ဖဲတၢ်မၤဆဲးသံတၢ်လၢနးအမူးအရၠာစးၢ် ဟဲအိၣ်ထီၣ်လၢ ကီၢ်အဲကလံးဒီတကီၢ်ညါ ကတီၢ်န့ၣ် အဲကလံးပှၤပိာ်ထးကံၢ်‚ သးအိၣ်ဒီးတၢ်ဆိကမိၣ်တခါန့ၣ်လီၤႉ လၢတၢ် မၤသကိးတၢ်ဒီး လီၢ်က၀ီၤပၢၤကီၢ်‚ ကံၢ်သးအံၤ သူၣ်ထီၣ်ဒီး ပာ်လီၤ တလါအဖျၢၣ် ၂၀၀ လၢထံကီၢ်ဒီတဘ့ၣ် ဃုာ်ဒီးခဲၣ်ဖ့တဖုန့ၣ်လီၤႉ နး အဘ့ၣ်တကလီၢ်လၢ အကစၢ် တအိၣ်တဖၣ်‚ ဘၣ်တၢ်တ့ၢ်နုာ်ဆူ တလါတဖၣ်အပူၤ‚ တနီၤဘၣ်အၢဒံး၀ဲဒီးတၢ်သွံၣ်လၢ နးအကနၣ်အဖီခိၣ်တဖၣ်န့ၣ်လီၤႉ ၀ံၤ ဒီတဖၣ်အံၤ‚ ဘၣ်တၢ်ဆှၢဆူ ပှၤစုသ့ အဲလ်ဖံၣ်ဘရၠာစးဲးလ့ၣ် လၢ အမၤလူၤမၤပၢၤက့ၤတၢ်တဖၣ်အံၤလၢ အပၣ်ဃုာ်ဒီး သးစၢ်လၢ အဆဲးသံတၢ်ဒီးနးတဖၣ်အမံၤ‚ ဃုာ်ဒီး တၢ်ကစီၣ်တဖၣ်လၢ ပှၤလၢအမၤတ့ၢ်ဘၣ် တၢ်မူးတၢ်ရၠာစးၢ်တဖၣ်အံၤန့ၣ်လီၤႉ နးအဘ့ၣ်တကလီၢ်အံၤ ဘၣ်တၢ်ပိာ်က့ၤအီၤဒီး ဒုးကဲ ထီၣ် ‘‘ကလူးအနး’’ ဖးဒိၣ်တဘ့ၣ် ကလူးအတၢ်ဂီၤတခါလၢ အအိၣ်ခံဆံနွံပ့ၣ် ဃုာ်ဒီး အဒံးလၢ အကြပုၢ်ကပြီၤတဖၣ်လီၤႉ
ဖဲယဆၢထၢၣ်လၢ ‘‘ကလူးအနး’’ အမဲာ်ညါ‚ ယကမၢကမၣ်ဘၣ်လၢ‚ မ့ၢ်တၢ်ပူၤလီၢ်ပူၤကျဲလၢ အကထိတဖၣ်အကထိ ဘၣ်တၢ်Bတီဃာ်လၢ တၢ်ကဟဲအိၣ် ထီၣ် ဒ်လဲၣ်န့ၣ်လီၤႉ ယဆိကမိၣ်စ့ၢ်ကီး ၀ံယ့ှှါယၤအတၢ်ထံၣ်လၢ မူခိၣ်အသီဒီး ဟီၣ်ခိၣ် အသီ (ယ့ှှါ ၆၅း၁၇) ‚ တၢ်လီၢ်တတီၤဖဲ ဖိဆံးတဖၣ် ဘၣ်သံဘၣ်ပှၢ်တအိၣ် (း၂၀) ‚ မ့တမ့ၢ် တၢ်ဖှီၣ်န့ၢ်ယာ်ကဲတအိၣ် (း၂၂-၂၃) ‚ တၢ်လီၢ်တတီၤလၢ တၢ်စူးကါ နးဧိၤဒီဧိၤလၢ တၢ်ကမၤသံတၢ်တအိၣ်‚ မ့ၢ်လၢနးကိးဘ့ၣ်‚ ဘၣ်တၢ်ပိာ်ကဒါက့ၤ ဆူထဲၣ်လၢ ကစူးကါအီၤလၢ တၢ်တိာ်လၢအဂ့ၤအ၀ါတဖၣ် (၂း၄) အဂီၢ်အဃိ န့ၣ်လီၤႉ
ဟီၣ်ခီၣ်အသီအံၤ‚ တဟဲတုၤ၀ဲဒံး ဘၣ်ဆၣ်‚ ပကဘၣ်ဃ့ထုကဖၣ်ဒီး အိၣ်ခိး တုၤတၢ်အံၤဟဲတုၤတစု (မးသဲ ၆း၁၀) န့ၣ်လီၤႉ လၢအကျဲဒၣ်၀ဲအပူၤ‚ ‘‘ကလူးအနးအံၤ‚ ဟ့ၣ်ထီၣ်တၢ်အကဒုတမံၤလၢ ကစၢ်ယွၤအတၢ်အၢၣ်လီၤလၢ ခါဆူညါန့ၣ်လီၤႉ နးတဖၣ်ကဲထီၣ်ထဲၣ် လၢကသူၣ်တၢ်ဖျးတၢ်အဂီၢ်လီၤႉ တၢ်စုက၀ဲၤကဲထီၣ် တၢ်စုသ့အတၢ်မၤတဖၣ်လီၤႉ မ့ၢ်တၢ်တိာ်ကျဲၤမနုၤတဖၣ်လၢ အအိၣ်ဒံး၀ဲလၢ ကဟ့ၣ်ပှၤတၢ်ကဒုလၢ တၢ်လၢကမၤအသးလၢ ခါဆူညါတဆံးတက့ၢ်န့ၣ်လဲၣ်ႉ