လၢတၢ်တအိၣ်ဒီး လီတဲစိလၢ တၢ်ဆဲးကျိးတၢ်သ့‚ ဃုာ်ဒီးဟီၣ်ခိၣ်ဂီၤလၢ တၢ်မၤနီၣ် မၤဃါတၢ်န့ၣ် ပအိၣ်ထဲဒၣ်တၢ်တိၢ်န့ၢ်ဖံးဃာ်တၢ်လၢ ပခိၣ်နူာ်ပူၤလၢ ကဆှၢပှၤနဲၣ်ပှၤ န့ၣ်လီၤႉ လၢခံကတၢၢ်‚ ဖဲတၢ်ဆၢကတီၢ်ယံာ်တနၣ်ရၠာစးံၣ် ဘျဲၣ်၀ံၤ‚ ပဟဲဖျါထီၣ်လၢပှၢ်ပူၤ ဆူတၢ်ပာ်ပတုာ်တၢ်အလီၢ်န့ၣ်လီၤႉ ခီဖျိလၢ ပလဲၤပူၤကွံာ် တၢ်ကဃၣ်ကွံာ်ကျဲလၢ မံးလာ်တ၀ာ်ဃၣ်ဃၣ်အဃိ‚ ပဘၣ်လဲၤတၢ် ယံၤအါထီၣ်၀ဲန့ၣ်လီၤႉ
သးသမူလီၤဂာ်ဒီးတၢ်ဒ်သိးအံၤန့ၣ်လီၤႉ တဘျီဘျီန့ၣ် ပတဘၣ်သံကွၢ်လၢ တၢ်အံၤမ့ၢ်ကမၣ်ဧါ မ့တမ့ၢ်တကမၣ်ဧါန့ၣ်ဘၣ်ႉ မ့မ့ၢ်ပကဘၣ်သံကွၢ်လၢ ပဘၣ်တၢ်မိၤ န့ၢ်ပှၤ ဒ်လဲၣ်န့ၣ်လီၤႉ ထါစံးထီၣ်ပ့တၢၤ ၁ ထီၣ်သBတီၤတၢ်မူအကျဲခံဘိလၢ ပှၤတီပှၤလိၤ‚ (ပှၤလၢအအဲၣ်ယွၤ) ဒီးပှၤတတီတလိၤ (ဒုၣ်ဒါလၢ ပှၤလၢအအဲၣ်ယွၤတဖၣ်) န့ၣ်လီၤႉပှၤတီပှၤလိၤ ဂုၤထီၣ်ပသီထီၣ် ဒ်သ့ၣ်လၢအသူၣ်လီၤသးလၢထံနံၤ‚ မ့မ့ၢ်ပှၤတတီ တလိၤတခီ‚ လီၤဂာ်ဒ် ဖ့လၢကလံၤအူဒံဖျိးအီၤ (း၃-၄) လီၤႉ ထါစံးထီၣ်ပ့တၢၤအံၤ‚ လီၣ်ဖျါထီၣ်တၢ် လၢအဂုၤထီၣ်ပသီထီၣ် မ့ၢ်တၢ်လၢအလီၤဂာ်ဒီး တၢ်မနုၤန့ၣ်လဲၣ်လီၤႉ ပှၤလၢအမူ၀ဲဒ်သိးအံၤ မ့ၢ်ပှၤလၢအသန့ၤအသးလၢယွၤ‚ လၢတၢ်မၤသီထီၣ်က့ၤသး ဒီး တၢ်မူန့ၣ်လီၤႉ
လၢတၢ်အံၤအဃိ‚ ပကလီၤဂာ်ဒီးပှၤအ၀ဲန့ၣ်ဒ်လဲၣ်ႉ လၢကျဲအါမၠိအကျါ ထါစံးထီၣ်ပ့တၢၤ ၁ သဆၣ်ထီၣ်ပခံ ဒ်သိးပသုတဘၣ်ထွဲရၠာစး့လိာ်သးလၢ တၢ်ရၠာစး့လိာ်ဘၣ်ထွဲလၢ အမၤဟးဂီၤတၢ်တဖၣ်ဒီး လုၢ်လၢ်တဖၣ်လၢ အတဂ့ၤ‚ မ့မ့ၢ်လၢကသးခုလၢကစၢ်ယွၤအတၢ်နဲၣ်ကျဲ (း၂) န့ၣ်လီၤႉ တၢ်ဂ့ၢ်အခီၣ်ထံးလၢ ပတၢ်ဂုၤထီၣ်ပသီထီၣ် အဂီၢ်အံၤ မ့ၢ်ကစၢ်ယွၤအသးစၢၢ်ဆၢဆူပအိၣ်‚ ‘‘အဂ့ၢ်ဒ်အံၤ ယွၤသ့ၣ်ညါပှၤအတီအလိၤ အကျဲန့ၣ်လီၤ’’ (း၆) ႉ
အးလီၤနသးဆူ ကစၢ်ယွၤအအိၣ်‚ ပျဲအ၀ဲနဲၣ်ကဒါက့ၤနတၢ်အိၣ်မူလၢ ကျဲလီၢ်လံၤလၢ အဆှၢနၤဆူကျဲကတၢၢ်ကွံာ်‚ ဒီးပျဲယွၤအကလုၢ်အကထါကမ့ၢ် ထံဖိကျိ လၢ ဒုးဂုၤထီၣ်ပသီထီၣ်နသး အသ့ၣ်ဂံၢ်တဖၣ်န့ၣ်တက့ၢ်ႉ