ထြံၤ (Tre) ညီနုာ်လဲၤဝဲ တၢ်ဂဲၤလိနီၢ်ခိအတၢ်အိၣ်ဆူၣ်အိၣ်ချ့အလီၢ် (fitness center), ဒီးပမ့ၢ်ထံၣ်အီၤန့ၣ် ပသ့ၣ်ညါလၢ လဲၤဝဲထီဘိန့ၣ်လီၤ. အဖံနါခိၣ်တဖၣ်လဲၢ်ဝဲ, အညၣ်ထူၣ်တဖၣ်ဖျါ ဖျိဖျိဖျါဖျါ, အစုဒုၣ်တဖၣ် ကအိၣ်လၢယခီၣ်ကံၣ်ဒုၣ်ဃၣ်ဃၣ်န့ၣ်လီၤ. ထြံၤ နီၢ်ခိ အတၢ်အိၣ်သးတဖၣ်န့ၣ် သဆၣ်ထီၣ်ယၤလၢ ယကစံးကတိၤတၢ်ဒီးအီၤ ဘၣ်ထွဲဒီးသူၣ်ဂ့ၢ်သးကျိၤအဂ့ၢ်န့ၣ်လီၤ. ယသံကွၢ်အီၤလၢ အတၢ်ဟ့ၣ်လီၤအသးလၢ နီၢ်ခိအတၢ်အိၣ်ဆူၣ်အိၣ်ချ့အံၤ မ့ၢ်ဆဲးကပီၤဖျါထီၣ် အတၢ်ရ့လိာ်ဘၣ်ထွဲဒီးကစၢ်ယွၤလၢကျဲတဘိဘိဧါန့ၣ်လီၤ. ပစံးကတိၤတၢ်ဒိၣ်ဒိၣ်ယိာ်ယိာ်ဘၣ်ဆၣ် ထြံၤ အၢၣ်လီၤ တူၢ်လိာ်ဝဲ “ကစၢ်ယွၤလၢအတၢ်အိၣ်မူအပူၤ” န့ၣ်လီၤ. ပကတိၤတၢ်ဆူညါတုၤဒၣ်လဲာ်အဒုးနဲၣ်ယၤ အတၢ်ဂီၤ လၢအပာ်ဖျါထီၣ် အနီၢ်ကစၢ်အတယၢၢ်အိၣ် ပီၣ် ၄၀၀, ဘီၣ်အါတလၢ, ဒီးပှၤလၢအတၢ်အိၣ်ဆူၣ်အိၣ်ချ့တဂ့ၤတဂၤအဂီၤန့ၣ်လီၤ. တၢ်ဆီတလဲ အတၢ်အိၣ်မူကျိၤကျဲန့ၣ် ဒုးကဲထီၣ်တၢ်လီၤလိၢ်လီၤလး လၢအနီၢ်ခိအဂီၢ်န့ၣ်လီၤ.

၁ တံၤမသ့း ၄:၆-၁၀ အပူၤန့ၣ်, တၢ်ပညိၣ်ပာ်ဖျါထီၣ် နီၢ်ခိ, ဒီးနီၢ်သး အတၢ်မၤလိ ဟူးဂဲၤအဂ့ၢ်န့ၣ်လီၤ. အဆၢဖိ ၇-၈ စံးဘၣ်ပှၤ “ဒီးသိၣ်လီၤဒၣ်နသးဆူ တၢ်ယူးယီၣ်ယွၤ န့ၣ်တက့ၢ်. အဂ့ၢ်ဒ်အံၤ တၢ်သိၣ်လိနီၢ်ခိ, မ့ၢ်အအိၣ်ဒီး အဘျုးအဖှိၣ်တစဲးစဲးလီၤ. မ့မ့ၢ် တၢ်ယူးယီၣ်ယွၤန့ၣ်, အိၣ်ဒီးတၢ်စံးပာ်ဘၣ်ဃးဒီးအအံၤတဃၣ်, ဒီးခဲကိၣ်တဃၣ် သတးဒီး, အိၣ်ဒီးအဘျုးအဖှိၣ်လၢ တၢ်ခဲလၢာ်အဂီၢ်” န့ၣ်လီၤ. ပှၤတဂၤဂၤ နီၢ်ခိအတၢ်ဆူၣ်တၢ်ချ့ဖျါလၢခိန့ၣ် တဆီတလဲ ပတၢ်ရ့လိာ်ဘၣ်ထွဲလိာ်သးဒီးယွၤန့ၣ်ဘၣ်. ပနီၢ်သးအတၢ်အိၣ်ဆူၣ်အိၣ်ချ့ မ့ၢ်တၢ်အကါဒိၣ်လၢပသူၣ်ကံၢ်သးလဲအဂီၢ်န့ၣ်လီၤ. တၢ်မၤအသးအံၤ စးထီၣ် ဖဲတၢ်ပာ်လီၤသးလၢ ကစူၢ်က့ၤနာ်က့ၤ ကစၢ်ယ့ၣ်ရှူး, ဒီးပဒိးန့ၢ် တၢ်ပျၢ်တၢ်ဒဲးဘး ခီဖျိလၢအီၤန့ၣ်လီၤ. စးထီၣ်ဖဲန့ၣ်ဒီး, တၢ်မၤလိဟူးဂဲၤ တၢ်အိၣ်မူလၢအယူးယီၣ်ယွၤ စးထီၣ် အသးန့ၣ်လီၤ. အဆၢဖိ ၆ စံးဘၣ်ပှၤလၢ တၢ်မၤလိဟူးဂဲၤအံၤမ့ၢ် “တၢ်လုၢ်ဒိၣ်ထီၣ်အီၤလၢ တၢ်နာ်အကလုၢ်အကထါ, ဒီးတၢ်သိၣ်တၢ်သီလၢအဂ့ၤ,” ဒီးပကအိၣ်မူအိၣ်ဂဲၤ သးသမူလၢအမၤလၤကပီၤ ပပၢ်ကစၢ်ယွၤလၢမူခိၣ်ဘီမုၢ် ခီဖျိလၢကစၢ်ယွၤ အဂံၢ်အဘါန့ၣ်လီၤ.