ဖဲ ပှၤမၤတၢ်ဖိလၢ သ့ (မ) ဖီကရၠာစးၢၢ်လၢ အမ့ၢ် ကၠဲ (မ) ထံၣ်ဘၣ်၀ဲ ရၠာစးး (ဖ) ဆ့ၣ်နီၤဟီၣ်လၢ ဟီၣ်ခိၣ်လိၤအခါ အ၀ဲဃ့ၢ်သဖှိ ဒ်သိးကမၤစၢၤအီၤအဂီၢ်န့ၣ်လီၤႉ ရၠာစးး (ဖ) မ့ၢ်ပိာ်ခွါသးစၢ်ဖိ လၢ အမ့ၢ်အီၣ်တစ့ၣ်တဂၤန့ၣ်လီၤႉ အ၀ဲဆ့ၣ်နီၤဟီၣ် မ့ၢ်လၢတၢ်လိာ်ကွဲလၢ အ၀ဲအဲၣ်ဒိး ဒိး၀ဲတခါလၢ အအိၣ်ခိး၀ဲဒီတနံၤအံၤ ဟးဂီၤကွံာ်အဃိန့ၣ်လီၤႉ လၢတၢ် ကဖိး အ၀ဲအခီၣ်မ့တမ့ၢ် တဲမုာ်တဲခုၣ်တၢ်အလီၢ်န့ၣ် ကၠဲ (မ) ဆ့ၣ်နီၤဃုာ်ဒီး ရၠာစးး (ဖ) လၢဟီၣ်ခိၣ်လိၤ ဒ်သိးကပာ်ဖျါထီၣ်လၢ အ၀ဲနၢ်ပၢၢ်ရၠာစးး (ဖ) အတၢ်ကလၢၢ်ဘၣ်တၢ်ဒီး ကပျဲအီၤလၢကဟီၣ်၀ဲ အဂီၢ်န့ၣ်လီၤႉ
ကၠဲ (မ) အတၢ်ဟူးတၢ်ဂဲၤတဖၣ် မ့ၢ်တၢ်အဒိလၢ အဃံလၤလၢတၢ်သးအုး ဃုာ်ဒီး ပှၤလၢအသးအုးတဖၣ်န့ၣ်လီၤႉ လံာ်စီဆှံပာ်ဖျါထီၣ် စီၤယိၤဘး သူၣ်အုးသးအုး လၢအဟံၣ်အဃီ‚ အဆၣ်ဖိကီၢ်ဖိ (အတၢ်ဟဲနုာ်) ‚ တၢ်အိၣ်ဆူၣ်အိၣ်ခ@ ဒီးတကတီၢ်ဃီ‚ တၢ်လီၤမၢ်လၢအဖိအဂၤတဆံအတၢ်သံသဒၣ်ကွံာ်အီၤန့ၣ်လီၤႉ ဖဲအတံၤသကိးတဖၣ် နၢ်ဟူအ၀ဲအတၢ်တူၢ်ဘၣ်‚ အ၀ဲသ့ၣ်ဟဲဆူစီၤယိၤဘးအအိၣ် ဒ်သိးကမၤမုာ်ထီၣ်အီၤ န့ၣ်လီၤ (ယိၤဘး ၂း၁၁) ႉ စီၤယိၤဘး ဆ့ၣ်နီၤကအုကစွါလၢ ဟီၣ်ခိၣ်လိၤလီၤႉ ဖဲအ၀ဲ သ့ၣ် လဲၤတုၤဆူ စီၤယိၤဘးအအိၣ်န့ၣ် အ၀ဲသ့ၣ်စ့ၢ်ကီးဆ့ၣ်နီၤသကိး ဒီးအတံၤသကိး စီၤယိၤဘး နွံသီလၢ အထးခိၣ်တခီ‚ တကတိၤတၢ်ကတိၤနီတဖျၢၣ် မ့ၢ်လၢအ၀ဲသ့ၣ် ထံၣ်ဘၣ် တၢ်တူၢ်ဘၣ်တၢ်လၢအယိာ်လၢ စီၤယိၤဘးအပူၤအဃိန့ၣ်လီၤႉ
လၢအ၀ဲသ့ၣ်အတၢ်မ့ၢ်ပှၤကူပှၤကညီအပူၤ‚ တံၤသကိးတဖၣ်အံၤ လၢခံဟ့ၣ်ထီၣ် တၢ်ဟ့ၣ်ကူၣ်လၢ အတပာ်သူၣ်ပာ်သး တၢ်လၢပှၤလၢအကလၢၢ်ဘၣ် တၢ်န့ၣ်ဘၣ်လီၤႉ ဘၣ်ဆၣ်‚ မ့မ့ၢ်တၢ်အဆိကတၢၢ် နွံသီတခီ‚ အ၀ဲသ့ၣ်တတဲတၢ်နီတမံၤ‚ ထဲဒၣ် အ၀ဲသ့ၣ်အတၢ်ဟဲတုၤဒီး အိၣ်သကိးဒီး စီၤယိၤဘးဧိၤန့ၣ်လီၤႉ ပ၀ဲစ့ၢ်ကီး‚ ပတနၢ်ပၢၢ် လၢမ့ၢ်ပှၤတဂၤဂၤ အသူၣ်အုးသးအုး ထဲလဲၣ်ဘၣ်ဆၣ်‚ ထဲတၢ်ပာ်ဖျါထီၣ်ပသး လၢပအိၣ်လၢအတူၢ်ဘၣ်တၢ်အကပၤန့ၣ်‚ မ့ၢ်တၢ်ပာ်ဖျါထီၣ် ပတၢ်အဲၣ် အ၀ဲသ့ၣ်န့ၣ်လီၤႉ