မံၣ်စိၣ်ရၣ်ကီၢ်စဲၣ် လၢကိၤလၤသူကီၢ် ကလံၤစိး-မုၢ်နုာ်န့ၣ် ဂုာ်ပူၤဖျဲးအသးကယီကယီလၢတၢ်ဖှီၣ်တၢ်ယာ်န့ၣ်လီၤ. တၢ်ဖံးတၢ်မၤ အတၢ်ဟဲနုာ်မ့ၢ် တလၢတပှဲၤဘၣ်ဆၣ်, စးထီၣ်လၢတၢ်သးခုကစီၣ် ဟဲနုာ်လီၤဆူ ဘၢၣ်ကဝီၤအံၤအပူၤန့ၣ်, ဒီးပှၤစူၢ်က့ၤနာ်က့ၤ ကစၢ်ယ့ၣ်ရှူးတဖၣ် မၤထွဲဝဲ လုၢ်လၢ်လၢအမ့ၢ် တၢ်ပာ်ဖှိၣ် “ဃုတစှီၤ” န့ၣ်လီၤ. တနံၤဘၣ်တနံၤ, တချုးလၢပှၤဖီအီၣ်မ့ၤန့ၣ် ပှၤဘၣ်ထုးထီၣ်ပာ်ဖှိၣ် ဃုတစှီၤ, ဒီးဘၣ်တၢ်ဟ့ၣ်လီၤဆူတၢ်အိၣ်ဖှိၣ်န့ၣ်လီၤ. ခီဖျိလၢဟီၣ်ခိၣ်ဒီဘ့ၣ်အနီၣ်ထိၣ်အပတီၢ်အပူၤန့ၣ်, မံၣ်စိၣ်ရၣ် တၢ်အိၣ်ဖှိၣ်တဖၣ်ဖှီၣ်ယာ်ဘၣ်ဆၣ်, လၢတၢ်သးခုကစီၣ်အတၢ်မၤအဂီၢ်, ဟ့ၣ်လီၤဝဲကျိၣ်စ့လၢအကကွဲၢ်တဖၣ်, ဒီးဆှၢလီၤ ပှၤမၤတၢ်သးခုကစီၣ်တဖၣ် ဆူဟီၣ်ခိၣ်ဒီဘ့ၣ်န့ၣ်လီၤ. ပှၤမံၣ်စိၣ်ရၣ်ဖိ အါတက့ၢ်န့ၣ် စူၢ်က့ၤနာ်က့ၤကစၢ်ယ့ၣ်ရှူးခရံာ်န့ၣ်လီၤ.
၂ ကရံၣ်သူး ၈ အပူၤန့ၣ်, စီၤပီလူး ပာ်ဖျါထီၣ် တၢ်ဂ့ၢ်လၢအတၤ တၢ်အိၣ်ဖှိၣ် ဒ်သိးအံၤန့ၣ်လီၤ. ၂ကရံၣ် ၈:၁-၂ ပာ်ဖျါဝဲ ပှၤစူၢ်နာ်တၢ်ဖိ လၢမၤက့းဒနံတဖၣ်န့ၣ် ဖှီၣ်ဝဲယာ်ဝဲဘၣ်ဆၣ်, ဒ်သိးကမၤဘူၣ်တၢ် ထူးထူးတီၤတီၤ, လၢတၢ်သးခုအပူၤအဂီၢ်, တၢ်ဖှီၣ်တၢ်ယာ်အံၤ တြီအဝဲသ့ၣ် တန့ၣ်ဘၣ်. အဝဲသ့ၣ်ဟ့ၣ်တၢ်န့ၣ် ထံၣ်ဝဲ ဒ်အမ့ၢ်တၢ်ခွဲးတၢ်ယာ်လီၤဆီ, ဒီးအဆၢဖိ ၃ ပာ်ဖျါဝဲ, လၢတၢ်မၤသကိးတၢ်ဒီးစီၤပီလူးအဂီၢ် “ဟ့ၣ်ဘၣ်ဝဲဒိၣ်န့ၢ်အါန့ၢ်ဒံး အဟ့ၣ်ဝဲသ့” န့ၣ်လီၤ. အဝဲသ့ၣ်နၢ်ပၢၢ်လီၤအသး ဒ်အမ့ၢ်ပှၤလၢအပၢၤ ယွၤအတၢ် ဂံၢ်ခီၣ်ထံးတဖၣ်န့ၣ်လီၤ. ဟ့ၣ်တၢ်န့ၣ် မ့ၢ်ကျိၤကျဲလၢ အဝဲသ့ၣ်နဲၣ်ဖျါထီၣ် အတၢ်စူၢ်တၢ်နာ်ကစၢ်ယွၤ, ပှၤလၢအဟ့ၣ်ပတၢ်လိၣ်တဖၣ်ခဲလၢာ်တဂၤန့ၣ်လီၤ.
စီၤပီလူး စူးကါပှၤမၤက့းဒနံဖိ လၢတၢ်ဟ့ၣ်သဆၣ်ထီၣ် ပှၤကရံၣ်သူးဖိတဖၣ် ကမၤ တၢ်ဟ့ၣ်သးကညီၤတၢ်တမံၤဃီအဂီၢ်န့ၣ်လီၤ. အဆၢဖိ ၇ ပာ်ဖျါဝဲ ပှၤကရံၣ်သူးဖိတဖၣ်မၤဝဲအါအါ “လၢတၢ်ခဲလၢာ်အသိးန့ၣ်, လၢတၢ်နာ်, ဒီးလၢတၢ်ကတိၤ, ဒီးလၢတၢ်သ့ၣ်ညါ, ဒီးလၢတၢ်မၤသပှၢ်ပှၢ်ခဲလာ်, ဒီးလၢသုအဲၣ်ပှၤကွံပှၤအသိးန့ၣ်ဒီး,မၤအါထီၣ် တၢ်ဘျုးတၢ်ဖှိၣ်တမံၤအံၤ စ့ၢ်ကီးတက့ၢ်” န့ၣ်လီၤ. ခဲကနံၣ်အံၤ တၢ်လၢအဝဲသ့ၣ်လိၣ်ဘၣ်တၢ်န့ၣ် မ့ၢ်ဒၣ်ကဘၣ်မၤအါထီၣ်ဝဲ “တၢ်ဟ့ၣ်သးကညီၤ အတၢ်ဘျုးတၢ်ဖှိၣ်” န့ၣ်လီၤ. ဒ်ပှၤမၤက့းဒနံဖိ, ဒီးပှၤစူၢ်က့ၤနာ်က့ၤတၢ်လၢ မံၣ်စိၣ်ရၣ် တဖၣ်အသိး, ပၢ်ယွၤအတၢ်သူၣ်အိၣ်သးအိၣ်တၢ်န့ၣ် ပဝဲစ့ၢ်ကီး ပအိၣ်မူပာ်ဖျါထီၣ်သ့ဝဲဒၣ်, ခီဖျိလၢပကဟ့ၣ်လီၤ တၢ်လၢအိၣ်ဒိးပှၤတဖၣ် လၢတၢ်သူၣ်အိၣ်သးအိၣ်အပူၤန့ၣ်တက့ၢ်.
