လၢပှၤကွဲးလံာ် စံၣ်ႉအဲးစ်လူ၀ံးစ် အတၢ်ကွဲးလၢ ‘‘တၢ်မ့ၢ်ထဲဒၣ် ပှၤခရၠာစးံာ်ဖိတဂၤဧိၤဧါ’’ အပူၤ အ၀ဲဟ့ၣ်ကူၣ်ပှၤလၢ ပကသ့သံကွၢ်လီၤက့ၤပသးလၢ တၢ်သံကွၢ်တနီၤ ဒ်သိးကဃု သ့ၣ်ညါလီၤက့ၤပသးလၢမ့ၢ်ပပာ်ထီၣ်ထီပသး‚ ‘‘ဖဲလၢ ယဘၣ်တၢ်ကတိၤတရၠာစးီတပါ ယၤ‚ သမၢတၢ်လၢ ကသ့ၣ်ညါယၤ‚ တပာ်သူၣ်ပာ်သးလၢယၤ‚ လၢအတရၠာစး့လိာ်သးဒီးယၤ လၢသူၣ်လၢသး‚ ဆီၣ်သနံးယၤဒီးဟံးန့ၢ်ခွဲးယာ်လၢယဖီခိၣ်အခါန့ၣ်ဖဲအံၤ မ့ၢ်ယတၢ် ဘၣ်သူၣ်ဘၣ်သးလၢ တၢ်သ့ၣ်တဖၣ်အံၤထဲလဲၣ်’’ န့ၣ်လီၤႉ လူ၀ံးစ် ထံၣ်တၢ်ပာ်ထီၣ်ထီသး ဒ်အမ့ၢ်‘‘တၢ်အၢတၢ်သီအဒိၣ်ကတၢၢ်တမံၤ’’ ဒီးမ့ၢ်တၢ် လၢအဒုးကဲထီၣ် တၢ်သဘံၣ်ဘုၣ် လၢဟံၣ်လၢဃီဒီးလၢထံကီၢ်တဖၣ်အပူၤန့ၣ်လီၤႉ အ၀ဲကိးတၢ်အံၤလၢ ‘‘နီၢ်သး အခဲစၢၣ်တၢ်ဆါ’’ လၢ အအီၣ်ဂီၤကွံာ်တၢ်အဲၣ်တၢ်ကွံ‚ တၢ်သးမံ ဒီးတုၤဒၣ်လဲာ်လၢ တၢ်သ့ကွၢ်ထံဆိကမိၣ်တၢ်လၢ အဂ့ၢ်အခၢးဘၣ်ဘၣ်န့ၣ် လီၤႉ
တၢ်ပာ်ထီၣ်ထီသး မ့ၢ်တၢ်ဂ့ၢ်ကီတမံၤ လၢနံၣ်ဧိၤလါဧိၤတဖၣ်အပူၤန့ၣ်လီၤႉ ခီဖျိ ၀ံယဃ့စက့လး‚ ကစၢ်ယွၤဒုးပလီၢ်ခိၣ်နၢ်လၢအဒိၣ်စိဒိၣ်ကမီၤလၢ ‘စိၢ်’ အတၢ် ပာ်ထီၣ်ထီသးန့ၣ်လီၤႉ အ၀ဲစံးလၢစီၤပၤအတၢ်ပာ်ထီၣ်ထီသး ကဟဲစိာ်န့ၢ် တၢ်လီၤမၢ်‚ ‘မ့ၢ်နပာ်နသးဒ်ကစၢ်တဂၤအသးအသိးဒီး ကွၢ်ကွၢ်ယကဒုးဟဲဘၣ်နၤလၢ ပှၤတခီဘီမုၢ်‚ ပှၤမၤပျံၤတၢ်လၢပှၤကလုာ်တဖၣ်အကျါႉႉႉ’ (ယဃ့း ၂၈း၆-၇) ႉ ၀ံၤကသ့ၣ်ညါလီၤက့ၤ အသးလၢ အတမ့ၢ်ဘၣ်ကစၢ်တဂၤ‚ မ့မ့ၢ် တၢ်အုၣ်သံကျၣ်သံတၢ်သံသ့တမံၤ (း၉) န့ၣ်လီၤႉ
တၢ်လၢအထီဒါလိာ်သးဒီးတၢ်ပာ်ထီၣ်ထီသးအံၤ မ့ၢ်တၢ်ဆီၣ်လီၤသး‚ လၢ လူ၀ံး (စ) ဟ့ၣ်ယုၢ်အမံၤဒ်တၢ်ဂ့ၤတၢ်၀ါလၢ ပဒိးန့ၢ်ဘၣ်အီၤ ခီဖျိတၢ်သ့ၣ်ညါကစၢ်ယွၤ န့ၣ်လီၤႉ လူ၀ံး (စ) စံးလၢ ဒ်ပဘၣ်ထွဲဒီးအီၤ ဘူးဘူးတံၢ်တံၢ်‚ ပကဲထီၣ် ‘‘ပှၤလၢအမုာ်သး လၢတၢ်ဆီၣ်လီၤသး’’ ကလၢၢ်ဘၣ်တၢ်ကိညၢ်ထီၣ် ဒ်သိးကတၢ်စူးကွံာ်တၢ်လၢ အတဂိာ်တသီၣ်လၢအဘၣ်ထွဲဒီးတၢ်လၢ ပကစၢ်ဒၣ်၀ဲယူးယီၣ်ပးကဲလၢ ခါလၢအပူၤ ကွံာ်‚ လၢအဒုးကဲထီၣ်ပှၤတၢ်အိၣ်ဂၢၢ်က့ၤတန့ၢ်ဒီး တၢ်သူၣ်ခုသးခုက့ၤ တကဲန့ၣ်လီၤႉ
ပဘူၣ်ထီၣ်ဘါထီၣ် ယွၤဒံးအါထီၣ်‚ ပသ့ၣ်ညါအီၤဒံးအါထီၣ်‚ ဒီးပဆီၣ်လီၤပသး န့ၢ်၀ဲအါထီၣ်အါထီၣ်လၢအ၀ဲအမဲာ်ညါန့ၣ်လီၤႉ မ်ပကမ့ၢ်ပှၤလၢအအဲၣ်တၢ်ဒီးမၤတၢ်ခ့ တၢ်ပှၤအတၢ်မၤလၢ တၢ်သးခုဒီးတၢ်ဆီၣ်လီၤသးန့ၣ်တက့ၢ်ႉ