ်ဝဲတန့ၢ်တသ့တဖၣ်န့ၣ်လီၤ. မ့မ့ၢ် ကစၢ်ယွၤ န့ၣ် စူးကါဝဲဒၣ် ကျိၤကျဲလီၤဆီန့ၣ်လီၤ. ယွၤ အတၢ်သးထီၣ်န့ၣ် ဟဲတုၤဝဲဒၣ် ကယီကယီန့ၣ်လီၤ. ပှၤတကလုာ်လၢအထီဒါအီၤန့ၣ် ယွၤ စံးဘၣ်အဝဲသ့ၣ်လၢ, “မၤဖှီသုဆ့တဂ့ၤ, မၤဖှီသုသး, ဒီးဃၣ်လိၤသုသးဆူ ယွၤကစၢ်အအိၣ်တက့ၢ်” (:၁၃) န့ၣ်လီၤ.

ယွၤအတၢ်သးထီၣ်န့ၣ် တလီၤဂာ်ဒီးပှၤဘၣ်. ယွၤန့ၣ် အသးထီၣ်ကီ, ဒီးတၢ်အမ့ၢ်အတီတမံၤ, ကပျဲပကဟဲက့ၤဆူ ယွၤအအိၣ်, လၢသူၣ်ဒီဖျၢၣ်သးဒီဖျၢၣ်န့ၣ်လီၤ.