ပူဒုးနဲၣ်တၢ်ဂီၤ ပံနး (Peanuts) လၢအမံၤဟူသၣ်ဖျါတဘ့ၣ်အပူၤန့ၣ်, မ့ၢ်လၢအစူၢ်နၥ်ဝဲ လူၢ်ခ့သၣ် ဖးဒိၣ် (The Great Pumpkin) အဃိ, လဲနးစ် (Linus) အတံၤသကိး ကဒူးကဒ့ၣ်အီၤဆူၣ်ဆူၣ်န့ၣ်လီၤ. လၢတၢ်သးဟးဂီၤအပူၤန့ၣ် လံနးစ် ဟးထီၣ်ဝဲဆူတၢ်လီၢ်အယံၤ, ဒီးစံးဝဲ “တၢ်ဂ့ၢ်လၢယသုတစံးကတိၤဂ့ၢ်လိာ်တၢ်ဒီးၦၤကညီတဖၣ်န့ၣ် ယမၤလိန့ၢ်တၢ်အိၣ်ဝဲသၢထံၣ်- တၢ်ဘူၣ်တၢ်ဘါအဂ့ၢ်, ထံဂ့ၢ်ကီၢ်ဂ့ၢ်, ဒီးလူၢ်ခ့သၣ် ဖးဒိၣ်အဂ့ၢ်န့ၣ်လီၤ.

လၢလံနးစ်အသးပူၤန့ၣ်, အိၣ်ဒၣ်ထဲ လူၢ်ခ့သၣ် ဖးဒိၣ် အဂ့ၢ်ဘၣ်ဆၣ်, မ့မ့ၢ်တၢ်ဂ့ၢ် အဂၤခံထံၣ်န့ၣ် မ့ၢ်တၢ်အိၣ်အသး, မၤအသးနီၢ်နီၢ်- ထံကီၢ်လီၤဖးလိၥ်သးႇ ဟံၣ်ဖိဃီဖိလီၤဖးလိၥ်သးႇ ဒီးတံၤသကိးတဖၣ်လီၤဖးလိၥ်သးန့ၣ်လီၤ. ဖဲ ကစၢ်ယ့ၣ်ၡူး အိၣ်မူအိၣ်ဂဲၤအကတီၢ်စ့ၢ်ကီး တၢ်ဂ့ၢ်ကီတဖၣ်အံၤအိၣ်ဝဲဒၣ်န့ၣ်လီၤ. ၦၤဖၤရံၤၡဲတဖၣ် အဲၣ်ထူအဲၣ်ယွၤနီၢ်နီၢ်, ဒီးကျဲးစၢးအိၣ်မူပိၥ်ထွဲ တၢ်သိၣ်တၢ်သီတဖၣ်လီၤတံၢ်လီၤဆဲး လၢလံၥ်စီဆှံအလီၢ်လံၤတကတြူၢ်အပူၤန့ၣ်လီၤ. လၢထံဂ့ၢ်ကီၢ်ဂ့ၤတကပၤန့ၣ် ၦၤပိၥ်စီၤပၤဟ့ၤရိၥ်အခံတဖၣ် မၤဝဲနီၢ်နီၢ်ဘၣ်ဆၣ်, ၦၤခံဖုလိၥ်အဲၣ်ဒိးဝဲလၢ ၦၤအံၣ်စရ့လးဖိတဖၣ် ကပူၤဖျဲးလၢ ရိမ့ၤအတၢ်ပၢဆှၢဆီၣ်သနံးတၢ်အဖီလၥ်န့ၣ်လီၤ. အဝဲသ့ၣ်အတၢ်တိာ်တဖၣ်န့ၣ် ဖျါလၢတဒ်သိးလိာ်အသးဒီးကစၢ်ယ့ၣ်ၡူးအတၢ်မၤန့ၣ်လီၤ. လၢတၢ်န့ၣ်အဃိ, မၢ်ကူး ၁၂:၁၄-၁၅ န့ၣ် ပကထံၣ်ဘၣ် အဝဲသ့ၣ်ဟဲသံကွၢ် ကစၢ်ယ့ၣ်ၡူးလၢ တၢ်သံကွၢ်ဘၣ်ထွဲဒီးထံဂ့ၢ်ကီၢ်ဂ့ၢ်တမံၤ- ပဟ့ၣ်သွဲလၢကဲစၢ် မ့ၢ်အကြၢး, မ့ၢ်အတကြၢးဘၣ်န့ၣ်လီၤ. ကစၢ်ယ့ၣ်ၡူးမ့ၢ်စံးဆၢဝဲလၢ ‘ကြၢးဟ့ၣ်’ န့ၣ်ဒီး, ၦၤတဖၣ်အံၤ ကသူၣ်ဒိၣ်သးဖျိးအီၤန့ၣ်လီၤ. မ့ၢ်စံးဆၢဝဲလၢ ‘တကြၢးဟ့ၣ်ဘၣ်’ န့ၣ်ဒီး, ၦၤရိမ့ၤဖိတဖၣ် ကစံးလၢ ပူထီၣ်တၢ်, ဒီးကဖီၣ်အီၤန့ၣ်လီၤ.

အဆၢဖိ ၁၆ န့ၣ် ကစၢ်ယ့ၣ်ၡူးဃ့ စ့ဒန့ၤရံတဘ့ၣ်, ဒီးသံကွၢ်ဝဲ, ‘အအံံၤမ့ၢ်မတၤ အက့ၢ်အဂီၤလဲၣ်’ န့ၣ်လီၤ. ၦၤကိးဂၤသ့ၣ်ညါလၢအမ့ၢ်ကဲစၢ်အဂီၤန့ၣ်လီၤ. ကစၢ်ယ့ၣ်ၡူးအတၢ်ကတိၤ လၢ အဆၢဖိ ၁၇, ‘ဟ့ၣ်ကဲစၢ်လၢကဲစၢ်အတၢ်ဒီးယွၤလၢယွၤအတၢ်တက့ၢ်’ န့ၣ်, ဒုးသ့ၣ်နီၣ်ထီၣ်က့ၤၦၤ တုၤလၢမုၢ်မဆါတနံၤအံၤန့ၣ်လီၤ. တၢ်လၢအကါဒိၣ်န့ၣ် ကစၢ်ယ့ၣ်ၡူး ပၥ်ဝဲလၢအလီၢ်ဒၣ်ဝဲႇ ဒီးဟးဆှဲးအဝဲသ့ၣ်အတၢ်ကူၣ်အၢကူၣ်သီအီၤန့ၣ်လီၤ.

ကစၢ်ယ့ၣ်ၡူး ဟဲလီၤဆူဟီၣ်ခိၣ်ချၢန့ၣ်, ကမၤဝဲတၢ်လၢအဘၣ်ပၢ်ကစၢ်ယွၤအသး န့ၣ်လီၤ. ပမ့ၢ်လူၤပိၥ်ထွဲ အတၢ်နဲၣ်ဆှၢပှၤန့ၣ်ဒီး, ပဃုထံၣ် ကစၢ်ယွၤ, ဒီးအဘီအမုၢ်သ့ဝဲ, ဒီးအဒိၣ်ကတၢၢ်န့ၣ်, ပကပၢဆှၢယံၤထီၣ်က့ၤ ပတၢ်ပာ်ဖှိၣ်ပညိၣ်စိတၢ်လၢ တၢ်သးတလီၤပလိၥ် ဒီးမၤလိၤက့ၤဆူ တၢ်မ့ၢ်တၢ်တီကစၢ်တဂၤအအိၣ်န့ၣ်လီၤ.