တၢ်ကတိၤအဆူၣ်အကိၤတဖၣ် မၤဆါမၤဘၣ်ဒိတၢ်လီၤႉ လၢတၢ်အံၤအဃိ‚ ယတံၤ သကိး ပှၤကွဲးလံာ်တဂၤလၢအဒိးန့ၢ်တၢ်မၤနၢၤခိၣ်ဖးန့ၣ် ဟူးဂဲၤလၢ ကမၤဆၢက့ၤ တၢ်ဆူ ပှၤဂၤအတၢ်ပာ်ဖျါထီၣ် တၢ်ဆိကမိၣ်လၢ အတဂ့ၤလၢ အ၀ဲဒိးန့ၢ်ဘၣ်၀ဲဒ်လဲၣ်န့ၣ်လီၤႉ အ၀ဲ အလံာ်အသီတဘ့ၣ်လၢ အကွဲးထုးထီၣ်၀ဲ မၤန့ၢ်ခိၣ်ဖးလၢ အကါဒိၣ်တခါန့ၣ်လီၤႉ ၀ံၤအလီၢ်ခံ‚ ပှၤကွၢ်ကဒါက့ၤမဲးကစံလၢ အ၀ဲပးကဲတဂၤ‚ ဟ့ၣ်အီၤ တၢ်ပာ်ပနီၣ်လၢ အဖျါလၢအဘၣ်သူၣ်ဘၣ်သးအီၤ ဘၣ်ဆၣ်‚ တၢ်နၢ်ပၢၢ်သ့စ့ၢ်ကီးလၢ တၢ်မၤဆါအီၤန့ၣ်လီၤႉ ပာ်ဖျါထီၣ် အ၀ဲအလံာ် ဒ်အဘၣ်တၢ်ကွဲးအီၤဂ့ၤဂ့ၤဘၣ်ဆၣ်‚ တဲတဂ့ၤအီၤနးနးကျံၤကျံၤလၢ အတၢ်ကွဲးအဖီခိၣ်န့ၣ်လီၤႉ အဃိအ၀ဲသံကွၢ် အတံၤသကိးတဖၣ်အအိၣ် ဒီးစံး၀ဲ‚ ‘မ့ၢ်ယကဘၣ် စံးဆၢက့ၤတၢ်ဒ်လဲၣ်’ လီၤႉ
တံၤသကိးတဂၤဟ့ၣ်ကူၣ်အီၤလၢ ‘ပျဲလဲၤပူၤကွံာ်တၢ်အံၤ’တက့ၢ်ႉ ယဟ့ၣ်ကူၣ် လၢ တၢ်ဘၣ်မၤန့ၣ် မၤဆူညါ‚ ဘၣ်ကွဲးလံာ်န့ၣ် ကွဲးဆူညါ‚ တပာ်သ့ၣ်ညါသးလၢ တၢ် ပာ်ဖျါထီၣ် တၢ်ဆိကမိၣ်လၢ အတဂ့ၤတဖၣ် မ့တမ့ၢ် မၤလိန့ၢ်တၢ်လၢတၢ်အံၤ ဖဲလၢ တၢ်မ့ၢ်လဲၤကဒီးတၢ်ဆူတၢ်ကွဲးတၢ်ဒီး တၢ်ဖံးတၢ်မၤအခါဒၣ်လဲာ်န့ၣ်လီၤႉ
ဒီး‚ လၢခံကတၢၢ်န့ၣ် ယဆၢတဲာ် ဒ်သိးကဃုထံၣ်န့ၢ်တၢ်လၢ လံာ်စီဆှံအတၢ် ပာ်ဖျါလၢ တၢ်ဟ့ၣ်ကူၣ်အဂ့ၤကတၢၢ်လၢ အဘၣ်ထွဲဒီးတၢ်ကမၤဆၢက့ၤတၢ်လၢ တၢ်ဆိကမိၣ်လၢအတဂ့ၤ ဆူၣ်ဆူၣ်ကလဲာ်န့ၣ်လီၤႉ လံာ်ယၤကိာ် ဟ့ၣ်ကူၣ်လၢ ‘မ် ပှၤနၢ်ဟူတၢ်ခ@သဒံး‚ ကတိၤတၢ်နီၢ်ကတုၤ‚ သးထီၣ်နီၢ်ကတုၤကိးဂၤဒဲးတက့ၢ်’ (၁း၁၉) န့ၣ်လီၤႉ ပှၤတၢ်မၢဖိစီၤပီလူး ဟ့ၣ်တၢ်ကူၣ်လိာ်ဆူပအိၣ် ဒ်သိးပက‘ဆိကမိၣ်တၢ်တမံၤဃီ လၢသုသးသကိးသကိးတက့ၢ်’ (ရၠာစးိမ့ၤ ၁၂း၁၆) ႉ
မ့မ့ၢ် လံာ်တၢ်ကတိၤဒိ ဒီတဆၢဒိၣ်ဟ့ၣ်ထီၣ် တၢ်မၤလဲၢ်ထီၣ်ထီထီၣ် တၢ်ကူၣ်သ့ လၢကမၤဆၢက့ၤတၢ်လၢ တၢ်ဂ့ၢ်လိာ်တၢ်အဖီခိၣ်န့ၣ်လီၤႉ ကတိၤဒိ ၁၅း၁ စံးဘၣ်ပှၤလၢ ‘‘စံးဆၢတၢ်မုာ်မုာ်န့ၣ် ဘိးဃၣ်ကွံာ် တၢ်သးထီၣ်လီၤ’’ ‘‘မ့မ့ၢ် ပှၤလၢ အသးဒိၣ်ထီၣ်ကီန့ၣ်
မၤမုာ်ထီၣ်က့ၤ တၢ်အ့ၣ်လိာ်ဆိးက့လိာ်န့ၣ်လီၤ (း၁၈) ႉ ဒီး ‘မ့မ့ၢ် ပှၤလၢအဒိကနၣ် တၢ်သိၣ်တၢ်သီန့ၣ် န့ၢ်ဘၣ်အသးလီၤ’ (း၃၂) ႉ မ်ကစၢ်ယွၤ ကမၤစၢၤပှၤလၢတၢ်သ့ပၢၤဃာ်ပပ@ၤ ဖဲတၢ်ဆိကမိၣ်ထီၣ်တၢ်ကူၣ်သ့ ဒ်သိးအံၤ‚ ဒ်ယတံၤသကိးမၤ၀ဲအသိးတက့ၢ်ႉ ဘၣ်ဆၣ်‚ လၢတၢ်ခဲလၢာ်အဖီခိၣ်‚ တၢ်ကူၣ်သ့နဲၣ်လိပှၤ ဒ်သိး ‘‘တၢ်ပျံၤယွၤ‚ ႉႉႉတၢ်ဆီၣ်လီၤသးန့ၣ် အိၣ်ဆိန့ၢ် တၢ်လၤကပီၤတက့ၢ်လီၤ’’ (း၃၃) ႉ