မ့ၢ် ဒဲၣ်နိၣ်ဆီ တဖၣ် ကအိၣ်မူဒံးန့ၣ်ဒီး နဆိကမိၣ်မ့ၢ်ကလီၤဂာ်ဒီးမနုၤလဲၣ်ႉ အမဲတဖၣ်ဒိၣ်ဧါ‚ မ့ၢ်အဖံးသဘျံး လီၤဂာ်လၢ တၢ်အသဒံၣ်ဧါဆၢၣ် အတၢ်စံၣ်စိၤတၢ်ကွၢ်ကီအလီၢ်လၢ အိၣ်၀ဲ ဖဲစဲၣ်နိဘၢၣ်အိးကလၣ်ဟိမၣ်န့ၣ်လီၤႉ
ပမ့ၢ်ဆၢထၢၣ်လၢ တၢ်ဂီၤဖးဒိၣ်အံၤအမဲာ်ညါဒီး ပသးပလၢၢ်ဘၣ်လၢ ပမ့ၢ် တၢ်ဆံးဆံးဖုၣ်ဖုၣ်ဖိလၢ ဒဲၣ်နိၣ်ဆီတဖၣ်အံၤအဂီၤထံးလီၤႉ ယမၤန့ၢ် တၢ်သ့ၣ်ညါနၢ်ပၢၢ် ဖဲယဖးဘၣ် ကစၢ်ယွၤအတၢ်ပာ်ဖျါ ဆၣ်ဖိကီၢ်ဖိလၢ အစိကမီၤဒိၣ်မးလၢအမ့ၢ် ‘‘ကသ့ၣ်ထံ’’ (ယိၤဘး ၄၀း၁၅) လီၤႉ တၢ်ဖးဒိၣ်တဒုအံၤ အီၣ်တပံၢ်ဒ်ဂီၤဖံးအသိးၣ် အ၀ဲတမၤဂဲၤဒၣ်လဲာ် အမဲာ်တူၢ်ခိၣ်ဘၣ်ႉ
မတၤမးမၤဘှါဆၣ်ဖိကီၢ်ဖိလၢ ပနာ်န့ၢ်အီၤတသ့တဒုအံၤ တန့ၢ်ဘၣ်ႉ ထဲဒၣ် အကစၢ်လၢတ့လီၤအီၤ (း၁၉) လီၤႉ ကစၢ်ယွၤ ဒုးသ့ၣ်နီၣ် စီၤယိၤဘးလၢ တၢ်မ့ၢ်တၢ်တီ တမံၤအံၤ ဖဲယိၤဘးအတၢ်ကီတၢ်ခဲတဖၣ် ဒုးအိၣ်ထီၣ်တၢ်ကဒု ခံးသူဖျါအၢတဖၣ်လၢ အတၢ်အိၣ်မူပူၤလီၤႉ တၢ်သးအုးဖးဒိၣ်ၣ် ဒိၣ်န့ၢ်ဒံး အတၢ်ကီတၢ်နးတဖၣ်ဒီး အစိကမီၤလၢပှဲၤ၀ဲလၢ ကမၤဘၣ်လိာ်ဘၣ်စးက့ၤတၢ်လၢ အ၀ဲမၤ၀ဲတသ့တဖၣ်လီၤႉ လၢခံကတၢၢ် စီၤယိၤဘးအၢၣ်လီၤ၀ဲလၢ ‘‘ယသ့ၣ်ညါလၢ နသ့တၢ်လၢာ်’’ လီၤ (၄၂း၂) ႉ