ဖဲ ဂီၤ (၆း၃၃) နၣ်ရၠာစးံၣ်‚ မူၣ်ဘူၣ် အကတီၢ်န့ၣ် တၢ်စံးထီၣ်ပ့တၢၤအထါသး၀ံၣ်သီၣ်ဟူ ထီၣ်၀ဲလၢဟံၣ်ဖီလာ်တကထၢန့ၣ်လီၤႉ ယဆိကမိၣ်လၢ တမ့ၢ်မတၤတဂၤမး ကဖုသံနီၣ် လၢလီၢ်မံ‚ ဘၣ်ဆၣ်ယတၢ်ဆိကမိၣ်အံၤ ကမၣ်၀ဲ‚ ဖဲယဖိမုၣ်အဆံးကတၢၢ်‚ အတၢ် သး၀ံၣ်အကလုၢ်ဖိ သီၣ်ထီၣ်န့ၣ်လီၤႉ အ၀ဲအိၣ်ဒီးစ့ၣ်လၢအသ့ၣ်ညါတၢ်ဘၣ်ဘၣ်ဖိ‚ ဘၣ်ဆၣ် ထီဘိအိၣ်ဒီး ထါသး၀ံၣ်တယုၢ်လၢအနိးဖံးဖီခိၣ်န့ၣ်လီၤႉ
ယဖိမုၣ်ဆံးဖိမ့ၢ်ပှၤသး၀ံၣ်တၢ်တဂၤန့ၣ်လီၤႉ လၢတၢ်အံၤအဃိ‚ မ့ၢ်တသး၀ံၣ် ဘၣ်တၢ်အိၣ်၀ဲတကဲဘၣ်ႉ အ၀ဲသး၀ံၣ်တၢ် ဖဲအဖုးပၢၢ်ထီၣ်လၢလီၢ်မံန့ၣ်လီၤႉ ဖဲအလဲၤ ကၠိကတီၢ်သး၀ံၣ်တၢ်လီၤႉ ဖဲအနုာ်လီၤဆူလီၢ်မံသး၀ံၣ်တၢ်လီၤႉ အ၀ဲအိၣ်ဖျဲၣ်ထီၣ် ဒီးတၢ်သး၀ံၣ်အယုၢ်လၢအသးကံၢ်ပူၤ ဒီးလၢတၢ်ကတီၢ်အါကတီၢ်‚ အ၀ဲအတၢ်သး၀ံၣ် ဖိတဖၣ် ပညိၣ်တၢ်ဆူ ကစၢ်ယ့ၣ့်ှှူးန့ၣ်လီၤႉ အ၀ဲစံးထီၣ်ပ့တၢၤယွၤလၢ တၢ်အကတီၢ်တကတီၢ်ဂ့ၤတကတီၢ်ဂ့ၤလၢ တၢ်လီၢ်တတီၤဂ့ၤတတီၤဂ့ၤ န့ၣ်လီၤႉ
ယအဲၣ်ဘၣ်ယဲအတၢ်ပာ်သးယိယိဖိ‚ သးလၢအဆၢလုၢ်ထီၣ်သးဒီး သူၣ်ဆူၣ်သးဆူၣ်လၢအဟဲလၢယဖိမုၣ်ဖိအကလုၢ်န့ၣ်လီၤႉ အ၀ဲအသးလၢ အဘၣ်တၢ်ထိၣ်ဟူး ထိၣ်ဂဲၤဒီး သးလၢအဆၢသး၀ံၣ်ထါသး၀ံၣ်လၢတၢ်သးခု သီၣ်ဆၢကဒါက့ၤ တၢ်ကွဲမုာ် တဖၣ် ဒ်သိးကစံးထီၣ်ပ့တၢၤယွၤလၢ ပထံၣ်န့ၢ်အီၤသ့လၢလံာ်စီဆှံအပူၤန့ၣ်လီၤႉ လၢထါစံးထီၣ်ပ့တၢၤ ၉၅ အပူၤ‚ ပကဖးဘၣ် ‘ဟဲ‚ သး၀ံၣ်သကိးယွၤတက့ၢ်ႉ သးခုဒီး ပာ်ထီၣ်သကိးပတၢ်အုၣ်က့ၤခီၣ်က့ၤ အလၢၢ်တက့ၢ်’ န့ၣ်လီၤ (း၁) ႉ
ပမ့ၢ်ဖးကဒီးဆူညါ‚ ပကမၤလိန့ၢ်ဘၣ်တၢ်လၢ တၢ်စံးပ့တၢၤအံၤ ဟဲယွၤလီၤ လၢတၢ်သ့ၣ်ညါလၢ ‘‘ယွၤမ့ၢ်ကစၢ်ဖးဒိၣ်‚ ဒီးစီၤပၤဖးဒိၣ်တဂၤလၢ ကစၢ်ခဲလၢာ်အဖီခိၣ် လီၤ’’ (း၃) ႉ ဒီးပမ့ၢ်မတၤ ‘‘အဂ့ၢ်ဒ်အံၤ‚ အ၀ဲဒၣ်မ့ၢ်ပကစၢ်ဒီး ပ၀ဲဒၣ်ပမ့ၢ်အတၢ်အီၣ်ဆၣ် အလီၢ် အပှၤဂီၢ်မုၢ်’’‚ (း၇) န့ၣ်လီၤႉ
လၢယဖိမုၣ်ဖိအဂီၢ်‚ တၢ်မ့ၢ်တၢ်တီတဖၣ် မ့ၢ်အ၀ဲအတၢ်ဆိကမိၣ်အဆိက တၢၢ်လၢ မုၢ်ဂီၤထီၣ်သီန့ၣ်လီၤႉ ခီဖျိကစၢ်ယွၤအဘျုးအဃိ‚ ပှၤဘူၣ်ထီၣ်ဘါထီၣ်ယွၤ ဆံးဆံးဖိ ဟ့ၣ်ထီၣ်ပှၤ တၢ်ဒုးသ့ၣ်နီၣ်လၢအကါဒိၣ်လၢ တၢ်သးခုလၢတၢ်သး၀ံၣ် စံးထီၣ်ပ့တၢၤက့ၤတၢ် ဆူပၢ်ကစၢ်ယွၤန့ၣ်လီၤႉ