ကသံၣ်သရၠာစးၣ်စံးဘၣ်အီၤလၢ တၢ်ယါဘျါက့ၤ အမဲာ်ချံကဘျံးဖိလၢ အထံၣ်တၢ်သ့အံၤ တန့ၢ်လၢၤဘၣ်ႉ ဘၣ်ဆၣ်‚ ဖဲအ၀ဲအိၣ်မူတၢ်အိၣ်မူလၢအတထံၣ်တၢ် ၁၅ နံၣ်‚ မၤလိသ့ အသးလၢ ဘရၠာစး့လံာ်မဲာ်ဖျၢၣ်ဒီး စူးကါနီၣ်ထိး ဒီးထွံၣ်၀ံၤအလီၢ်ခံ‚ မီၣ်ထၣ်နၣ် ပိာ်မုၣ်အံၤ အတၢ်အိၣ်မူဆီတလဲ ဖဲအ၀ၤလဲၤဒီး ထံၣ်မဲာ်ချံအကသံၣ်သရၠာစးၣ်အဂၤတဂၤလၢ တၢ်သံ ကွၢ် ယိယိဖိ‚ ‘‘မ့ၢ်မၤစၢၤအမါကသ့ဧါ’’ န့ၣ်လီၤႉ တၢ်စံးဆၢ မ့ၢ်၀ဲ ‘သ့လီၤ’ႉ ဖဲကသံၣ် သရၠာစးံၣ်အံၤ ထံၣ်ဘၣ်လၢ ပိာ်မုၣ်အံၤအမဲာ်ချံ အိၣ်ဒီးတၢ်အိၣ်သးပတီၢ်မုၢ်တမံၤ‚ အ၀ဲထုးထီၣ်ကွံာ် တၢ်၀ါဃးလၢ အမၤကဒုပိာ်မုၣ်အံၤအမဲာ်ချံန့ၣ်လီၤႉ လၢခံတနံၤ အ၀ဲထံၣ်ထီၣ်က့ၤတၢ် ၂၀^၂၀ လီၤႉ ကသံၣ်သရၠာစးၣ်ခံဂၤတဂၤအံၤ ကွဲးန့ၢ်အမဲာ်ချံလၢ အစ့ၣ်တခီ‚ ကွဲးကါတၢ်န့ၢ်၀ဲဂ့ၤဂ့ၤန့ၣ်လီၤႉ
တၢ်သံကွၢ်ယိယိဖိန့ၣ် ဆီတလဲစ့ၢ်ကီး စီၤနဧၤမၣ်‚ လၢအမ့ၢ်သုးခိၣ်လၢ အအိၣ်ဒီး အစိကမီၤလၢ အဘၣ်တၢ်ဆါအၢတဂၤအတၢ်အိၣ်မူန့ၣ်လီၤႉ ဘၣ်ဆၣ်‚ စီၤနဧၤမၣ် အိၣ်ဒီးတၢ်သးထီၣ်လၢ ၀ံအလံၤ့ှှါ အတၢ်မၤလိာ်အီၤလၢ ‘‘လဲၤလုၣ်ထံလၢ ယၢ်ဒ့ၣ်အပူၤ နွံဘျီတက့ၢ်’’ န့ၣ်လီၤႉ နဖံးနညၣ်ကဟဲက့ၤကဒါက့ၤ ဒီးကဆှီထီၣ်လီၤ’’ (၂ စီၤပၤ ၅း၁၀) ႉ ဘၣ်ဆၣ်‚ စီၤနဧၤမၣ်အခ့အပှၤ သံကွၢ်က့ၤအသုးခိၣ်လၢ တၢ်သံကွၢ် ယိယိဖိတထံၣ်လၢ‚ ‘‘ယပၢ်ဧၢ‚ ၀ံတဂၤန့ၣ် မ့ၢ်မၤလိာ်နၤလၢ တၢ်ဖးဒိၣ်တမံၤ ဒီးနကမၤ တမ့ၢ်ဘၣ်ဧါ’’ (း၁၃) န့ၣ်လီၤႉ လၢတၢ်သံကွၢ်ဖိအံၤအဃိ‚ စီၤနဧၤမၣ် လဲၤဒီးလုၢ်ထံ၀ံၤ ဒီး ‘အဖံးအညၣ်ဟဲက့ၤကဒါက့ၤ ဒ်ဖိဆံးတဂၤအညၣ်အသိးန့ၣ်ဒီး ကဆှီထီၣ်၀ဲလီၤ’ (း၁၄) ႉ
တဘျီဘျီ‚ လၢပတၢ်အိၣ်မူအပူၤ ပဘၣ်ဂုာ်ကျဲးစၢးဟူးဂဲၤလၢ တၢ်ဂ့ၢ်ကီတမံၤ မ့ၢ်လၢ ပတဃ့တၢ်လၢ ကစၢ်ယွၤအအိၣ်အဃိန့ၣ်လီၤႉ မ့ၢ်နကမၤစၢၤယၤဧါႉ မ့ၢ် ယကဘၣ်လဲၤယဲဧါႉ မ့ၢ်နကဆှၢယၤဧါႉ ကစၢ်ယွၤတလိၣ်ဘၣ်လၢ ပကသံကွၢ်ဒီး ဃ့တၢ် လၢအီၤလၢ တၢ်သံကွၢ်ကီကီခဲခဲလၢ အ၀ဲကမၤစၢၤပှၤအဂီၢ်န့ၣ်ဘၣ်ႉ ကစၢ်ယွၤ အၢၣ်လီၤ အပှၤဂီၢ်မုၢ်လၢ ‘‘တချုးကိးထီၣ်ဒံးဘၣ်ဒီး‚ ယကစံးဆၢတၢ်လီၤ’’ (ယ့ှှါ ၆၅း၂၄) ႉ လၢ တၢ်အံၤအဃိ‚ တနံၤအံၤဃ့တၢ်ယိယိဖိလၢ အ၀ဲအအိၣ်န့ၣ်တက့ၢ်ႉ