ဖဲအမဲရၠာစးကၤထံလီၢ်ကီၢ်ပူၤတၢ်ဒုးအကတီၢ် ကီၢ်ခိၣ်အၣ့်ဘၣ်ဟၣ်လ့ကၢၣ်‚ တဘျီ ထံၣ်လီၤအသးလၢ သးအိၣ်မၤမုာ်တၢ် ဒ်ပှၤဂဲၤထံဂ့ၢ်ကီၢ်ဂ့ၢ်တဂၤအဃိၢ် တၢ်ကလုၢ်‚ အ၀ဲသမၢတၢ်ဆူတၢ်ကမၤ တၢ်အံၤလီၤႉ အ၀ဲစံးလၢ ကီၢ်ခိၣ်အံၤ မ့ၢ်ပှၤပျုၢ်တဂၤလီၤႉ လ့ကၢၣ်ဘၣ်တၢ်တဲဖျါအီၤ လၢအဘၣ်ထွဲ ဒီးစတဲတၢၣ် အတၢ်ကတိၤအံၤဒီး အ၀ဲစံးဆၢက့ၤလၢ‚ ‘‘ဖဲလၢစတဲတၢၣ်မ့ၢ် စံးလၢယပျုၢ်အဃိ‚ ယကမ့ၢ်ယဲမ့ၢ်လၢအ၀ဲဘူးတ့ၢ်လၢ တၢ်အမ့ၢ်အတီဃၣ်ဃၣ်လီၤႉ ယကထံၣ်လၢ တၢ်အံၤ အဂီၢ်လီၤ’’ႉ ဖဲပှၤခံဂၤအံၤ ကတိၤသကိးတၢ်‚ သတူၢ်ကလာ် ကီၢ်ခိၣ် ထံၣ်သ့ၣ် ညါလၢ အ၀ဲအတၢ်ဆၢတဲာ် မ့ၢ်တၢ်လၢအကမၣ်၀ဲဒိၣ်မးတမံၤအဃိ‚ လၢတၢ်မၤယံာ် မၤနီၢ်သးတအိၣ်အပူၤ‚ အ၀ဲဃၣ်ကွံာ်သးလၢတၢ်အံၤလီၤႉ ဖဲလၢ စတဲတၢၣ် မ့ၢ်ကိးအီၤ လၢ ပှၤပျုၢ်တဂၤ ဘၣ်ဆၣ်ၣ်ဘၣ်ႉ လၢတၢ်အံၤအလီၢ်‚ လ့ကၢၣ် ဒိကနၣ် အ၀ဲအတၢ်ဟ့ၣ်ကူၣ်ၣ်ဧါ (ကွၢ် ၁ စီၤပၤ ၁၂း၁-၁၁) ႉ တၢ်အံၤကဲထီၣ်တၢ်လၢ တၢ်သးထီၣ်ဘၣ်တၢ်ဒိၣ်ဒိၣ်ကလဲာ်‚ တမ့ၢ်ဘၣ်ဧါႉ မ့တမ့ၢ် လၢနကစၢ်ဒၣ်နဲတခီ‚ မ့ၢ်နသမၢဘၣ်တၢ်ဆူ ပှၤဂုၤပှၤဂၤအတၢ်ဟ့ၣ်ကူၣ်ဧါႉ ဒ်ကတိၤဒိ ၁၂း၁၅ စံး၀ဲ အသိးၣ် လိၤ၀ဲလၢအမဲာ်ညါဒၣ်၀ဲန့ၣ်လီၤႉ မ့မ့ၢ်ပှၤလၢ အဒိကနၣ် တၢ်ဟ့ၣ်ကူၣ်န့ၣ် မ့ၢ်ပှၤလၢအကူၣ်တၢ်သ့န့ၣ်လီၤ’’ႉ
