လၢလီၢ်ကဝီၤပူၤ တီၤထီကၠိ အံကၢၣ် (Eagles), ဒီး ပဲၣ်အိနံယၢၣ် (Pioneers) ခံဖျၢၣ် လၢအလိာ်ကွဲသတြီၤထီဒါလိာ်သး ယံာ်တ့ၢ်လံခံဖု, အၦၤလိာ်ကွဲဖျၢၣ်ထူတဖၣ် လိာ်ကွဲသတြီၤဖျၢၣ်ထူ အသဟီၣ်အဆူၣ်ကတၢၢ်အကတီၢ်န့ၣ်, အံကၢၣ် ထူနုာ်လီၤ ဖျၢၣ်ထူဆူ ပဲၣ်အိနံယၢၣ် (Goal) အကိပူၤန့ၣ်လီၤ. ဖျၢၣ်ထူတဖျၢၣ်အံၤ လဲၤနုာ်လီၤဝဲဘၣ်ဆၣ်, ဖျိးဟးထီၣ်ဆူ ကိအချၢ ခီဖျိလၢပှာ်အပူၤဟိန့ၣ်လီၤ. ၦၤပၢဆှၢတၢ်လိာ်ကွဲ တထံၣ်ထွဲဝဲ ဖျၢၣ်ထူလဲၤနုာ်လီၤ, ဒီးထံၣ်ဝဲထဲ ဖျၢၣ်ထူအံၤ အိၣ်လၢတၢ်ချၢအဃိ, တဟ့ၣ်ဝဲဒၣ်ကိ (Goal) ဘၣ်. ဖျၢၣ်ထူနုာ်လီၤန့ၣ် ပဲၣ်အိနံယၢၣ် အၦၤနဲၣ်လိတၢ် ထံၣ်ဝဲ, ဒီးမ့ၢ်အိၣ်ဃိကလာ်သ့ဝဲ ဘၣ်ဆၣ်, တူၢ်လိာ်အၢၣ်လီၤထွဲ အံကၢၣ် အၦၤနဲၣ်လိတၢ် အတၢ်ဃ့န့ၣ်လီၤ. ၦၤပၢဆှၢ တၢ်လိာ်ကွဲဟ့ၣ်လီၤဝဲဒၣ်ကိန့ၣ်လီၤ. အံကၢၣ် မၤနၢၤတၢ်လိာ်ကွဲဖျၢၣ်ထူ ၃-၂ ကိန့ၣ်လီၤ.

ပကဘၣ်ဘျုးဘၣ်ဖှိၣ်အဂီၢ်, ပကစံးကတိၤအီၤ ညီဝဲဘၣ်ဆၣ်, ၦၤစူၢ်က့ၤနာ်က့ၤ ကစၢ်ယ့ၣ်ၡူး တဖၣ်အဂီၢ်, ဖဲ ၁ သ့း ၅:၁၅ န့ၣ် လံာ်စီဆှံ ဟ့ၣ်ဂံၢ်ဟ့ၣ်ဘါဝဲလၢ “ဖဲအဘၣ်ဃးဒီးသုဝဲသ့ၣ်သကိးသကိးမ့ၢ်ဂ့ၤ, ဖဲအဘၣ်ဃးဒီးၦၤခဲလၢာ်မ့ၢ်ဂ့ၤ, လူၤတၢ်ဂ့ၤတၢ်ဝါတထံၣ်ဃီတက့ၢ်” န့ၣ်လီၤ. ညီနုာ်ပသးအိၣ်မၤဂ့ၤတၢ်လၢပတံၤသကိးတဖၣ် အဂီၢ်လီၤ. ဘၣ်ဆၣ်, ပကဘၣ်မၤဂ့ၤတၢ် အါန့ၢ်အန့ၣ်အဂီၢ်, တၢ်မၤဂ့ၤပှၤလၢအနုာ်လီၤ သတြီၤထီဒါတၢ်ဒီးပှၤတဖၣ်အဂီၢ်န့ၣ်- ဖဲလၢတၢ်မၤအံၤ တကဲဘျုးကဲဖှိၣ်လၢပဂီၢ်, (မ့) ဖဲလၢပကမုၢ်လၢ်တၢ်လၢပကဒိးန့ၢ်က့ၤတၢ်တမံၤမံၤ တသ့အကတီၢ်န့ၣ်, တၢ်အံၤကမ့ၢ် တၢ်မၤလၢအကီခဲ, လၢပကဘၣ်မၤအီၤန့ၣ်လီၤ.

တၢ်မၤဂ့ၤ ပှၤလၢအနုာ်လီၤသတြီၤထီဒါတၢ်ဒီးပှၤ (မ့) ပှၤပြၢလိာ်သးဒီးပှၤစံးတၢ်န့ၣ်ဘၣ်သ့ၣ်သ့ၣ် ကမ့ၢ်တၢ်ဆီၣ်ထွဲအုၣ်အသးလၢ ပပှၤမၤသကိးတၢ်ဖိအတၢ်ကျဲးစၢးမၤ လၢပှဲၤ အတၢ်ဆါန့ၢ် တၢ်ဖိတၢ်လံၤခဲလၢာ်, လၢအကြၢးန့ၢ်ဘၣ် ကျိာ်စ့တၢ်ဟ့ၣ်လီၤဆီ, (မ့) တၢ်ကွးစီ မၤကဆှီထီၣ် သ့ၣ်လၣ်လီၤဆှုတဖၣ် လၢပှၤအိၣ်ဆိးလၢ နဟံၣ်အခိၣ်ဃၢၤ တဖၣ်အဂီၢ် ဖဲတၢ်ကတိၤစံးဘျုးနၤမ့ၢ်တအိၣ်ဒၣ်လဲၣ်န့ၣ်လီၤ.

ပဂုာ်ကျဲးစၢၤမၤဂ့ၤ ပှၤဂုၤပှၤဂၤ လၢတၢ်သူၣ်ဆူၣ်သးဂဲၤန့ၣ် မ့ၢ်ဒၣ်ပဒုးနဲၣ်ဖျါထီၣ်တၢ်လၢယွၤအတၢ်အဲၣ်န့ၣ် တုၤဃီၤဝဲဆူၦၤကိးဂၤဒဲးအအိၣ်န့ၣ်လီၤ