လၢလံာ်လၢအကွဲးတၢ်လီၤဆီဒီးတညီနုၢ်န့ၣ် ပာ်ဖျါထီၣ်လၢ ပှၤတကကွဲၢ်အကျါတဂၤ‚ ဘၣ်တၢ်တတၢာ်တနါလၢလီဖျးအီၤန့ၣ်လီၤႉ လံာ်အံၤ ပာ်ဖျါစ့ၢ်ကီးလၢ ပှၤ ၂၅၀၀၀ အကျါတဂၤ‚ ကွၢ်ဆၢၣ်မဲာ်ဘၣ် ‘သးသ့ၣ်ဖးတၢ်ဆါ’ လၢအကွၢ်ဆၢၣ်မဲာ်ဘၣ် တၢ်လုၣ်ဘၢလၢ တၢ်သတူၢ်ကလာ် မ့တမ့ၢ် တၢ်လီၤမၢ် န့ၣ်လီၤႉ လၢလံာ်ကဘျံး တကဘျံးဘၣ်တကဘျံးလၢ တၢ်လဲၤခီဖျိလီၤဆီဒီးတညီနုၢ်န့ၣ် တၢ်ဂ့ၢ်ကီတဖၣ်လၢ အလီၤတံၢ်လီၤဆဲး ပူၣ်ထီၣ်အသးလၢ အတအိၣ်ဒီးတၢ်စံးဆၢန့ၣ်လီၤႉ ပမ့မ့ၢ် ပှၤအ၀ဲန့ၣ် အဃိ‚ တၢ်မနုၤ ကမၤအသး န့ၣ်လဲၣ်ႉ
စီၤယိၤဘးခီၣ်ဆၢက့ၤတၢ်လၢ အလီၤဆီဒီးတညီနုၢ်တဖၣ်ကိးမံၤဒဲးန့ၣ်လီၤႉကစၢ်ယွၤစံးလၢ အ၀ဲအဂ့ၢ်အကျိၤလၢ အမ့ၢ်‚ ‘‘ပှၤလၢအလၢပှဲၤဒီး အတီအလိၤ‚ ပှၤလၢ အပျံၤယွၤဒီးဟးဆှဲးတၢ်အၢတဂၤႉႉႉ’’ (ယိၤဘး ၁း၈) န့ၣ်လီၤႉ ဘၣ်ဆၣ်‚ စီၤယိၤဘး ဘၣ်တၢ်ဃုထၢထီၣ်အီၤလၢ ကတူၢ်ဘၣ်တၢ်လီၤမၢ်တမံၤ၀ံၤတမံၤလၢ အခီၣ်ဆၢကွံာ်တၢ်လၢအလီၤဆီဒီးတညီနုၢ်ကိးမံၤန့ၣ်လီၤႉ လၢပှၤလၢအအိၣ်လၢ ဟီၣ်ခိၣ်အံၤကိးဂၤ အကျါ စီၤယိၤဘးအိၣ်ဒီးအတၢ်ဂ့ၢ်တၢ်ခၢးလၢ ကဃ့ကညးတၢ်လၢ တၢ်စံးဆၢအဂီၢ်လီၤႉ တၢ်အံၤ ဘၣ်တၢ်ပာ်ဖျါထီၣ်ကိးမံၤလၢပဂီၢ်လၢ ပကဖးဘၣ် လံာ်ယိၤဘး တဆၢဒိၣ်၀ံၤတဆၢဒိၣ်လၢ အ၀ဲအတၢ်ဂုာ်ကျဲးစၢးဟူးဂဲၤလၢ ကနၢ်ပၢၢ် ‘ဘၣ်မနုၤလၢ အမ့ၢ်ယၤ န့ၣ်လဲၣ်’ အဂီၢ်န့ၣ်လီၤႉ ႉ
စီၤယိၤဘးအပူ ဟ့ၣ်ပှၤကျဲတဘိလၢ ပကမၤဆၢက့ၤတၢ်ဆူ တၢ်လၢ ပနၢ်ပၢၢ်အီၤကီလၢ တၢ်တူၢ်ဘၣ်လၢ တၢ်ဆှဲဖျါအီၤတသ့ဒီး တၢ်အၢတၢ်သီန့ၣ်လီၤႉ ခီဖျိ တၢ်ပာ်ဖျါထီၣ် တၢ်တူၢ်ဘၣ်တၢ်ဒီး တၢ်သဘံၣ်ဘုၣ်လၢ ပှၤတဂၤလၢကစၢ်ယွၤ ဟ့ၣ်တၢ်အဒိ အဂ့ၤကတၢၢ်လၢအဂ့ၤအ၀ါဒီး သးကညီၤတၢ်ဒီး (း၂၅) ‚ ပမၤန့ၢ်တၢ်လၢ အလဲၤသးတ၀ီဘၣ်တ၀ီ ဆူတၢ်သိၣ်တၢ်သီလၢ အဆီတလဲအသးတသ့လၢ တၢ်ဖှံ တၢ် ဒီးတၢ်ကူးက့ၤတၢ် (၄း၇-၈) န့ၣ်လီၤႉ လၢတၢ်မၤပှဲၤတၢ်ဂ့ၢ်လၢ အသူၣ်လီၤသးလၢ တၢ်လီၢ်ခံလၢ မုၣ်ကီၤလံၢ်အတၢ်မၤ (အဆၢဒိၣ် ၁) ‚ ဒီးတၢ်လၢခံတမံၤ (၄၂း၇-၁၇) လၢမုၢ်တနံၤ ကစၢ်ယွၤကပျဲအဖိခွါ ဆူတၢ်ကဟဲဒီး တူၢ်သံသးလၢ ပတၢ်ဒဲးဘး‚ စီၤယိၤဘးအပူ ဟ့ၣ်ထီၣ်ပှၤ တၢ်အဂ့ၢ်အခၢးဆူ တၢ်ကမူလၢတၢ်နာ် အါန့ၢ်ဒံးတၢ်လၢ ပထံၣ်ဒီးကွၢ်ဆၢၣ်မဲာ်ဘၣ်န့ၣ်လီၤႉ