ထံကီၢ်ဆံးဖိ လၢအမ့ၢ်ကီၢ်အါ (စ) လဲ (န) မ့ၢ်ကီၢ်တဘ့ၣ်လၢအဖးလံာ်ဖးလဲၢ်န့ၣ်လီၤႉ တၢ်အံၤဘၣ်တၢ်ပာ်ဖျါထီၣ်လၢတနံၣ်စုာ်စုာ်‚ ထံကီၢ်အံၤစဲကျံးလံာ်တဖၣ် ဒီးပှၤတဂၤ စုာ်စုာ်ဖးလံာ်အါန့ၢ်ဒံး ထံကီၢ်အဂုၤအဂၤတဖၣ်န့ၣ်လီၤႉ တချုးခရၠာစးံာ်အိၣ်ဖျဲၣ်အမဲာ်ညါတသီ‚ အိၣ်ဒီးလုၢ်လၢ်တမံၤလၢ ပှၤအါ (စ) လဲ (န) ဖိတဖၣ်‚ ဟ့ၣ်လိာ်သးလံာ်ဆူ ဟံၣ်ဖိဃီဖိ ဒီးတံၤသကိး‚ ဒီးလၢမုၢ်နၤကတီၢ်န့ၣ် ဟ့ၣ်တၢ်ဆၢကတီၢ်ယံာ်ယံာ် ဒ်သိးကဖးလံာ်န့ၣ်လီၤႉ လုၢ်လၢ်လၢအဘၣ်တၢ်မၤအီအခဲအံၤ စးထီၣ်ဖဲ ဟီၣ်ခိၣ်ဒီဘ့ၣ် တၢ်ဒုးခံဘျီတဘျီ‚ ဖဲတၢ်Bတီ ဃာ် တၢ်သွီနုာ် တၢ်ပိးတၢ်လီတဖၣ်ဘၣ်ဆၣ်‚ စးခိတဖၣ်တခီ အပရၤကလံၤဘၣ်၀ဲန့ၣ်လီၤႉ ပှၤစဲးကျံးအါ (စ) လဲ (န) အကျိာ်တဖၣ် စးထီၣ်လုၣ်ဘၢတၢ်ဆါတၢ်ပရၤဃုာ်ဒီး တၢ်ဂ့ၢ်ခိၣ်တီ အသီတဖၣ် ဖဲတၢ်ခုၣ်လီၤသီကတီၢ် လၢခံန့ၣ်လီၤႉ အခဲအံၤ‚ ထံကီၢ်ပျဲတၢ်အသီတမံၤလၢ လံာ်နဲၣ်ရၠာစးိအံၤ‚ ကဘၣ်တၢ်ဆှၢလီၤဆူ ဟံၣ်ဃီကိးဖျၢၣ်လၢအကတိၤ အါ (စ) လဲ (န) ကျိာ် အဟံၣ်တဖၣ်‚ လၢလါနိၣ်၀့ဘၢၣ်တ၀ာ်န့ၣ်လီၤႉ လုၢ်လၢ်အံၤဘၣ် တၢ်သ့ၣ်ညါအီၤ ဒ်ခရၠာစးံာ်အိၣ်ဖျဲၣ်လံာ်လဲၢ် အထံလုၣ်ဘၢတၢ်အသိးန့ၣ်လီၤ
အလီၢ်အိၣ်လၢ ပကဘၣ်စံးဘျုးကစၢ်ယွၤအတၢ်ဆိၣ်ဂ့ၤလၢ တၢ်အါမံၤအါမၠိ ဃုာ်ဒီး တၢ်သ့တၢ်ဘၣ်လၢ ကဒုးကဲထီၣ်ပူ လၢအဂ့ၤတယုၢ် ဒီးဆူတၢ်ကဒုးကူၣ်သ့တၢ်‚ ကံၢ်စီ မ့တမ့ၢ် ဒုးထဲးဂံၢ်ထဲးဘါ ပှၤဂုၤပှၤဂၤ ခီဖျိအ၀ဲသ့ၣ် အလံာ်မဲာ်ဖျၢၣ်တဖၣ်န့ၣ်လီၤႉ တၢ်လၢအလီၤဂာ်ဒီး လံာ်လၢအဂ့ၤတဘ့ၣ်အံၤ တအိၣ်၀ဲဘၣ်ႉ လံာ်စီဆှံ‚ မ့ၢ်လံာ်လၢ အဘၣ်တၢ်ဆါအီၤ အအါကတၢၢ်အံၤ‚ ဘၣ်တၢ်ကွဲးအီၤလၢ ပှၤအါဒံအါဂၤ လၢအကွဲး၀ဲဒ်ထါ ဒီးတၢ်ကွဲးလၢ အတဟဲအသး ဒ်ထါအသိး တနီၤမ့ၢ် တၢ်ဂ့ၢ်လီၤဘီလီၤမုၢ်တဖၣ်‚ တနီၤတၢ်ဂ့ၢ် ယိယိဖိ ဘၣ်ဆၣ် ခဲလၢာ်တၢ်အံၤ ပှဲၤဒီးတၢ်အကံၢ်အစီန့ၣ်လီၤႉ ဒ်ပှၤတၢ်မၢဖိစီၤပီလူး ဒုးသ့ၣ်နီၣ်စီၤတံၤမသ့းအသိး‚ ‘‘ကယဲၢ်တၢ်ကွဲးအသးခဲလၢာ်န့ၣ်‚ ကွဲးအသးလၢ ယွၤအသး စီဆှံဒီးဂ့ၤလၢ သိၣ်တၢ်သီတၢ်အဂီၢ်‚ လၢသိၣ်ဃီၣ်တၢ်အဂီၢ်‚ လၢဃၣ်လိၤတၢ်အဂီၢ်‚ လၢသိၣ်လိနဲၣ်လိတၢ်လၢတၢ်တီတၢ်လိၤအပူၤအဂီၢ်‚ ဒ်သိးယွၤ အပှၤကညီကလၢထီၣ်ပှဲၤထီၣ် ဒီး ကအိၣ်ကတဲာ်ကတီၤအသး လၢလၢပှဲၤပှဲၤလၢ ကယဲၢ်တၢ်မၤဂ့ၤတမံၤလၢ်လၢ်အဂီၢ် လီၤ’’ (၂ တံၤ ၃း၁၆-၁၇) ႉ တၢ်ဖးလံာ်စီဆှံ ဒုးစူၢ်ပှၤနာ် ပှၤတၢ်‚ ဒုးထဲးဂံၢ်ထဲးဘါတၢ်ဒီး မၤစၢၤပှၤဆူ တၢ်ကအိၣ်မူလၢအဂီၢ် ဒီးနဲၣ်ပှၤဆူ တၢ်မ့ၢ်တၢ်တီ (၂း၁၅) လီၤႉ
လၢပဖးလံာ်ဖးလဲၢ်အပူၤ‚ မ်ပသုတသးပ့ၤနီၣ်တၢ်အံၤ ဒ်သိးပကဃုထံၣ်န့ၢ် တၢ်ဆၢကတီၢ်လၢ ပကဆ့ၣ်နီၤဖး လံာ်လၢအလီၤဘီလီၤမုၢ်ကတၢၢ်လၢ လံာ်ခဲလၢာ်အကျါ‚ လၢအမ့ၢ်လံာ်စီဆှံန့ၣ်တက့ၢ်ႉ