ပှၤစဲအ့ၣ်ဖိတဖၣ် ဃုသ့ၣ်ညါနၢ်ပၢၢ် ဟီၣ်ခိၣ်ဒီဘ့ၣ် အတၢ်ကရၢကရိ တဆံဃုကရၢ,ဃုာ်ဒီး ယူၤကိ(န) (Yukon), ဒီးအီးစတြ့လံယါ အတၢ်ကရၢကရိ လၢအိၣ်ယံၤဒီးခူဧိၤဝ့ၢ်ဧိၤတဖၣ် အတၢ်အိၣ်ဂၢၢ်ဆိးကျၢၤအဂ့ၢ်န့ၣ်လီၤ. အဝဲသ့ၣ် ပဲာ်ထံနီၤဖး တၢ်ကွဲးနီၣ်ကွဲးဃါဘၣ်ဃးဒီး လၢပျၢၤနံၣ်လၢအကထိဘျဲၣ်, တၢ်ခူၣ်ထုးထီၣ်က့ၤပိးလီတဖၣ်, ဒီးဃုထံၣ်သ့ၣ်ညါက့ၤ တၢ်ဘၣ်ဒိဘၣ်ထံး ခီဖျိတၢ်သၣ်ဝံၤလီၤဒိ, တၢ်ဒုးတၢ်ယၤ, ဒီးတၢ်ကိၢ်တၢ်ဂိၢ်တၢ်စူၤတဖၣ်အဃိန့ၣ်လီၤ. တၢ်ဂ့ၢ်ဟဲအိၣ်ဖျါထီၣ်ဝဲတမံၤန့ၣ်, မ့ၢ်တၢ်ဆံးလီၤစှၤလီၤအနီၢ်ဂံၢ်လၢ အကဲထီၣ်အသးတလီၢ်လီၢ်န့ၣ်လီၤ. ပှၤကထံၣ်ဝဲလၢ တၢ်ဆံးလီၤစှၤလီၤတဖၣ်အံၤ မၤဆံးမၤစၢ်လီၤ, တၢ်ကရၢကရိတဖၣ်ဘၣ်ဆၣ်, ပှၤဃုထံၣ်သ့ၣ်ညါတၢ်တဖၣ် ဃုထံၣ်သ့ၣ်ညါဝဲဒၣ် တၢ်မ့ၢ်တၢ်တီလၢ အထီဒါပတၢ်ဆိကမိၣ်န့ၣ်လီၤ. အဝဲသ့ၣ်ဃုထံၣ်ဝဲဒၣ်လၢ တၢ်ကရၢကရိတဖၣ် ဘၣ်လဲၤခီဖျိ တၢ်ကီတၢ်ခဲတဖၣ်တလီၢ်လီၢ်န့ၣ် ဒုးအိၣ်ထီၣ် တၢ်တူၢ်န့ၢ်ခီၢ်န့ၢ်တၢ်စွံကတုၤ, ဒီးဂဲၤဆၢထၢၣ်ကဒါက့ၤချ့ချ့, ဒ်သိးဒီးကကွၢ်ဆၢၣ်မဲာ် ခါဆူညါတၢ်ကီတၢ်ခဲအဂီၢ်န့ၣ်လီၤ. တၢ်ကီတၢ်ခဲတဖၣ်အံၤ ဒုးအိၣ်အါထီၣ် တၢ်တူၢ်န့ၢ်ခီၣ်န့ၢ်တၢ်စွံကတုၤန့ၣ်လီၤ.

ဝံဃဘးကူာ် သ့ၣ်ညါနၢ်ပၢၢ်ဝဲ တၢ်တူၢ်န့ၢ်ခီၣ်န့ၢ်တၢ်စွံကတုၤဒ်သိးအံၤန့ၣ်လီၤ. ဖဲအဝဲထံၣ် တၢ်ကမၤဟးဂီၤဝဲဒၣ် ကီၢ် ယူဒၤ ဘူးထီၣ်ဝဲအကတီၢ်န့ၣ်, ဝံဃဘးကူာ် တ့ခဲၣ်ဝဲဒၣ် တၢ်ဂီၤလၢ အတအိၣ်ဒီးတၢ်မုၢ်လၢ်, “တၤသၣ်တအိၣ်,” “သိ…, ဒီးဂီၤဘုၣ်ဂီၤဖံးတအိၣ်,” ဟီၣ်ခိၣ်လၢ အအိၣ်သယုၢ်” (ဃဘး ၃:၁၇) အဂ့ၢ်န့ၣ်လီၤ. တၢ်ဘံၣ်တၢ်ဘၢတဖၣ်လၢ ဟီၣ်ခိၣ်ချၢန့ၣ် မ့ၢ်ဟါမၢ်ကွံာ်ဝဲဒၣ်လဲာ်, ဝံပာ်ဖျါဝဲဒၣ်, “ယသူၣ်ကပိာ်ယသးကဝးလၢ ယွၤအပူၤ, ယကသူၣ်ဖှံသညီလၢ တၢ်အုၣ်က့ၤခီၣ်က့ၤ အကစၢ်အပူၤ” (:၁၈) န့ၣ်လီၤ. ဝံ အတၢ်သူၣ်ဖှံသးညီအံၤ တအိၣ်သူၣ်လီၤအသးလၢ တၢ်အိၣ်အသးမၤအသး, ဒီးဟီၣ်ခိၣ်အတၢ်မုာ်တၢ်ပၢၤအပူၤဘၣ်. မ့မ့ၢ်အိၣ်သူၣ်လီၤအသးလၢ ယွၤ က့ၢ်ဂီၤအသူးအသ့ၣ်ကံၢ်စီ, ဒီးအတၢ်အုၣ်က့ၤခီၣ်က့ၤလၢ အတလဲလိာ်သးအလိၤန့ၣ်လီၤ. တၢ်အကတီၢ်အၢသီကတၢၢ်အပူၤဒၣ်လဲၣ်, ဝံဃုထၢ တၢ်သူၣ်ဖှံသးညီ, ဒီးမၤအါထီၣ်ဝဲ တူၢ်န့ၢ်ခီၢ်န့ၢ်တၢ်စွံကတုၤန့ၣ်လီၤ.

ဒ်ဝံဃဘးကူာ်, ဒီးတၢ်ကရၢကရိလၢ တူၢ်န့ၢ်ခီၣ်န့ၢ်တၢ်စွံကတုၤတဖၣ်အသိး, ခီဖျိလၢတၢ်ကွၢ်ဆၢၣ်မဲာ် ပတၢ်ဂ့ၢ်ကီတလီၢ်လီၢ်အပူၤ, ပနီၢ်သးတူၢ်န့ၢ်တၢ်လၢတၢ်သးစူၤန့ၣ် ကဒိၣ်ထီၣ်ဝဲန့ၣ်လီၤ. ဖဲပလဲၤခီဖျိသးသမူအတၢ်ဂ့ၢ်ကီအကတီၢ်, မ်ပကဟံးဃာ် ပတၢ်မုၢ်လၢ်လၢယွၤ, ဒီးပကသ့ၣ်နီၣ်ထီၣ်လၢ ယွၤအိၣ်ဒီးပှၤ- ဒ်သိးကမၤဒိၣ်ထီၣ်ပတၢ်သးခု, ဒီးတၢ်ပာ်သးစွံကတုၤလၢတၢ်နာ်အဂီၢ်, ယွၤကစူးကါပတၢ်ကီတၢ်ခဲတဖၣ်န့ၣ်လီၤ.