ဖဲ ခဲးဘံၣ်နီၣ် ဆှၢပှၤဆူ ၀့ၢ်လိဒိၣ် အဟံးသရၠာစးိကဘီယူၤပျီန့ၣ် အ၀ဲတဲပှၤလၢအဂ့ၢ် လီၤႉ အ၀ဲဟဲထဲတဂၤဧိၤ ဆူကီၢ်အဲကလံး ဖဲအသးအိၣ် (၁၅) နံၣ်ဒံး‚ ဒ်သိး ကပူၤဖျဲးဒီးတၢ်ဒုးတၢ်ယၤ ဒီးတၢ်ဖှီၣ်တၢ်ယာ်လီၤႉ (၁၁) နံၣ်၀ံၤအလီၢ်ခံ ခဲအံၤ‚ အိၣ်ဒီး အဟံၣ်ဖိဃီဖိဒၣ်၀ဲဒီး လုၢ်အီၣ်အ၀ဲသ့ၣ် တဒ်သိးဘၣ်ဒီး အတၢ်မၤလၢ အထံကီၢ်ဒၣ်၀ဲဘၣ် လီၤႉ ဘၣ်ဆၣ် အသးအုးဒံး၀ဲ မ့ၢ်လၢအိၣ်ယံၤဘၣ်ဒီး အမိၢ်ပၢ်ဒီပုၢ်၀ဲၢ်တဖၣ်လီၤႉအ၀ဲတဲပှၤလၢ အိၣ်ဒီးအသးသမူအတၢ်ကီတၢ်ခဲၣ်လီၤႉ လၢပတၢ်အိၣ်မူအံၤ တၢ်ဘၣ်အိၣ်လီၤဖးဒီး ပဒူၣ်ဖိထၢဖိန့ၣ် မ့ၢ်တၢ်အကီတမံၤ ဘၣ်ဆၣ် ပဒူၣ်ဖိထၢဖိတဂၤဂၤ မ့ၢ်သံသဒၣ်ကွံာ်ပှၤန့ၣ် ကီန့ၢ်အန့ၣ် တုၤလၢပထံၣ်က့ၤကဒီးပသးမးလီၤႉ
ဖဲပှၤစူၢ်က့ၤနာ်က့ၤတၢ်သီသီလၢ ၀့ၢ်သ့းစၤလနံတဖၣ် အသးကမၢကမၣ် ဘၣ်ထွဲလၢတၢ်သံဒ်န့ၣ်အဂ့ၢ်န့ၣ် စီၤပီလူး တဲဘၣ်အ၀ဲသ့ၣ်ၣ် ဒ်သိးသုသုတသးအုး ဒ်ပှၤလၢ အတၢ်မုၢ်လၢ်တအိၣ်ဘၣ်အသိးန့ၣ်တဂ့ၤ’’ န့ၣ်လီၤ (၁ သ့း ၄း၁၃) ႉ စီၤပီလူး တဲနၢ်ပၢၢ် အ၀ဲသ့ၣ်လၢ ဒ်ပှၤနာ်ခရၠာစးံာ်အသိး ပအိၣ်မူအိၣ်ဒီး တၢ်မုၢ်လၢ်လၢ မုၢ်တနံၤန့ၣ် ပကထံၣ်လိာ်က့ၤပသးဒီး ‘‘အိၣ်ဒီးကစၢ်အစိၤစိၤအဃၣ်ဃၣ်လီၤ (း၁၇) ႉ
ပတၢ်လဲၤခီဖျိစှၤကိာ် မၤဘၣ်ဒိပှၤယိာ်မး ဒ်သိးပတၢ်တူၢ်ဘၣ်တၢ်ဘၣ်အိၣ် လီၤဖးတဖၣ်အသိးၣ် ပကထံၣ်န့ၢ်ဘၣ်တၢ်မၤမုာ်လၢ ပလိၣ်ဘၣ်အီၤ ဖဲကစၢ်အတၢ်အၢၣ်လီၤအီလီၤလၢ အိၣ်စံၣ်အိၣ်ကျၢၤ အပူၤ လီၤ (း၁၈) ႉ