ဖဲ မၣ်စံၣ်ယၢၣ် အိၣ်လၢကမျၢၢ်အကျါၢ်ဆၢက့ၤဘၣ်၀ဲတၢ်နံၤကမှံ လၢအမ့ၢ်အတီန့ၣ်လီၤႉ ဘၣ်ဆၣ်‚ ဖဲတၢ်မၤလိာ် မၣ်စံၣ်ယၢၣ် လၢ ကဘၣ်သိးထီၣ် နီၢ်ကျၢၢ်ဘၢမဲာ်အခါ‚ အ၀ဲ သ့ၣ်ညါနၢ်ပၢၢ်၀ဲ တမ့ၢ်ပှၤကထံၣ်ဘၣ်အထးခိၣ်လၢၤဘၣ်‚ သတးဒီး ပှၤနီတဂၤ တမ့ၢ် ကထံၣ်ဘၣ်၀ဲအတၢ်နံၤကမှံလၢၤဘၣ်ႉ အ၀ဲဆိကမိၣ်ၣ်လီၤ’’ႉ
လၢတၢ်ထံၣ်ဆိကမိၣ်အံၤအပူၤ စဲအ့ၣ်အိၣ်တစဲးဖိနီၢ်နီၢ်န့ၣ်လီၤႉ ညၣ်ထူၣ် တဖၣ်လၢ အအိၣ်လၢထးခိၣ်အသနၢၣ်ဒီး ညၣ်ထူၣ်တဖၣ်လၢအမၤသွံးထီၣ်မဲာ်ချံတဖၣ် ကပိာ်လိာ်သးအခံတပူၤဃီလၢ တကတီၢ်ဃီအပူၤန့ၣ်လီၤႉ တၢ်အံၤ တၢ်ကိးအီၤလၢ ဒူၣ်ဒီး တၢ်နံၤကမှံ ဒီးတၢ်စံးတ့ၢ်အီၤဒ်အမ့ၢ် ‘‘တၢ်နံၤကမှံလၢမဲာ်ချံတဖၣ်’’န့ၣ်လီၤႉ
လံာ်တၢ်ကတိၤဒိ ဒုးသ့ၣ်နီၣ်ပှၤလၢ ‘‘ပမဲာ်အတၢ်ကပီၤ ဒုးသးခုပသးလီၤ’’ ဒီး ‘‘သးလၢအခုန့ၣ် မၤဂ့ၤပနီၢ်ခိလီၤ’’ (၁၅း၃၀‚ ၁၇း၂၂) ႉ ညီနုၢ်တလီၢ်လီၢ်ၢ် ဘၣ်အံၤန့ၣ်လီၤႉ ဖဲပဟ့ၣ်ဂံၢ်ဟ့ၣ်ဘါပှၤလၢ အတၢ်၀ံတၢ်ယိးဃၢတဖၣ် မ့တမ့ၢ် ဟ့ၣ်ခီ ဟ့ၣ်နီၤတၢ်ဒီး ပှၤလၢအဃုထံၣ်တၢ်စံးဆၢတဖၣ်လၢသးသမူတၢ်သံကွၢ်တဖၣ်အဂီၢ်န့ၣ် တၢ်အံၤမ့ၢ်၀ဲ ယွၤအတၢ်ဟ့ၣ်လၢအလူလီၤဂၢ်လီၤအသးတလီၢ်လီၢ် ဆူပတၢ်အိၣ်မူ အပူၤ န့ၣ်လီၤႉ ဖဲပတူၢ်ဘၣ်ခီၣ်ဘၣ်တၢ် အဆၢကတီၢ်အခါဒၣ်လဲၣ်ၣ်လီၤႉ
ဖဲတၢ်အိၣ်မူခံး၀ဲအခါ‚ ဃုထၢတၢ်သူၣ်ဖှံသးညီတက့ၢ်ႉ ပျဲနတၢ်နံၤကမှံ ကဲထီၣ် ပဲ့တီဖိတဘ့ၣ်လၢ အဆဲးကလၤထီၣ် ယွၤအတၢ်အဲၣ်ဒီး အတၢ်အိၣ်ဒီးပှၤ တၢ်ကပီၤလၢ နတၢ်အိၣ်မူအပူၤတက့ၢ်ႉ