လၢ “အၤဖရံၤကၤ မုၢ်ထီၣ်” (Horn of Africa) တကပၤန့ၣ် တူၢ်ဘၣ်ခီၣ်ဘၣ်ဝဲ တၢ်ယီၤဃ့နးနးကလဲာ် လၢတၢ်အါနံၣ်အါလါအတီၢ်ပူၤ ဒီးမၤဟးဂီၤဘုဧိၤဟုဧိၤႇ မၤသံဆၣ်ဖိကီၢ်ဖိ, ဒီးမၤဘၣ်ဒိဘၣ်ထံးတၢ်အါအါဂီၢ်ဂီၢ်န့ၣ်လီၤ. တၢ်အနးကတၢၢ်တဖၣ်အကျါ- ၦၤအိၣ်ဆိးလၢ ကီၢ် ကဲန်ညၣ် ကၣ်ကူၤမၤ ပှၤဘၣ်ကီဘၣ်ခဲ ဒဲကဝီၤ (Kenya’s Kakuma Refugee Camp), ၦၤလၢအဘၣ်ဃ့ၢ်ပူၤဖျဲးအသးလၢတၢ်ဒုးတၢ်ယၤ, ဒီးတၢ်ဆီၣ်သနံးတဖၣ်အဂီၢ်- မ့ၢ်တၢ်လီၤပျံၤလီၤဘၣ်ယိၣ်အဒိၣ်ကတၢၢ်န့ၣ်လီၤ. ဖဲတၢ်တယံၥ်ဒံးဘၣ်န့ၣ် တၢ်ပၥ်ဖျါတဘ့ၣ်အပူၤစံးဝဲလၢ မိၢ်သးစၢ်တဂၤ ဟဲစိၥ်အဖိဆံးဖိဆူဒဲကဝီၤ ခိၣ်နၢ်တဖၣ်အအိၣ်န့ၣ်လီၤ. အဖိဆံးဖိအံၤ တူၢ်ဘၣ် ‘တၢ်အီၣ်လီၤထြုး တၢ်ဆါ’ ဒိၣ်ဒိၣ်မုၢ်မုၢ် (တၢ်ဆါလၢတအီၣ်ဘၣ်တၢ်အီၣ်လၢလၢလီၣ်လီၣ်အဃိဂံၢ်ဘါစၢ်) အဃိ ဖိသၣ်ဆံးအံၤအိၣ်တ့ၢ်ထဲအခိၣ်ဆူၣ်, ဒီးအဖံးအညၣ်ဃ့ထီတုၤမးကၠီးဝဲဒၣ်န့ၣ်လီၤ. ဖိသၣ်ဆံးန့ၣ် တနံၤတအ့, တအီၣ်တၢ်အီၣ်ဘၣ်. အနီၢ်ကစၢ်ဆံးဆံးဖိန့ၣ်တမၤတၢ်လၢၤဘၣ်. ကသံၣ်သရၣ်စဲၣ်နိးတဖၣ် ဘၣ်မၤစၢၤအီၤ တကီၢ်ခါန့ၣ်လီၤ. တၢ်လၢအလိၣ်တဖၣ် အိၣ်ဒံးဝဲအါမးဘၣ်ဆၣ်, ဒ်သိးဒီးကဟ့ၣ်မၤစၢၤတၢ်တကီၢ်လါ လၢတၢ်မူဒီးတၢ်သံ တၢ်လိၣ်နီၢ်နီၢ်အဂီၢ်, တၢ်တ့ဒုးအိၣ်ထီၣ် ဂံၢ်ခီၣ်ထံးတၢ်သူၣ်ထီၣ် တဖၣ်အဃိ, မ့ၢ်တၢ်လၢအလီၤစံးဘျုးဝဲဒၣ်န့ၣ်လီၤ.

တၢ်လီၢ်လၢအလီၤဘၣ်ယိၣ်ဒ်သိးအံၤတဖၣ်န့ၣ်, မ့ၢ်တၢ်လီၢ်နီၢ်နီၢ်လၢ ယွၤအၦၤဂီၢ်မုၢ်တဖၣ် ကဘၣ်လဲၤဒုးနဲၣ်ဖျါထီၣ် ယွၤအတၢ်ကပီၤ, ဒီးအတၢ်အဲၣ်အဂ့ၢ်န့ၣ် ဖျါဖဲ ယၡါ ၅၈:၈ အပူၤန့ၣ်လီၤ. ဖဲၦၤကညီတဖၣ် သၣ်ဝံၤလီၤဒိ, ဆိးက့, မ့တမ့ၢ်, ဘၣ်တၢ်မၤပျံၤ မၤဖုးဂ့ၤန့ၣ်, ကစၢ်ယွၤကိးထီၣ်အၦၤဂီၢ်မုၢ်တဖၣ် ကဘၣ်မၤဝဲအဆိကတၢၢ်, လၢကစၢ်ယ့ၣ်ၡူးအမံၤအပူၤန့ၣ်, မ့ၢ်ဝဲလၢကဘၣ်ဟ့ၣ်မၤစၢၤတၢ်အီၣ်တၢ်အီ, ကသံၣ်ကသီႇ ဒီးတၢ်ဘံၣ်တၢ်ဘၢ, ကယဲၢ်တၢ်ခဲလၢာ်န့ၣ်လီၤ. အဆၢဖိ ၇ အပူၤန့ၣ် ဝံယၡါယၤသိၣ်ဃီၣ် ၦၤအံၣ်စရ့လးဖိတဖၣ်ဒုၣ်တၢ်အီၣ်, ဘါထုကဖၣ်တၢ်န့ၣ် ဆိကမိၣ်လီၤအသးလၢ
အတၢ်တီတၢ်လိၤအဃိ, ဖဲအစူးကွံာ်ညိကွံာ် တၢ်သးကညီၤအတၢ်မၤ တၢ်လၢအလိၣ်ဘၣ်နီၢ်နီၢ်- ‘တၢ်နီၤဟ့ၣ်ကိၣ်လၢ ၦၤတၢ်သၣ်ဝံၤအသးအဂီၢ်,’ တၢ်ဟ့ၣ်လီၤ ‘တၢ်အိၣ်ကဒုလီၢ်လၢၦၤဖှီၣ်ဖိယၥ်ဖိအဂီၢ်,’ ဒီးတၢ်ဒုးကူဒုးသိး “ၦၤအိၣ်ဘ့ၣ်ဆ့တဖၣ်” န့ၣ်လီၤ.

ၦၤလၢသၣ်ဝံၤအသးတဖၣ်ကဒိးန့ၢ်ဝဲ နီၢ်ခိဒီးနီၢ်သး တၢ်အီၣ်အဂီၢ်န့ၣ်, ကစၢ်ယွၤအသူၣ်အိၣ်သးအိၣ်ဝဲဒၣ်န့ၣ်လီၤ. တၢ်မၤစၢၤက့ၤၦၤလၢအလိၣ်ဘၣ်တၢ်တဖၣ်အဂီၢ် ကစၢ်ယွၤမၤတၢ်လၢပပူၤ, ဒီးယွၤမၤတၢ်ခီဖျိလၢပှၤန့ၣ်လီၤ.