ပှၤကူပှၤကညီတဖၣ်‚ ထီဘိဟ့ၣ်ကူၣ်တၢ်တလိၤ၀ဲတဘၣ်၀ဲ‚ ဒီးပတမ့ၢ်တၢ် ဒ်သိးဒီး တၢ်အံၤဘၣ်ဧါႉ သ့ၣ်ညါလၢ ပှၤကိးဂၤ မၤကမၣ်တၢ်သ့‚ ထဲဒၣ် ပှၤဟးဂီၤဖိတခီ‚ တယာ်လီၤသးလၢ‚ တၢ်ကဘၣ်နၢ်ပၢၢ်အ၀ဲသ့ၣ် ဖဲလၢမ့ၢ်တပိာ်ထွဲတၢ် ဒ်တၢ်သိၣ်တၢ်သီ အိၣ်၀ဲအသိးဘၣ်လီၤႉ လၢတၢ်အံၤအလီၢ်‚ မ်ပကမၤသကိး ဒ်တၢ်ကူၣ်သ့လၢ အဟဲလၢ ယွၤဒီး ဒိကနၣ်တၢ်ဆူပှၤကူၣ်သ့အတၢ်ဟ့ၣ်ကူၣ် လၢပှၤဂုၤပှၤဂၤ‚ ဖဲလၢ အတိခိၣ်ၣ်တက့ၢ်ႉ တဘျီဘျီၣ် မ့ၢ်တၢ်လၢ အလီၤတံၢ် လၢ ယွၤမၤတၢ်လၢတၢ်ဂ့ၤလၢပဂီၢ်ဒ်လဲၣ် (း၂) န့ၣ်လီၤႉ
ဖး လံာ်ကတိၤဒိ ၁၂း၂-၁၃လံာ်စီဆှံလၢ တနံၣ်အဂီၢ် ၂ စီၤပၤ ၁၃-၁၄ ဒီး ယိၤဟၣ် ၂
ပှၤဟးဂီၤဖိအကျဲန့ၣ် လိၤ၀ဲလၢ အမဲာ်ညါဒၣ်၀ဲန့ၣ်လီၤႉ မ့မ့ၢ်ပှၤလၢ အဒိကနၣ် တၢ်ဟ့ၣ်ကူၣ်န့ၣ် မ့ၢ်ပှၤလၢအကူၣ်တၢ်သ့န့ၣ်လီၤႉ ဟကတိၤဒိ ၁၂း၁၅ြ
ဘၣ်မနုၤလၢတဘျီဘျီ နယုာ်နသးဆူ တၢ်ကဒိကနၣ်တၢ်ဆူတၢ်ကူၣ်သ့အတၢ်ဟ့ၣ်ကူၣ်လၢ ပှၤဂုၤပှၤဂၤန့ၣ်လဲၣ်ႉ မ့ၢ်နလီၤတံၢ်လၢ တၢ်ဟ့ၣ်ကူၣ်လၢနဒိးန့ၢ်လီၣ်ဖျါထီၣ်တၢ်ကူၣ်သ့နီၢ်နီၢ်ဒ်လဲၣ်ႉ
ယွၤလၢအကူၣ်သ့ကူၣ်ဘၣ်ဧၢ‚ သိၣ်လိယၤလၢနကျဲတဖၣ်ဒီးမၤစၢၤယၤ ဒ်သိးကဟးဆှဲးတၢ်စံၣ်ညီၣ်လၢ အတဘၣ်တတီတက့ၢ်ႉ စံးဘျုးနၤလၢ နဆှၢနုာ်ပှၤဂုၤပှၤဂၤလၢ ယတၢ်အိၣ်မူအပူၤ‚
လၢအအိၣ်လၢတၢ်လီၢ်လၢတၢ်ကဟ့ၣ်ထီၣ်တၢ်ဟ့ၣ်ကူၣ် ဖဲယလိၣ်ဘၣ်တၢ်အံၤန့ၣ်လီၤႉ
Our Daily Bread Topics:
odb
