မိၢ်တဂၤ ကလၢၢ်ဘၣ်လၢ အစူးကါတလၢကွံာ်ဘၣ်၀ဲ ဟံၣ်ဖိဃီဖိခရၠာစးံာ်စမၢး (စ) တၢ်ဟ့ၣ် အဖီခိၣ်န့ၣ်လီၤႉ အဃိ‚ ဘၣ်တနံၣ် အ၀ဲဆၢတဲာ်လၢ ကသုးကျဲၤတၢ်လၢ ကျဲလၢအလီၤဆီ န့ၣ်လီၤႉ တချုးလၢခရၠာစးံာ်စမၢး (စ) ကတီၢ် တုၤဒံးစှၤလါ‚ အ၀ဲပရၤ တၢ်ဆါတၢ်ပရၤတၢ်လၢ အပရၤတအိၣ်ကဲၣ်ဆိးလၢ တၢ်ပိးတၢ်လီတဖၣ်လၢ တၢ်စူးကါတ့ၢ်လံတဘျီန့ၣ်လီၤႉ အ၀ဲပရၤတၢ်အါန့ၢ်ဒံးညီနုၢ်‚ ဘၣ်ဆၣ်ပရၤဒၣ်တၢ်လၢ အပရၤဘၣ်ဘၣ်န့ၣ်လီၤႉ ဖဲတၢ် အကတီၢ်တုၤဃီၤလၢ တချုးခရၠာစးံာ်အိၣ်ဖျဲၣ်တသီ‚ အဖိတဖၣ် လၢတၢ်သူၣ်ဟူးသးဂဲၤ အပူၤ အိးထီၣ်တၢ်ဟ့ၣ်တခါဘၣ်တခါ၀ံၤ တခါဘၣ်တခါန့ၣ်လီၤႉ တနံၤအံၤ တၢ်ဟ့ၣ် တဖၣ် အါန့ၢ်ဒံး မဟါတနံၤလီၤႉ မိၢ်အံၤ အသးအုးလၢ အဖိတဖၣ် တမၤန့ၢ် တၢ်ဟ့ၣ် အသီတဖၣ်အဃိ‚ အ၀ဲပရၤ၀ဲတၢ်ဟ့ၣ်အါထီၣ် တၢ်ဟ့ၣ်တဖၣ် လၢခရၠာစးံာ်စမၢး (စ) အဂီၤ အဂီၢ်လီၤႉ ဖိသၣ်တဖၣ် စးထီၣ် အိးထီၣ်တၢ်ဘိၣ်ဖိတဖၣ်ဒီး တဲထီၣ်တၢ်လၢ ‘‘တၢ်ဘှံး ပသးဒိၣ်မးလၢ ပကဘၣ်အိးအါထီၣ် တၢ်ဘိၣ်တဖၣ်လီၤႉ မိဧၢ‚ နဟ့ၣ်ပှၤတၢ်အါမးလီၤ’’ တၢ်အံၤတမ့ၢ် တၢ်တဲဖျါက့ၤတၢ်လၢ အညီနုၢ်လၢဖိသၣ်တဖၣ်အဂီၢ်လၢ ခရၠာစးံာ်စမၢး (စ) အမုၢ်တဂီၤန့ၣ်ဘၣ်လီၤႉ
ယွၤဆိၣ်ဂ့ၤပှၤလၢ တၢ်ဆိၣ်ဂ့ၤအါမး ဘၣ်ဆၣ်‚ ဖျါလၢပဃုအါထီၣ် လၢ ပကဒိးန့ၢ် အါထီၣ်တၢ်‚ ဟံၣ်ဖးဒိၣ်တဖျၢၣ်‚ သိလ့ၣ်လၢအပရၤဒိၣ်န့ၢ်ဒံး အလီၢ်တဆိ‚ စ့အါအါလၢ စ့တၢးအပူၤ‚ မ့တမ့ၢ် (မၤပှဲၤတၢ်လီၤဟိ) တဖၣ်န့ၣ်လီၤႉ စီၤပီလူး ဟ့ၣ်ဂံၢ်ဟ့ၣ်ဘါ စီၤတံၤမသ့း‚ ဒ်သိးကဒုးသ့ၣ်နီၣ် တၢ်အိၣ်ဖှိၣ်ဖိတဖၣ်လၢ အတၢ်အိၣ် ဖှိၣ်အပူၤ လၢ‚ ‘‘ပတဟဲစိာ်တၢ်ဆူ ဟီၣ်ခိၣ်နီတမံၤဘၣ်ႉ ဒီးတၢ်အိၣ်ဖျါ၀ဲလၢ ပက့ၤစိာ် တသ့စ့ၢ်ကီး ဘၣ်နီတမံၤဘၣ်ႉ ဒီးပတၢ်အီၣ်တၢ်အီ‚ ဒီးပကူပသိးမ့ၢ်အိၣ်ဒီး‚ ပကသူၣ်မံ သးမံလၢတၢ်တဖၣ်န့ၣ်လီၤ’’ (၁ တံၤ ၆း၇-၈) ႉ
ကစၢ်ယွၤဟ့ၣ်လီၤပှၤ ပတၢ်သါထီၣ်သါလီၤ ဒီးတၢ်မူ‚ လၢန့ၣ်အမဲာ်ညါ မၤပှဲၤစ့ၢ်ကီး တၢ်လၢပလိၣ်ဘၣ်အီၤတဖၣ်န့ၣ်လီၤႉ တၢ်သူၣ်ဖှံသးညီလၢတၢ်အံၤ‚ မ်ကမ့ၢ်‚ တၢ်ကသးခုဘၣ်တၢ်ဒီးသူၣ်မံသးမံဃုာ်ဒီး အ၀ဲအတၢ်ဟ့ၣ်တဖၣ် ဒီးစံးသကိး လၢ‚ ‘‘နဟ့ၣ်လီၤပှၤတၢ်အါမးလီၤႉ ပတလိၣ်အါထီၣ်လၢၤဘၣ်’’ တက့ၢ်ႉ ‘‘တၢ်ယူးယီၣ် ယွၤ အိၣ်ဒီးသူၣ်မံသးမံန့ၣ်‚ မ့ၢ်တၢ်မၤအါထီၣ်တၢ်ဒိၣ်မးလီၤ’’ (း၆) ႉ