ဖဲတၢ်ကတဲၥ်ကတီၤမၤလီၤတံၢ်က့ၤ ကဘီယူၤအတၢ်လဲၤလၢ ဝ့ၢ် ရှါလဲး, နီး ကဲၣ်ရိၣ်လဲနါ ကီၢ်စဲၣ် (Charlotte, North Carolina) ဆူ ဝ့ၢ် နယူယီး (New Youk City) အကတီၢ်, ကဘီယူၤအၦၤမၤတၢ်ဖိတဂၤ ပၥ်သူၣ်ပၥ်သးဝဲဒၣ်လၢ ၦၤကလဲၤဒိး ကဘီယူၤတဂၤန့ၣ်, ဖျါလၢဘၣ်ယိၣ်တၢ်, ဒီးအသးကိၢ်ပျံၤတၢ်န့ၣ်လီၤ. အဝဲဆ့ၣ်နီၤလီၤဖဲ ပှၤလဲၤတၢ်ကျဲဖးဒ့, ဒီးဖီၣ်ဃၥ်ပိၥ်မုၣ်အံၤအစုႇ ဒီးဒုးသ့ၣ်ညါဝဲ ကဘီယူၤအတၢ်လဲၤအပတီၢ် တဆီဘၣ်တဆီ, ဒီးမၤလီၤတံၢ်ဝဲလၢ ပိၥ်မုၣ်တဂၤအံၤ ကလဲၤဘၣ်တၢ်ဂ့ၤဂ့ၤဘၣ်ဘၣ်အဂ့ၢ်, ဒီးစံးဝဲလၢ “ဖဲနထီၣ်ဆူကဘီယူၤအလိၤန့ၣ်ဒီး, ပဝဲၦၤမၤတၢ်လၢကဘီယူၤတဖၣ် တမ့ၢ်ပှၤအကါဒီၣ်လၢၤဘၣ်, မ့မ့ၢ်ပှၤလၢအကါဒိၣ်န့ၣ် နၤဒီးပှၤဒိးကဘီယူၤတဖၣ်” န့ၣ်လီၤ. “ဒီးတၢ်ဘၣ်နၤ မ့ၢ်တမုၥ်ဘၣ်နၤန့ၣ်ဒီး, ယသးအိၣ်ဟဲသံကွၢ်နၤလၢ တၢ်မၤအသး တမံၤမံၤဧါ. ယကဘၣ်မၤန့ၢ်နၤတၢ်မ့ၢ်အိၣ်တမံၤမံၤဧါ” န့ၣ်လီၤ. ၦၤမၤတၢ်ဖိ အတၢ်မၤကဟုကယၥ် ပိၥ်မုၣ်တဂၤအံၤန့ၣ် ကဲထီၣ်သ့ဝဲဒၣ် က့ၢ်ဂီၤဖိတဘ့ၣ် လၢအပာ်ဖျါထီၣ် ကစၢ်ယ့ၣ်ၡူးအတၢ်ကတိၤ ခီဖျိလၢအီၤန့ၣ် သးစီဆှံကစၢ်ကမၤတၢ်လၢၦၤခရံၥ်ဖိတဖၣ်အဂီၢ်န့ၣ်လီၤ.

ကစၢ်ခရံၥ်အတၢ်သံ, အတၢ်ဂဲၤထၢၣ်သမူထီၣ်က့ၤ, ဒီးအတၢ်က့ၤထီၣ်ဆူမူခိၣ်န့ၣ်မ့ၢ်တၢ်လၢအလိၣ်နီၢ်နီၢ်, ဒီးကကဲဘျုးဝဲလၢ တၢ်အုၣ်က့ၤခီၣ်က့ၤၦၤကညီအတၢ်ဒဲးဘး အဂီၢ်ဘၣ်ဆၣ်, ယိၤ ၁၄:၁ ပာ်ဖျါဝဲ, တၢ်လၢအလီၤဘၣ်ကစၢ်ယ့ၣ်ရှူးန့ၣ် ကဒုးအိၣ်ထီၣ်စ့ၢ်ကီး သးအတၢ်သဘံၣ်ဘုၣ်, ဒီးတၢ်သးအုးဖးဒိၣ်လၢ အပျဲၢ်အဘီၣ်တဖၣ်အဂီၢ် န့ၣ်လီၤ. လၢတၢ်န့ၣ်အဃိ, ဖဲလၢအပျဲၢ်တဖၣ် ကမၤကစၢ်ခရံၥ်အတၢ်မၤဆူညါလၢ ဟီၣ်ခိၣ်အံၤန့ၣ် အဝဲမၤလီၤတံၢ်ဝဲလၢ “ယတပာ်လီၤတဲာ်ဖိၣ်ဃဲဘၣ်သုဘၣ်” န့ၣ်လီၤ. ယိၤ ၁၄:၁၆ ပာ်ဖျါဝဲလၢ ကစၢ်ယ့ၣ်ရှူးကဆှၢလီၤသးစီဆှံ ဒ်သိးအကအိၣ်ဒီးအဝဲသ့ၣ်- “ပှၤမၤစၢၤတၢ်လၢအဂၤတဂၤ ဒ်သိးအကအိၣ်ဒီးသုလီၤထူလီၤယိာ်” န့ၣ်လီၤ. အဆၢဖိ ၂၆ စံးဘၣ်ပှၤလၢ သးစီဆှံ ကအုၣ်အသးဒီးယ့ၣ်ၡူးအဂ့ၢ်, ဒီးကဒုးသ့ၣ်နီၣ်ကယဲၢ် တၢ်လၢ ကစၢ်ခရံၥ်မၤတ့ၢ်တဖၣ်, ဒီးအစံးတ့ၢ်တၢ်တဖၣ်န့ၣ်လီၤ. မၤတၢ် ၉:၃၁ အပူၤန့ၣ် ပကထံၣ်ဘၣ် ဖဲတၢ်ကီတၢ်ခဲအကတီၢ်, အပျဲၢ်အဘီၣ်တဖၣ် ကဘၣ်တၢ် “ဟ့ၣ်ဆူၣ်ထီၣ်အဂံၢ်အဘါ” ခီဖျိလၢသးစီဆှံန့ၣ်လီၤ.

တၢ်အိၣ်မူလၢဟီၣ်ခိၣ်အံၤ, ကယဲၢ်ၦၤခဲလၢာ်ဃုၥ်ဒီးၦၤစူၢ်နၥ်ကစၢ်ခရံၥ်တဖၣ်- ကလဲၤခီဖျိဘၣ်တၢ်ဘၣ်ယိၣ်, တၢ်ပျံၤတၢ်ဖုး, ဒီးသးအတၢ်သဘံၣ်ဘုၣ်တဖၣ်န့ၣ်လီၤ. ဘၣ်ဆၣ်ကစၢ်ခရံာ် အၢၣ်လီၤတ့ၢ်ဝဲလၢအဝဲမ့ၢ်တအိၣ်ဒီးပှၤဘၣ်ဆၣ်, ဒ်သိးကမၤမုၥ်ထီၣ်က့ၤၦၤအဂီၢ် သးစီဆှံကစၢ်ကအိၣ်ဆိးဒီးပှၤန့ၣ်လီၤ.