ဖဲယမါလဲၤနုာ်ဆူ ဖၣ်ကပူၤဒီး‚ အကလုၢ်သီၣ်ထီၣ်လၢ ‘‘အိႉႉႉ ၀ံၤကတၢၢ်လံ’’ လီၤႉ ဖဲအ၀ဲကိးသBတီထီၣ် ဒ်သိးအံၤ အကတီၢ်‚ ပထွံၣ် ‘မဲးစ်’ တဒုလၢအအိၣ်အပီၣ် ၉၀ ဖုးဒီးဃ့ၢ်ဟးထီၣ်လီၤႉ သိအခီၣ်လၢအဘၣ်တၢ်ချီအီၤအံၤ‚ ဘၣ်တၢ်တၢ်အီၣ်လၢာ်ကွံာ် အီၤလၢမဲးစ် ဒီးပာ်တ့ၢ်သပၢၤဘံၣ်ကလာ်ခီလီလီၤႉ အ၀ဲဂုာ်ကျဲးစၢး အိၣ်ခူသူၣ်လၢ လီၢ်မံခးအဖီလာ်လီၤႉ ဘၣ်ဆၣ်‚ အ၀ဲမၤဘၢအသးန့ၢ် ထဲဒၣ်လၢ အခိၣ်ဒီးအဖံနါခိၣ် လီၤႉ အမိၢ်ပှၢ်ဒီးအမဲၢ်တခီအိၣ်လၢခိန့ၣ်လီၤႉ
ယကအုကစွါထီၣ်ယဲ ‘အိ‚ မဲးစ်ဧၢ‚ နတၢ်ဒဲးဘးထံၣ်န့ၢ်နၤလံ’ႉ တၢ်ကတိၤအံၤ ဘၣ်တၢ်ဟံးန့ၢ်အီၤလၢစီၤမိၤဒီး‚ ဖဲအဒုးပလီၢ်တၢ်လၢ အံၣ်စရၠာစး့လးခံဒူၣ်လၢ ကဘၣ်စူၢ် တၢ်ဆူကစၢ်ယွၤဒီး ပၢၤဃာ်တၢ်လၢ အ၀ဲသ့ၣ်အၢၣ်လီၤ၀ဲတဖၣ်န့ၣ်လီၤႉ စီၤမိၤဒီးစံးဘၣ် အ၀ဲသ့ၣ်လၢ‚ ‘‘မ့မ့ၢ် သုမ့ၢ်တမၤဘၣ် ဒ်န့ၣ်ဘၣ်ဒီး‚ ကွၢ်ကွၢ်‚ သုမၤကမၣ်ဘၣ်လံယွၤလံႉ ဒီးသ့ၣ်ညါသု၀ဲလၢ သုတၢ်ဒဲးဘးကထံၣ်န့ၢ်သုန့ၣ်တက့ၢ်’’ (၄ မိၤ ၃၂း၂၃) ႉ
ပမၤတၢ်ဒဲးဘးန့ၣ်၀ံၤဒီး ပကကလၢၢ်ဘၣ်လၢ အဂ့ၤ၀ဲတစိၢ်ဖိလၢပဂီၢ်‚ ဘၣ်ဆၣ် ကဒုးအိၣ်ထီၣ်တၢ်လၢ ပကလီၤဖးဒီးကစၢ်ယွၤန့ၣ်လီၤႉ စီၤမိၤဒီး ဒုးပလီၢ် အပှၤ ဂီၢ်မုၢ်တဖၣ်လၢ ကစၢ်ယွၤတလဲၤပူၤကွံာ်တၢ်နီတမံၤဘၣ်လီၤႉ ဒ်ပှၤကွဲးလံာ်စီဆှံ ပာ်ဖျါ၀ဲအသိး‚ ‘‘ဒီးတၢ်လၢအဘၣ်တ့အသး‚ တအိၣ်တဒၢဘၣ်လၢအမဲာ်ညါ နီတမံၤဘၣ်’’ မ့ၢ်ကယဲၢ်တၢ်တမံၤလၢ်လၢ် အိၣ်ဘ့ၣ်ဆ့ဒီး အိၣ်ဖျါထီၣ်၀ဲလၢ ပှၤအကလုၢ် ဘၣ်ဃးဒီး ပှၤန့ၣ်အမဲာ်လီၤ’’ (ဧ့ၤ့ဘံၤ ၄း၁၃) ႉ
ပှၤလၢအထံၣ်တၢ်တုာ် ကွၢ်တၢ်ဖျါ ကိးမံၤဒၣ်လဲာ်‚ ပပၢ်ကစၢ်ယွၤလၢ အစီ၀ဲ ဆှံ၀ဲအံၤ မိၤပှၤ ဒ်သိးပကအၢၣ်လီၤပတၢ်ဒဲးဘး‚ ပီၢ်ယၢ်လီၤသး (ဃၣ်ကွံာ်သး) ဒီး လဲၤတၢ်လၢ ကျဲမ့ၢ်ကျဲတီဃုာ်ဒီးအီၤ (၁ယိၤ ၁း၉) န့ၣ်လီၤႉ တနံၤအံၤ‚ မ်ပကပိာ်အခံလၢ တၢ်အဲၣ်တၢ်ကွံအပူၤန့ၣ်တက့ၢ်ႉ