ဖဲ ဖရဲ(န)ကိၣ် စဲးဖရဲလံၣ် (Franco Zeffirelli) အိၣ်ကတဲာ်ကတီၤအသးလၢ ကဒိဝဲ ရှ့းစပံယၢၣ် အတၢ်တဲပူ “ရိၣ်မံၣ်ယိၣ်ဒီးကၠူလယဲး” (Romeo and Juliet), တၢ်ဂီၤမူ လၢပှၤပဲာ်ထံနီၤဖးတၢ်တဖၣ် စံးပတြၢၤဂ့ၤဝဲတယုၢ်အံၤအဂီၢ်, ဘၣ်ဆၢတဲာ်ပာ်လီၤအသးဒူဒူန့ၣ်လီၤ. လၢတၢ်ဂီၤမူအဂီၢ်, အဝဲဃုထၢထီၣ် ပှၤသးစၢ်ခွါဂဲၤဒိ လၢအမံၤတဟူသၣ်ဖျါဒံးဘၣ်ခံဂၤ, ဒီးစံးဝဲဒၣ်သပှၢ်ပှၢ်လၢ ပှၤခံဂၤအံၤ အသးအနံၣ်အလါ ကဘၣ်မ့ၢ်ဝဲ အဘူးကတၢၢ်ဒီး ရှ့းစဖံယၢၣ် အတၢ်တဲပူၤအသိးန့ၣ်လီၤ. စဲးဖရဲလံၣ် ဃုထၢထီၣ် လဲနၢး(ဒ) ဝှဲးထ့(န) (Leonard Whiting) လၢအသးအိၣ်တဆံနွံၣ်နံၣ်တဂၤ, ကဘၣ်ဂဲၤဒိဝဲဒၣ်လၢရိၣ်မံၣ်ယိၣ်အလီၢ်, ဒီး အိၣ်လ့ဘယၣ် ဟၢးစံၣ် (Olivia Hussey) လၢအသးအိၣ် တဆံဃုနံၣ်တဂၤ, ကဘၣ်ဂဲၤဒိဝဲလၢ ကၠူလယဲး အလီၢ်န့ၣ်လီၤ.
ပှၤတနီၤနီၤ ကဆိကမိၣ်ဝဲဒၣ် ဖဲကစၢ်ယ့ၣ်ရှူး ဃုထၢ အပျဲၢ်အဘီၣ် တဆံခံဂၤ, လၢခံန့ၣ် ပှၤသ့ၣ်တဖၣ်လၢအကလဲၤစိာ် ခရံာ်အတၢ်သးခုကစီၣ်- တၢ်ပျၢ်တၢ်ဒဲးဘး ဆူဟီၣ်ခိၣ်ဒီဘ့ၣ်အဂီၢ်, ကဘၣ်ပာ်လီၤအသးဒူဒူန့ၣ်လီၤ. စိၤဆၢကတီၢ်ဖဲန့ၣ်, အပျဲၢ်အဘီၣ်တဖၣ်အကျါတနီၤန့ၣ် ဘၣ်တၢ်ဖီၣ်, ဒီးသမံသမိးအဝဲသ့ၣ်လၢ တၢ်ဘူၣ် တၢ်ဘါခိၣ်နၢ်တဖၣ်န့ၣ်လီၤ. ဒီးမၤတၢ် ၄:၁၃ ပာ်ဖျါဝဲဒၣ်လၢ “တုၤအဝဲသ့ၣ်ထံၣ်လၢ စီၤပ့းတရူးဒီးစီၤယိၤဟၣ်အသးခူတလ့ၢ်, ဒီးသ့ၣ်ညါလၢအမ့ၢ် ပှၤတသ့ဘၣ်လံာ်, ဒီးပှၤတမၤလိဘၣ်တၢ်ဘၣ်ဒီး ကမၢကမၣ်ဝဲ” န့ၣ်လီၤ.
တၢ်ဆိကမိၣ်နာ်တ့ၢ်ဝဲလၢ အလီၤဘၣ်ယိၣ်တဖၣ် လုာ်ဘၢကွံာ်ဝဲဒၣ် အါန့ၢ်ဒံး ပှၤမၤညၣ်ဖိတဖၣ် အတၢ်မ့ၢ်တၢ်နီၢ်နီၢ်, “ဒီးသ့ၣ်ညါထံလၢ အဝဲသ့ၣ်မ့ၢ် ပှၤအိၣ်တ့ၢ်ဒီးယ့ၣ်ရှူး” (၄:၁၃) န့ၣ်လီၤ. ဖျါလၢ အပျဲၢ်အဘီၣ်လၢ အတီၤအပတီၢ်တထီၣ်ဘး
တဖၣ်အံၤ တမ့ၢ်ဒၣ်ထဲလၢ အိၣ်ဆိးတ့ၢ်ဝဲဒီးကစၢ်ခရံာ်ဘၣ်. မ့မ့ၢ်အဝဲသ့ၣ်တဖၣ်အိၣ်စ့ၢ်ကီးဒီးကစၢ်ခရံာ်အတၢ်အၢၣ်လီၤ, လၢကအိၣ်ဒီးအဝဲသ့ၣ်လီၤထူလီၤယိာ်” (မး၂၈:၂၀) န့ၣ်လီၤ. တၢ်အၢၣ်လီၤအံၤ အိၣ်စ့ၢ်ကီးဒီးပှၤ (ဧ့ၤဘြံၤ ၁၃:၅), ဒီးဖဲပအိၣ်လၢယွၤအမဲာ်ညါ, ဒီးလၢအတၢ်ဘျုးတၢ်ဖှိၣ်အပူၤန့ၣ် တၢ်ဖံးတၢ်မၤအိၣ်ဝဲလၢပမဲာ်ညါန့ၣ် တဖျါဒိၣ်ဝဲလၢယွၤအဂီၢ်ဘၣ်န့ၣ် ပသ့ၣ်ညါလီၤတံၢ်လီၤဆဲးသ့ဝဲဒၣ်န့ၣ်လီၤ.
