လၢအလံာ်လၢ ‘‘ပှၤကညီလၢအဘၣ်ဃးဒီး ဟီၣ်ခိၣ်ဒီဘ့ၣ်’’ ပှၤကူၣ်သ့လၢ ပှၤကူပှၤကညီ ဒီနၢၣ်တရၠာစးီ ယၢၤထီၣ် လုၢ်လၢ်လၢအအါန့ၢ်ဒံး အကလုာ်လွံၢ်ကယၤၣ်လီၤႉ အ၀ဲပာ်ဖျါတၢ်တဖၣ်အံၤ ဒ်တၢ်လိာ်ကွဲဖိတဖၣ်‚ တၢ်လီၤနံၤလီၤအ့‚ တၢ်ဂဲၤကလံၣ် ဒီးတၢ်ကတိၤဒိတဖၣ်ၣ်လီၤႉ ဒ်န့ၣ်အသိး‚ အ၀ဲနာ်လၢတၢ်ဆဲးတၢ်လၤကိးမံၤ အိၣ်ဒီးတၢ်ထံၣ်လၢ အဘၣ်ဒီးကမၣ်‚ ဖဲတၢ်ဟ့ၣ်တၢ်လၢတၢ်သူၣ်ညီသးညီတခီဒိးတဲၣ် တၢ်စံးပ့တၢၤ‚ တၢ်အၢၣ်လီၤတဖၣ် ဘၣ်တၢ်ပာ်လုၢ်ပာ်ပရၤဒီး တၢ်ဒ်တၢ်ပံာ်တၢ်ကီဒီး တၢ်မၤသံမၤ၀ီတဖၣ်‚ ဘၣ်တၢ်နၢ်ပၢၢ်အီၤ ဒ်တၢ်လၢ အကမၣ်လီၤႉ ပ၀ဲကိးဂၤ ပအိၣ်ဒီး သးလၢအသ့သ့ၣ်ညါတၢ်ၣ်လီၤႉ
ပှၤတၢ်မၢဖိစီၤပီလူး ပာ်တၢ်ဂ့ၢ်လၢ အလီၤပလိာ်ဒီးတၢ်အံၤ လၢပူၤကွံာ် နံၣ်ကယၤအါမးန့ၣ်လီၤႉ ဖဲကစၢ်ယွၤဟ့ၣ်လီၤ ပှၤယူဒၤဖိတဖၣ်လၢ တၢ်မၤလိာ် အဘီ တဆံ ဒ်သိးကသ့နီၤဖးတၢ်ဂ့ၤဒီးတၢ်အၢၣ်လီၤႉ ကစၢ်ယွၤ အတၢ်သိၣ်တၢ်သီတဖၣ်‚ ဘၣ်တၢ်ကွဲးလီၤလၢ အ၀ဲသ့ၣ်အသးလိၤ (ရၠာစးိမ့ၤ၂း၁၄-၁၅) လီၤႉ ဘၣ်ဆၣ်ၣ် တမ့ၢ်တၢ်အဲၣ်ဒိးစံးလၢ ထီဘိ ပှၤကညီတဖၣ် မၤတၢ်လၢ အလိၤ၀ဲဘၣ်၀ဲန့ၣ်ဘၣ်ႉ ပှၤတခီဘီမုၢ်ဖိ ပူထီၣ်ထီဒါကွံာ် အသးလၢအသ့ၣ်ညါဒၣ်တၢ် (၁း၃၂) ‚ ပှၤယူဒၤဖိတခီ‚ ခီပတာ်ကွံာ် တၢ်သိၣ်တၢ်သီ‚ ပာ်တ့ၢ်အ၀ဲသ့ၣ် ခံဖုလိာ်လၢ တၢ်ဒဲးဘးအတၢ်ကမၣ်လီၤႉ ဘၣ်ဆၣ်‚ ခီဖျိတၢ်နာ်လၢကစၢ်ယ့ၣ့်ှှူး‚ ကစၢ်ယွၤ ထုးကွံာ် တၢ်စံၣ်ညီၣ်လၢတၢ်သံ‚ လၢပတၢ်ခီပတာ်ကွံာ် တၢ်သိၣ်တၢ်သီ (၃း၂၃-၂၆ၣ်လီၤႉ
မ့ၢ်လၢ ကစၢ်ယွၤတ့လီၤပှၤကိးဂၤ ဃုာ်ဒီးစ့ၣ်တမံၤလၢအသ့ၣ်ညါ တၢ်ဂ့ၤဒီး တၢ်အၢၣ်လီၤႉ ဖဲပမ့ၢ်အၢၣ်လီၤတၢ်ဒဲးဘးတဖၣ်န့ၣ် ကစၢ်ယွၤထွါကွံာ် တၢ်ဒဲးဘး ဒ်လၢၢ်ဘ့ၣ်ဘၣ်လၢအဘၣ်တၢ်ထူးသံကဆှီကွံာ်အသိးန့ၣ်လီၤႉ တၢ်ကိးမံၤလၢပကဘၣ် မၤအီၤ မ့ၢ်ပကဘၣ်ဃ့တၢ်လၢအီၤ‚ ဖဲပမ့ၢ်မတၤဂ့ၤမတၤဂ့ၤၣ်လီၤႉ