ကစၢ်ဧါ, ပှၤပၢၤတၢ်ဧါ

ဖဲခီပနံၣ်ဖးဒိၣ် အမူဒါခိၣ်ကျၢၢ် (CEO) တဂၤ ဆိကမိၣ်တယာ်ကွၢ်ဝဲ တၢ်အဂ့ၤကတၢၢ်လၢအဟံၣ်ဖိ ဃီဖိအဂီၢ်န့ၣ် ကမ့ၢ်တၢ်မနုၤတမံၤလဲၣ်အကတီၢ်န့ၣ် သံကွၢ်လီၤက့ၤအသးလၢ “ယမ့ၢ်ကစၢ်ဧါ, ပှၤပၢၤတၢ်တဂၤဧါ” န့ၣ်လီၤ. ဘၣ်ယိၣ်တၢ်လၢ တၢ်လ့ပစီတဖၣ် ဟဲနုာ်လီၤသ့ဝဲ ခီဖျိတၢ်စုလီၢ်ခီၣ်ခိၣ် အါအါဂီၢ်ဂီၢ်အဃိ, အဝဲတအဲၣ်ဒိးလၢ တၢ်တၤတၢ်တမံၤအံၤ ကကဲထီၣ်တၢ်ဝံတၢ်ယိးလၢ ပှၤကန့ၢ်သါ အတၢ်တဖၣ်အဂီၢ်န့ၣ်ဘၣ်. လၢတၢ်န့ၣ်အဃိ, စူးကွံာ်ညိကွံာ် အတၢ်ကဲဘၣ် ခီပနံၣ်အံၤအကစၢ်, ဒီးပာ်လီၤ ခီပနံၣ် အစ့မိၢ်ပှၢ် မျးကယၤ ၁၀၀ လၢစ့ပာ်ကီၤအပူၤန့ၣ်လီၤ. တၢ်သ့ၣ်ညါပာ်ပနီၣ် ကယဲၢ် တၢ်လၢအဘၣ်ထွဲဒီးအီၤခဲလၢာ် မ့ၢ်ကစၢ်ယွၤအတၢ်လီၤန့ၣ် မၤစၢၤအီၤ ဒ်သိးကပာ်လီၤသး, ဒီးကပျဲ အဟံၣ်ဖိဃီဖိတဖၣ် ကဃုဖံးအီၣ်မၤအီၣ်, ဒီးလုၢ်အီၣ်သးသမူ, ဒီးတဘျီဃီန့ၣ် စူးကါစ့ၢ်ကီးဝဲ ခါဆူညါ ကျိၣ်စ့အတၢ်န့ၢ်ဘျုးတဖၣ်လၢ ကဟ့ၣ်မၤစၢၤ ခရံာ်တၢ်သးခုကစီၣ်အတၢ်မၤအဂီၢ်န့ၣ်လီၤ.

ဖဲထါစံးထီၣ်ပတြၢၤ ၁၀:၁၀ အပူၤ ကစၢ်ယွၤစံးဘၣ် အပှၤဂီၢ်မုၢ်တဖၣ်လၢ “ဆၣ်ဖိကီၢ်ဖိအမံၤ လၢပှၢ်လၢ်ကျါန့ၣ် မ့ၢ်ယတၢ်ကိးဒုဒဲး, ဒီးဆၣ်ဖိကီၢ်ဖိအဒၢလၢ ကစၢၢ်တဖၣ်အလိၤ ဖဲအအိၣ်အကထိ ကထိန့ၣ်လီၤ.”…