၀ီထီၣ်သိလ့ၣ်လၢလီၢ်က၀ီၤလၢကျိၣ်စ့တၢ်ဟဲနုာ်ဆံးစှၤလၢအအိၣ်ဘူးဒီး အတၢ်ဘါသရၠာစးိာ်‚ ခီၣ်လီၣ်ရၠာစးၣ်ဒိၣ် န့ၣ် တၢ်အိၣ်ဖှိၣ်သရၠာစးၣ် ခၠး (ဒ) ကရၠာစး့ဟဲမ် စးထီၣ်ဃ့ထုကဖၣ်လၢပှၤလၢ ‘အဃၢၤ တဖၣ်’ အဂီၢ်န့ၣ်လီၤႉ ဖဲအ၀ဲပာ်သူၣ်ပာ်သးဘၣ်လၢ တၢ်ဆှုၣ်တၢ်ဆံးဆံးဖိတဖျၢၣ်အကတီၢ် န့ၣ် အ၀ဲဆိကတီၢ်အသိလ့ၣ် ဒီးကွၢ်နုာ်တၢ်လၢတၢ်အံၤအပူၤဒီး တၢ်အံၤပှဲၤ၀ဲဒီး ပှၤလၢအဟဲဆှုၣ်တၢ်တဖၣ်န့ၣ်လီၤႉ လၢအကျါတဂၤ ဃ့ တိၢ်လီၤဖှံၣ်လၢ ကရၠာစး့ဟဲ (မ) လၢ ကစူးကါ စ့တဘ့ၣ် ဒ်သိးကမၤဃ့က့ၤ တၢ်ကူတၢ်ကၤတဖၣ်အဂီၢ်လီၤႉ တၢ်ဃ့ကညးတၢ်လၢအတမ့ၢ်တၢ်ဒိၣ်ဒိၣ်မုၢ်မုၢ်ထုးန့ၢ်တၢ်ဆူ တၢ်ဆှုၣ်တၢ်ကူတၢ်ကၤအမုၢ်နံၤလၢ တနွံတဘျီ‚ လၢအဘၣ်တၢ်ဆီၣ်ထွဲလၢ ကရၠာစး့ဟဲ (မ) အတၢ်အိၣ်ဖှိၣ်န့ၣ်လီၤႉ တၢ်အိၣ်ဖှိၣ်ဖိတဖၣ်‚ ဟ့ၣ်မၤဘူၣ်စ့အဘ့ၣ်ဒီးချါသိလၢ တၢ်ဆှုၣ်တၢ်အလီၢ်‚ ဃ့ထုကဖၣ်န့ၢ်တၢ်လၢ ပှၤလၢ အဟဲဆှုၣ်တၢ်တဖၣ် ဒီးဆီၣ်ထွဲတၢ်လၢအလိၣ်တဖၣ်လၢကျးကစၢ်အဂီၢ်န့ၣ်လီၤႉ
အ၀ဲသ့ၣ်အတၢ်ဟ့ၣ်မၤစၢၤ ပှၤလၢအခိၣ်အဃၢၤလၢ အပာ်ဃုာ်ဒီးတၢ်ဆှုၣ်တၢ် အကျးအံၤန့ၣ် လီၣ်ဖျါထီၣ် ကစၢ်ယ့ၣ့်ှှူးအတၢ်မၤလိာ်ဆူအပျဲၢ်အဘီၣ်တဖၣ်အအိၣ် န့ၣ်လီၤႉ ဒ်အ၀ဲစံးအသိး ‘‘တၢ်ဟ့ၣ်လီၤလံယၤလၢ ကယဲၢ်တၢ်စိကမီၤလၢ မူခိၣ်ဒီး လၢဟီၣ်ခိၣ်ချၢလီၤႉ မၤသးဒ်န့ၣ်ဒီး‚ လဲၤဒုးကဲထီၣ်ပှၤအကလုာ်တဖၣ်ခဲလၢာ်လၢ ယပျဲၢ်ယဘီၣ်တက့ၢ်ႉ ဒီးဘျၢအီၤလၢပၢ်ဒီးဖိခွါဒီးသးစီဆှံအမံၤအပူၤတက့ၢ်’’ႉ (မးသဲ ၂၈း၁၈-၁၉) ႉ
အ၀ဲအသးစီဆှံအစိကမီၤလၢအအိၣ်ဒီးပှၤ‚ ဒုးကဲထီၣ်‚ ‘တၢ်တုၤဆူလီၢ်ကိးပူၤ’ ဆူပှၤလၢအလိၣ်တၢ်မၤစၢၤ‚ လၢအပာ်ဃုာ်တုၤဒၣ်လဲာ်လၢ တၢ်ဆှုၣ်တၢ်အကျး တခါန့ၣ် လီၤႉ နီၢ်နီၢ်‚ တမ့ၢ်ပဘၣ်လဲၤတၢ်ထဲတဂၤဧိၤန့ၣ်ဘၣ်ႉ ဒ်ကစၢ်ယ့ၣ့်ှှူး အၢၣ်လီၤတ့ၢ်၀ဲ အသိး‚ ‘ယအိၣ်ဒီးသုကိးကိးမုၢ်နံၤမုၢ်နၤဒဲး တုၤတၢ်အစိၤကတၢၢ်လီၤ’ (း၂၀) ႉ
တၢ်အိၣ်ဖှိၣ်သရၠာစးၣ်ခၠး (ဒ) လဲၤခီဖျိဘၣ်တၢ်မ့ၢ်တၢ်တီ‚ ဖဲအဃ့ထုကဖၣ် တၢ်လၢ ပှၤဟဲဆှုၣ် တၢ်တဂၤလၢအမ့ၢ် ကၠဲး (မ) ‚ လၢအဘၣ်ကွၢ်ဆၢၣ်မဲာ်ဒီး တၢ်ဆါခဲစၢၣ်လီၤႉ ဒ်အ၀ဲ ပာ်ဖျါ၀ဲအသိး‚ ‘ဖဲပအိးထီၣ်ပမဲာ်ချံတဖၣ်‚ ပှၤလၢအဟဲဖဲဒၢးအံၤ ကိးဂၤ‚ ဃ့ထုကဖၣ် တၢ်ဒီးပှၤ‚ အစုတဖၣ်ယူာ်ထီၣ်သးဆူ ကၠဲး (မ) အအိၣ်လီၤႉ တၢ်အံၤမ့ၢ်တၢ်အကတီၢ်တခါ လၢအစီဆှံ လၢယလဲၤခီဖျိဘၣ် ဒ်တၢ်အိၣ်ဖှိၣ်သရၠာစးၣ်တဂၤ အသိး န့ၣ်လီၤႉ
တၢ်ဒိးန့ၢ်တၢ်မၤလိမနုၤလဲၣ်ႉ မ်ပကလဲၤသကိးဆူတၢ်လီၢ်ကိးပူၤ လၢတၢ်ကစံၣ် တဲၤတဲလီၤကစၢ်ခရၠာစးံာ်အတၢ်အုၣ်က့ၤခီၣ်က့ၤအဂ့ၢ်တက့ၢ်ႉ