တၢ်ထဲၣ်ဃၥ် ဟီၣ်ခိၣ်ညၣ်အပူၤန့ၣ် တၢ်ခူသူၣ်အိၣ်ဝဲတမံၤ- တၢ်လၢၦၤပၥ်ခူသူၣ်ဃၥ် န့ၣ်လီၤ. လၢတၢ်ကတဲၥ်ကတီၤ အဝဲသ့ၣ်ဒိးတ့ဒိးဖျီအသး ၦဲၤထီၣ်နံၣ် (၅၀), နံၣ်ဆဲးဆၢအကတီၢ်, ဒ်သိးကမ့ၢ်တၢ်ဟ့ၣ် အဃံလၤကတၢၢ်လၢအမါအဂီၢ်, ကသူၣ်ဝဲဖီတဖၣ်န့ၣ် လံၣ် ဝ့လစၢၣ် (Lee Wilson) ပၥ်လီၤဆီဃၥ်ဟီၣ်ခိၣ် အ့ကၢၢ် ဃိးဆံန့ၣ်လီၤ. အဝဲဖှံလီၤခူသူၣ်ဝဲ ဖီဒီမုၢ် အချံအါအါဂီၢ်ဂီၢ် လၢအမဲထီၣ်ဖျိးထီၣ် ဖီအမုၢ် ၁.၂ ကကွဲၢ်, ဖီလၢအမ့ၢ် အမါအဲၣ်လီၤဆီတဖၣ်န့ၣ်လီၤ. ဖဲဖီဒီမုၢ်တဖၣ်ဟဲဘိၣ်ထီၣ်ဖီထီၣ်ဝဲဒၣ်န့ၣ်ဒီး, မ့ၢ်လၢအဝၤအတၢ်အဲၣ်အတၢ်မၤအံၤအဃိ, အမါ ရံၣ်နံ (Renee) န့ၣ် ဖုးဘၣ်အသး, ဒီးအသူၣ်ခု သးခုဝဲဒိၣ်မးန့ၣ်လီၤ.
ဖဲကစၢ်ယွၤကတိၤတၢ်ဒီးပှၤယူဒၤဖိတဖၣ် ခီဖျိလၢဝံယၡါယၤန့ၣ်ဒီး, ဟ့ၣ်နီၤလီၤဝဲတၢ်ခူသူၣ်တမံၤဒီးအပှၤဂီၢ်မုၢ်အဂီၢ်-ယၡါ ၃:၁-၄:၁ ပာ်ဖျါဝဲ, မ့ၢ်လၢအပှၤဂီၢ်မုၢ်တဖၣ်တအိၣ်တီအိၣ်လိၤဒီးအီၤအဃိ, ဒ်ယွၤစံးကတိၤတ့ၢ်ဝဲအသိး, ကစံၣ်ညီၣ်ပှၤယူဒၤဖိတဖၣ်မ့ၢ်ဝံၤအလီၢ်ခံန့ၣ်, ခဲကန့ၣ်အံၤ အဝဲသ့ၣ်တထံၣ်ဒံးဝဲဘၣ်ဆၣ်, လၢပှၤဂီၢ်မုၢ်အဂီၢ်, မုၢ်နံၤအသီ, ဒီးအဃံအလၤ ဒ်ထူအသိး ကဟဲအိၣ်ထီၣ်ဝဲဒၣ်န့ၣ်လီၤ. ယရှါ ၄:၂ ပာ်ဖျါဝဲ “တၢ်လၢမုၢ်တနံၤန့ၣ် ယွၤအဒ့အဖီကအိၣ်လၢ တၢ်အဃံအလၤ, ဒီးတၢ်လၤကပီၤ, ဒီးဟီၣ်ခိၣ်အတၤသၣ်လၢ တၢ်ဂ့ၤတၢ်ဝါ, ဒီးတၢ်ကယၢကယဲလၢၦၤအံၣ်စရ့လးဖိ လၢအပူၤဖျဲးတ့ၢ်လံအဂီၢ်” န့ၣ်လီၤ. ပှၤဂီၢ်မုၢ်တဖၣ် ကဘၣ်လဲၤခီဖျိ ၦၤဘၤဘူၤလိၣ်ဖိတဖၣ် အတၢ်မၤဟးဂီၤ, ဒီးအတၢ်စိၥ်မၢကဲကုၢ်နီၢ်နီၢ်ဘၣ်ဆၣ်, တၢ်အဒ့အဃံအလၤ- တၢ်အပျိၣ်အသီတဒ့ ကဟဲထီၣ်လၢဟီၣ်ခိၣ်လၥ်- န့ၣ် ကထံၣ်ဘၣ်ဝဲဒၣ်န့ၣ်လီၤ. ယွၤအၦၤဂီၢ်မုၢ်အိၣ်လီၤတဲၥ်တ့ၢ်လၢ ဝ့ၢ်ယရူၤၡလ့ၣ်တဖၣ်န့ၣ် ယရှါ ၄:၃ ပာ်ဖျါဝဲလၢ ကဘၣ်တၢ်ပာ်လီၤဆီ “ကဘၣ်တၢ်ကိးအီၤလၢ ပှၤစီဆှံ,” ဒီးအဆၢဖိ ၄ ပာ်ဖျါဝဲလၢ, ယွၤကသ့စီကွံာ် ပှၤဂီၢ်မုၢ်တဖၣ်အဃံၣ်အဃူး, ဒီးအဆၢဖိ ၅-၆ ပာ်ဖျါဝဲလၢ, ကစၢ်ယွၤကနဲၣ်ဆှၢ, ဒီးကကဟုကယာ်အပှၤဂီၢ်မုၢ်လၢတၢ်အဲၣ်တၢ်ကွံအပူၤန့ၣ်လီၤ.
ပမုၢ်နံၤမုၢ်သီတဖၣ် ဖျါလၢအခံးသူဝဲသ့, ဒီးကစၢ်ယွၤအတၢ်အၢၣ်လီၤတဖၣ် ကလၢထီၣ်ၦဲၤထီၣ်အဂီၢ် တၢ်တအိၣ်ဖျါဒံးဝဲဘၣ်. ဘၣ်ဆၣ်ခီဖျိလၢပတၢ်စူၢ်တၢ်နၥ်အပူၤႇ ပမ့ၢ်ဟံးဃၥ်ယွၤန့ၣ်ဒီး, ၂ပ့း ၁:၄ စံးဘၣ်ပှၤလၢ မုၢ်တနံၤန့ၣ် ကယဲၢ်ယွၤ အတၢ်စံးပာ် “အဒိၣ်အမုၢ် ဒီးအလုၢ်ဒိၣ်ၦ့ၤဒိၣ်” တဖၣ်န့ၣ် တၢ်ကမၤလၢထီၣ်ၦဲၤထီၣ်အီၤန့ၣ်လီၤ. မုၢ်နံၤအသီအဃံအလၤတနံၤ အိၣ်ခိးပၥ်ၦၤလံန့ၣ်လီၤ.
