ဖဲပဟးလၢတၢ်ချၢတဘျီ‚ ပထံၣ်လိာ်သးဒီး သးပှၢ်မုၣ်တဂၤလၢအသ့ၣ်ညါ ယ၀ၤ အဟံၣ်ဖိဃီဖိ‚ စးထီၣ်လၢယ၀ၤမ့ၢ်ဖိသၣ်တဂၤလံၤလံၤန့ၣ်လီၤႉ အ၀ဲကွၢ်ထံတၢ်လၢဟဲလၢၣ် ဒီး ဆူပဖိခွါစၣ်ဘံၣ်ယၣ်လီၤႉ ၀ံၤအ၀ဲတဲထီၣ်တၢ်ကတိၤလၢ‚ ‘‘အ၀ဲအက့ၢ်အဂီၤ လီၤဂာ်ဒီးအပၢ်လီၤႉ အမဲာ်ချံတဖၣ် တၢ်နံၤကမှံအ၀ဲန့ၣ်‚ ‘‘အိ‚ လီၤဂာ်ဒီးအပၢ်လီၤ’’ ဒ်သးပှၢ်မုၢ်အံၤ သးခုလၢတၢ်ပာ်ပနီၣ်တၢ်လၢ အလီၤပလိာ်သးလၢ ပၢ်ဒီးဖိအသိး‚ အ၀ဲ ပာ်သူၣ်ပာ်သးဘၣ် တုၤဒၣ်လဲာ်လၢ အ၀ဲသ့ၣ်သကဲာ်ပ၀းလီၤဆီတဖၣ်န့ၣ်လီၤႉ ဖဲလၢ အ၀ဲသ့ၣ်မ့ၢ်လီၤဂာ်လိာ်သးလၢကျဲအါဘိဘၣ်ဆၣ်‚ ယဖိခွါအံၤ တလီၤဂာ်ဒီး အပၢ် လၢလၢပှဲၤပှဲၤ န့ၣ်ဘၣ်ႉ
ဖိခွါအိၣ်၀ဲတဂၤလၢ အမ့ၢ် ယ့ၣ့်ှှူးတခီ‚ မ့ၢ်ပှၤလၢအလီၤဂာ်ဒီးပၢ်ကစၢ်ယွၤ လၢလၢပှဲၤပှဲၤန့ၣ်လီၤႉ ခရၠာစးံာ်မ့ၢ်ယွၤ‚ လၢပှၤထံၣ်အီၤတသ့တဂၤ အက့ၢ်အဂီၤ‚ တၢ်ဘၣ်တ့ ခဲလၢာ်အပှၤ၀ဲၢ်ကိလီၤ (ကလီး ၁း၁၅) ႉ လၢအ၀ဲအပူၤဒီး ခီဖျိလၢအီၤဒီးလၢအဂီၢ် တၢ်ကိးမံၤဘၣ်တၢ်တ့လီၤလီၤ (း၁၆) ႉ ‘‘ဒီးအ၀ဲဒၣ်အိၣ်ပာ်လၢ တၢ်ခဲလၢာ် တချုး အိၣ်ထီၣ်ဒံးဘၣ်ဒီး တၢ်ခဲလၢာ်အိၣ်၀ဲဆိး၀ဲလၢအီၤလီၤ’’ (း၁၇) ႉ
ပစူးကါတၢ်ဆၢကတီၢ်လၢ တၢ်ထုကဖၣ် ဒီးတၢ်မၤလိလံာ်စီဆှံ‚ ဃုထံၣ် ပၢ်အသကဲာ်ပ၀း ခီဖျိတၢ်ကွၢ်ထီၣ်တၢ်လၢကစၢ်ယ့ၣ့်ှှူး လၢအမ့ၢ်ယွၤလၢ အကဲထီၣ် ပဖံးပညၣ်န့ၣ်လီၤႉ အ၀ဲကွဲမုာ်ပှၤဆူ တၢ်ကအုၣ်သးလၢ အတၢ်အဲၣ်တၢ်ကွံလၢ တၢ်ဟူး တၢ်ဂဲၤ ခီဖျိတၢ်သမံသမိးအ၀ဲမၤတၢ်အံၤ ဃုာ်ဒီးပှၤဂုၤပှၤဂၤလၢ လံာ်စီဆှံအပူၤဒီး လၢတနံၤဘၣ်တနံၤပတၢ်အိၣ်မူအပူၤန့ၣ်လီၤႉ ဖဲပအးလီၤပသးလၢာ်လၢာ်ဆ့ဆ့ ဆူ ကစၢ်ခရၠာစးံာ် အစုပူၤဒီး ဒိးန့ၢ်သးစီဆှံအတၢ်ဟ့ၣ်၀ံၤ‚ ပကဒိၣ်ထီၣ်လၢတၢ်သ့ၣ်ညါဒီး တၢ်နာ်န့ၢ်ပပၢ်သးဘိယွၤန့ၣ်လီၤႉ အ၀ဲဆီတလဲကွံာ်ပှၤ ဆူတၢ်လီၣ်ဖျါထီၣ် အ၀ဲ အသကဲာ်ပ၀းအဃိ‚ ပမူလၢအ၀ဲအဂီၢ်သ့၀ဲန့ၣ်လီၤႉ
ဖဲပှၤဂုၤပှၤဂၤ မ့ၢ်တဲဖျါထီၣ်လၢပလီၤဂာ်ဒီးကစၢ်ယ့ၣ့်ှှူးအဃိ‚ တၢ်အံၤ ကမ့ၢ်တၢ်သးခုတမံၤဆံးဒိၣ်လဲၣ်ႉ