ယသ့ၣ်ညါပှၤလၢ အအိၣ်ဒီးတၢ်ဘုၣ်ဆၣ်ဖိကီၢ်ဖိလၢ တၢ်လီၢ်ဖးလဲၢ်လၢ အအိၣ်ဘူးဒီး ၀့ၢ်လိၣ်မံၣ်တၣ်ၣ်လီၤႉ အ၀ဲအလံၤခွါခံဂၤ မ့ၢ်ယတံၤသကိးအဂ့ၤ ကတၢၢ်တဖၣ်န့ၣ်လီၤႉ ပလဲၤလီၤသကိးတၢ်ဒီး အတံၤသကိးတဖၣ် လၢအသ့ၣ်ညါ၀ဲ န့ၣ်လီၤႉ အ၀ဲသ့ၣ်ညါ ပှၤကိးဂၤအမံၤ ဒီးသ့ၣ်ညါစ့ၢ်ကီး အ၀ဲသ့ၣ်အဂ့ၢ်အကျိၤတဖၣ်လီၤႉ အ၀ဲအိၣ်ကတီၢ်ဖဲန့ၣ်ဖဲအံၤ ဒီးသံကွၢ်သံဒိး ဖိသၣ်အဆူးဆါတဂၤ အဂ့ၢ်အကျိၤ မ့ၢ်တမ့ၢ် တၢ်ဂ့ၢ်ကီတမံၤလၢ တၢ်ဆီဟံၣ်ဆီဃီဒီး အ၀ဲကတိၤမုာ်ထီၣ်က့ၤ တၢ်ကတိၤ တဖျၢၣ် မ့တမ့ၢ် ခံဖျၢၣ်ဆူအ၀ဲသ့ၣ်န့ၣ်လီၤႉ ဖဲလၢအ၀ဲမ့ၢ်ထံၣ်၀ဲလၢအလိၣ်အဃိ အ၀ဲနီၤဟ့ၣ်စ့ၢ်ကီး လံာ်စီဆှံဒီး ဃ့ထုကဖၣ်သကိးန့ၣ်လီၤႉ ယတသးပ့ၤနီၣ်သးပှၢ်အ၀ဲန့ၢ် နီတဘျီဘၣ်ႉ အ၀ဲမ့ၢ် ပှၤလီၤလီၤဆီဆီလၢ တၢ်တမံၤမံၤအဂီၢ်န့ၣ်လီၤႉ အ၀ဲတမၤဆူၣ် ပှၤနီတဂၤလၢ အဘၣ်ထွဲဒီးအတၢ်စူၢ်တၢ်နာ်န့ၣ်ဘၣ်ႉ မ့မ့ၢ် ဖျါလၢထီဘိ အ၀ဲပာ်တ့ၢ်တၢ်အံၤလၢ ပှၤဂုၤပှၤဂၤန့ၣ်လီၤႉ
သးပှၢ်အံၤ အိၣ်ဒီးတၢ်လၢစီၤပီလူးကိး၀ဲလၢ ‘‘ခရၠာစးံာ်အတၢ်နၢမူ’’ (၂ ကရၠာစးံၣ် ၂း၁၅) န့ၣ်လီၤႉ ကစၢ်ယွၤ စူးကါအီၤဆူ တၢ်ကလီၣ်ဖျါထီၣ် (အ) တၢ်သ့ၣ်ညါ (အ) တၢ်နၢမူလၢ (ခရၠာစးံာ်) (း၁၄) န့ၣ်လီၤႉ ခဲအံၤ အ၀ဲက့ၤတုၤဆူကစၢ်ယွၤအဂီၢ်ထံးလံႉ ဘၣ်ဆၣ်ၣ်လီၤႉ
စံၣ်အဲး (စ) လူး၀ံး ပာ်ဖျါထီၣ်လၢ ‘‘ပှၤပတီၢ်မုၢ်တအိၣ်၀ဲနီတဂၤဘၣ်ႉ နကတိၤ တၢ်ဒီးပှၤလၢ အသံအုၣ်သံကျာ်နီတစုဘၣ်’’ႉ လၢကျဲအဂၤတဘိၣ်လီၤႉ ကိးနံၤ‚ ပအိၣ်ဒီးတၢ်ခွဲးတၢ်ယာ်ဆူ တၢ်ကမၤတၢ်လၢ အလီၤဆီတမံၤလၢ ပှၤဂုၤပှၤဂၤလၢအအိၣ်လၢပခိၣ်ပဃၢၤအပူၤၣ်လီၤႉ ထံၣ်ဆံးလီၤက့ၤ နသးလၢ တၢ်လီၤဂာ်ဒီးခရၠာစးံာ်‚ ကဲထီၣ်တၢ်လၢအဘၣ်ဒိတၢ်လၢအဂ့ၤ ဆူပှၤဂုၤပှၤဂၤ‚ နီတစုတဂ့ၤႉ