ယဆ့ၣ်နီၤ ဖဲယတံၤသကိး မါကရဲး (Margaret), လၢအမံနီၤဝဲလၢ တၢ်ဆါဟံၣ်အလီၢ်မံလိၤအကပၤ, ဒီးခိးကွၢ် ပှၤဆါအဂုၤအဂၤတဖၣ်, တၢ်ဆါဟံၣ်အပှၤမၤတၢ်ဖိတဖၣ်, ဒီးပှၤတမှံၤတဖၣ် အတၢ်ဟူးတၢ်ဂဲၤန့ၣ်လီၤ. လၢတၢ်ကပၤန့ၣ် ပိာ်မုၣ်သးစၢ်တဂၤ ဆ့ၣ်နီၤခိး ဝဲအမိၢ်, လၢအတၢ်အိၣ်ဆူၣ်အိၣ်ချ့တဂ့ၤန့ၣ် သံကွၢ်ဝဲ မါကရဲးလၢ “ပှၤဟဲအိၣ်သကိးနၤတဖၣ်န့ၣ် မ့ၢ်မတၤတဖၣ်လဲၣ်.” မါကရဲး စံးဆၢက့ၤဝဲလၢ “အဝဲသ့ၣ်တဖၣ်န့ၣ် မ့ၢ်ယဒူၣ်ဖိထၢဖိတဖၣ်လၢ ယတၢ်အိၣ်ဖှိၣ်န့ၣ်လီၤ.” ပိာ်မုၣ်သးစၢ်န့ၣ် တၢ်လၢထိးဘၣ်အသးန့ၣ်ပာ်ဖျါထီၣ်ဝဲလၢ အဝဲတထံၣ်ဘၣ် တၢ်မၤအသးဒ်သိးအံၤ နီတဘျီဘၣ်. အသးကလၢၢ်ဘၣ်ဝဲဒ်ပှၤဟဲအိၣ်သကိးတၢ်အါဒံအါဂၤတဖၣ်အံၤ “လီၤဂာ်ဒ်သိးတၢ်အဲၣ်လၢပထိးဘၣ်, ကလၢၢ်ဘၣ်အီၤသ့ လူလီၤဂၢ်လီၤအသးန့ၣ်လီၤ.” လၢတၢ်နံၤကမှံအပူၤန့ၣ်, မါကရဲး စံးဆၢဝဲ,“ကယဲၢ်တၢ်အဲၣ်တဖၣ်အံၤ ဟဲလီၤဝဲလၢ ပတၢ်အဲၣ်ကစၢ်ယွၤ, ခီဖျိအဖိခွါ ကစၢ်ယ့ၣ်ရှူးခရံာ်န့ၣ်လီၤ.”
မါကရဲး အတၢ်စံးဆၢအပူၤန့ၣ်, ပာ်ဖျါကဒါက့ၤ ပှၤတၢ်မၢဖိ စီၤယိၤဟၣ်အတၢ်ကတိၤ, လၢအအိၣ်ပှဲၤဒီးတၢ်အဲၣ်န့ၣ်, ပကထံၣ်ဘၣ်လၢ အတၢ်ကွဲးလံာ်ပရၢ သၢဘ့ၣ်အပူၤ, ကွဲးဝဲဖဲ အမုၢ်နံၤမုၢ်သီ အလီၢ်ခံကတၢၢ်အကတီၢ်န့ၣ်လီၤ. လၢအလံာ်ပရၢ အခီၣ်ထံးတဘ့ၣ် (၁ ယိၤ ၄:၁၆) အပူၤန့ၣ် ပာ်ဖျါဝဲဒၣ် “ယွၤမ့ၢ်တၢ်အဲၣ်တၢ်ကွံ ဒီးပှၤလၢအအိၣ်ဝဲဆိးဝဲလၢ တၢ်အဲၣ်တၢ်ကွံအပူၤန့ၣ် မ့ၢ်အအိၣ်ဝဲဆိးဝဲ လၢယွၤအပူၤ, ဒီးယွၤအိၣ်ဝဲလၢ အပူၤလီၤ.” အခီပညီစံးတၢ်န့ၣ်, အဆၢဖိ ၁၅ ပာ်ဖျါဝဲ, ကယဲၢ်ပှၤလၢအၢၣ်လီၤတူၢ်လိာ် “ယ့ၣ်ရှူးမ့ၢ်ယွၤအဖိခွါ” န့ၣ်ဒီး, အဆၢဖိ ၁၃ စံးဘၣ်ပှၤ ခီဖျိလၢ “ယွၤအသးစီဆှံ” န့ၣ် ယွၤအိၣ်လၢအဝဲသ့ၣ်အပူၤန့ၣ်လီၤ. ပကဟုကယာ်ပှၤဂုၤပှၤဂၤ လၢတၢ်အဲၣ်အပူၤကသ့ဝဲဒ်လဲၣ်. အဆၢဖိ ၁၉ စံးဘၣ်ပှၤလၢ “ပအဲၣ်တၢ်ကွံတၢ်အဂ့ၢ်ဒ်အံၤ, အဝဲဒၣ်အဲၣ်ဆိပှၤလီၤ” န့ၣ်လီၤ.
မ့ၢ်လၢကစၢ်ယွၤအတၢ်အဲၣ် အတၢ်ဟ့ၣ်အဃိ, တၢ်လဲၤအိၣ်သကိး မါကရဲး န့ၣ်လၢယဂီၢ် မ့ၢ်ဂ့ၤ ပှၤဂုၤပှၤဂၤလၢ ပတၢ်အိၣ်ဖှိၣ်တဖၣ်အဂီၢ် မ့ၢ်ဂ့ၤ တမ့ၢ်တၢ်ဂ့ၢ်ကီခဲတမံၤဘၣ်. ယဒိးန့ၢ်ဘၣ်တၢ်အါန့ၢ်ဒံး ယဟ့ၣ်တၢ်န့ၣ်လီၤ. ယဒိးန့ၢ်တၢ်န့ၣ် တမ့ၢ်ဝဲထဲလၢ
မါကရဲး အအိၣ်န့ၣ်ဘၣ်. မ့မ့ၢ် ခီဖျိလၢယထံၣ်ဘၣ် အဝဲအုၣ်အသးလၢ တၢ်အုၣ်က့ၤခီၣ်က့ၤအကစၢ်, ကစၢ်ယ့ၣ်ရှူးအဂ့ၢ်န့ၣ်လီၤ. မုၢ်တနံၤအံၤ, ခီဖျိလၢနၤန့ၣ် မ့ၢ်ကစၢ်ယွၤ အဲၣ်ပှၤဂုၤပှၤဂၤဆံးအါလံလဲၣ်.
