လၢနဲၣ်သၣ်လဲၣ်ကီၢ်ပူၤ‚ က့ှူၢ်တဖုလၢအတ့ကဲထီၣ် တၢ်ကူတၢ်သိး ဟ့ၣ်ထီၣ် ‘ပှၤစုသ့ အတၢ်မၤထူ’ န့ၣ်လီၤႉ လၢအဘၣ်တၢ်ထုးသူၣ်ထုးသးလၢ ပှၤယပၣ်ဖိလၢအမ့ၢ် ခ့ၣ်စူၣ်ကံၢ် (ုငညအျကါင) အကျိၤကျဲလၢ တၢ်ဘှီက့ၤ ခွးသပၢၤလ့ၢ်လၢထူ‚ ပှၤမၤသကိး တၢ် တဖၣ် ဘှီသကိးဆ့ကၤတဖၣ်လၢကျဲဒ်အံၤ လၢအအါန့ၢ်ဒံး တၢ်ကကျၢၢ်ဘၢ တၢ်အံၤ န့ၣ်လီၤႉ ပှၤလၢအဘၣ်တၢ်ကွဲမုာ်တဖၣ် ဟဲစိာ် ‘ဆ့ကၤလၢအဘၣ်တၢ်အဲၣ်အီၤတဘ့ၣ် လၢအလိၣ်လၢတၢ်ကဘၣ်ဘှီက့ၤလၢထူ’ န့ၣ်လီၤႉ ဒ်အ၀ဲသ့ၣ်တ့က့ၤဘှီက့ၤ အဆ့ကၤ တဖၣ်‚ တၢ်ဘှီက့ၤတ့က့ၤကဲထီၣ် တၢ်ကယၢကယဲတၢ်လၢအမ့ၢ် ‘တၢ်ပူၤလီၢ်ထူ’ န့ၣ်လီၤႉ
တၢ်ကူတၢ်သိးပိးလီတဖၣ်လၢ အဘၣ်တၢ်ဆီတလဲလၢကျဲဒ်အံၤ‚ မၤဆူၣ်ထီၣ် တၢ်ဆူပှၤသးစဲတၢ်လီၢ်တၢ်ကျဲ ဖဲအ၀ဲသ့ၣ် ဘၣ်တၢ်ဖှီယာ် မ့တမ့ၢ် တၢ်ကံးညာ်လၢ အလုၣ်ကဖူၣ်ထီၣ်န့ၣ်လီၤႉ တၢ်အံၤ မ့ၢ်တၢ်လၢအဖျါလီၤဂာ်လၢ စီၤပီလူး အဲၣ်ဒိးစံး‚ ဖဲအ၀ဲစံးလၢ အသးအိၣ် ‘ပာ်ကဖၢ’အသးလၢ တၢ်လၢအဒုးနဲၣ်ဖျါထီၣ် အတၢ်ဂံၢ်စၢ်ဘါစၢ်န့ၣ်လီၤႉ ဖဲလၢအ၀ဲမ့ၢ်လဲၤခီဖျိဘၣ် ‘တၢ်လီၣ်ဖျါလၢ အဂ့ၤကတၢၢ် ဘၣ်ဆၣ်’ အ၀ဲ တပ့တၢၤလီၤအသးလၢ တၢ်တဖၣ်အံၤဘၣ် (၂ ကရၠာစးံၣ် ၁၂း၆) ႉ အ၀ဲ ဘၣ်တၢ်ပၢၤဃာ် အီၤလၢ ကပာ်ဒိၣ်အသးဒီး လၢတၢ်ကအိၣ်ဒီး တၢ်နာ်န့ၢ်လီၤသးတလၢကွံာ်‚ မ့မ့ၢ်စံး၀ဲလၢ အအိၣ်ဒီး ‘တၢ်ဆှုၣ်အိၣ် လၢအဖံးအညၣ်အကျါ’ (း၇) န့ၣ်လီၤႉ မတၤတဂၤမး တသ့ၣ်ညါ လီၤတံၢ်တၢ်လၢ အ၀ဲအဲၣ်ဒိးစံးတၢ်အံၤ မ့ၢ်တၢ်မနုၤ လီၤတံၢ်လီၤဆဲးဘၣ်ႉ ကမ့ၢ်သ့ၣ်သ့ၣ် တၢ်သးဟးဂီၤ‚ တၢ်ညၣ်ဂိၢ်တကလုာ်‚ တၢ်မၤအၢမၤနးလၢဒုၣ်ဒါတဖၣ် မ့တမ့ၢ် တၢ်တမံၤမံၤ န့ၣ်ဧါလီၤႉ ကွၢ်ဖဲကမ့ၢ်တၢ်တမံၤမံၤ‚ အ၀ဲဃ့ကညးကစၢ်ယွၤ ဒ်သိးကထုးထီၣ် ကွံာ်တၢ်အံၤန့ၣ်လီၤႉ ဘၣ်ဆၣ်‚ ကစၢ်ယွၤစံးဘၣ်အီၤလၢ ‘‘ယဘျုးယဖှိၣ်အါလံလၢနဂီၢ် လံႉ အဂ့ၢ်ဒ်အံၤ‚ ယစိကမီၤလၢထီၣ်ပှဲၤထီၣ်လၢ တၢ်ဂံၢ်စၢ်အဘါစၢ်အပူၤလီၤ’’ (း၉) ႉ
ဒ်တၢ်ဘှီဂ့ၤက့ၤဆ့ကၤလီၢ်လံၤ ဒီးကဲထီၣ်တၢ်လၢအဃံထီၣ်လၤထီၣ် ဖဲတၢ်ဘှီက့ၤအီၤ၀ံၤအသိး‚ တၢ်လီၤကလဲ ဒီး တၢ်ဂံၢ်စၢ်လၢ အအိၣ်လၢသးသမူအပူၤ တဖၣ်‚ ကဲထီၣ်တၢ်လီၢ်တဖၣ် ဖဲကစၢ်ယွၤ အစိကမီၤ ဒီးအလၤကပီၤ ကကပီၤ ထီၣ်န့ၣ်လီၤႉ အ၀ဲဟံးဃာ်ပှၤတပူၤဃီ‚ ဆီတလဲပှၤ ဒီးမၤက့ၤပတၢ်ဂံၢ်စၢ်ဘါစၢ်တဖၣ် ဆူတၢ်ဖျါဃံဃံလၤလၤန့ၣ်လီၤႉ