ဖဲယစံးဆူ ယပှၤကူၣ်လိာ်တၢ်လၢ အဘၣ်ထွဲဒီး ယသးအတၢ်ဟူးဂဲၤလၢ ယကွၢ်ဆၢၣ်မဲာ် ဘၣ် ဖဲနွံလၢအပှဲၤဒီးသးအတၢ်ဆီၣ်သနံးဒီး‚ အ၀ဲဒိကနၣ်၀ဲ လီၤတံၢ်လီၤဆဲးလီၤႉ ၀ံၤ‚ အ၀ဲ ကွဲမုာ်ယၤလၢ ယကကွၢ်သ့ၣ်ထူၣ်တဖၣ်လၢ အဒ့ဟူး၀းