ကျီၢ်မိၢ်တဒုအံၤ ဘၣ်တၢ်ဆိကမိၣ်ကမၣ်အီၤလၢ အါနံၣ်အါလါအတီၢ်ပူၤန့ၣ်လီၤႉ ကျီၢ်မိၢ်တဒုအံၤ အမံၤမ့ၢ်၀ဲ ဒ့ၢ်စံၣ် ဧါ‚ မဲးဒလဲ (လ) ဧါၣ် ပှၤတသ့ၣ်ညါလီၤတံၢ်လီၤဆဲးန့ၣ်ဘၣ်ႉ ဘၣ်ဆၣ် ကျီၢ်မိၢ်တဒုအံၤ ဘၣ်တၢ်ဆိကမိၣ် ကမၣ်အီၤလၢ အ၀ဲဒၣ်အဃိ မ့ၣ်အူအီၣ်တၢ်လၢ ၀့ၢ်ခၠံၣ်ခၣ်ကိၣ် လၢအမၤလီၢ်မၢ်ကွံာ် ပှၤ၀့ၢ်ဖိ ၃၀၀ အသးသမူ ဒီးမၤဟးဂီၤကွံာ် ဟံၣ်ဒူၣ် ၃ ပူၣ် ၁ ပူၣ် လၢ၀့ၢ်ပူၤန့ၣ်လီၤႉ
ကျီၢ်မိၢ်အံၤ တိၢ်ဘၣ်မ့ၣ်အူဒၢစိာ်စုအဃိ မ့ၢ်အူအီၣ်တၢ်လၢ ကျီၣ်အီၣ်ဆၣ် အလီၢ် ဒီးလၢခံမ့ၣ်အူအီၣ်ဃုာ်တၢ်လၢ ၀့ၢ်ပူၤအဃိန့ၣ်လီၤႉ လၢခံအနံၣ် ၁၂၆ နံၣ် ပူၤကွံာ်ဒီး ပှၤဃုသ့ၣ်ညါထံးဆးက့ၤတၢ်ဂ့ၢ်အံၤ ဒီးပသ့ၣ်ညါဘၣ်က့ၤလၢ မ့ၣ်အူအီၣ်တၢ် တဘၣ်ဃးလၢ ကျီၢ်မိၢ်အံၤန့ၣ်ဘၣ်ၣ်လီၤႉ
တၢ်တီတၢ်လိၤန့ၣ် တဘျီဘျီဟံးန့ၢ်တၢ်ဆၢကတီၢ်ယံာ်တ့ၢ်မးၣ်လီၤႉ လံာ်စံးထီၣ်ပ့တၢၤ ၁၃ အပူၤ တၢ်ကတိၤ ‘‘ဆံးယံာ်လဲၣ်’’ ဘၣ်တၢ်ပာ်ဖျါအီၤ ၄ ဘျီန့ၣ်လီၤႉ ‘‘ဆံးယံာ်လဲၣ်ယွၤဧၢၢ်ယၤ ဆံးယံာ်လဲၣ်’’ (စံး ၁၃း၁-၂) ႉ ဘၣ်ဆၣ် လၢတၢ်ကဒုကစွါအခၢၣ်သးအပူၤ န့ၣ် စီၤဒၤ၀ံး ထံၣ်န့ၢ်က့ၤ တၢ်နာ်ဒီးတၢ်မုၢ်လၢ်အဂ့ၢ်အကျိၤန့ၣ်လီၤႉ အဃိ စံး၀ဲ ‘‘ဘၣ်ဆၣ်ဒီး ယသန့ၤယသးလၢနဘျုးနဖှိၣ်လီၤႉ ယကသူၣ်ဖှံသးညီလၢ နတၢ်အုၣ်က့ၤခီၣ်က့ၤ အပူၤလီၤ (း၅) ႉ
ဖဲတၢ်တီတၢ်လိၤ စဲၤခံ၀ဲအခါဒၣ်လဲၣ်‚ ယွၤအတၢ်အဲၣ် တမၤသးဟးဂီၤ ပှၤဘၣ်ႉ ပအိၣ်ဘှံးလၢယွၤအပူၤၣ်ဘၣ်ႉ လၢ တၢ်လီၤထူလီၤယိာ် အဂီၢ်စ့ၢ်ကီးသ့၀ဲန့ၣ်လီၤႉ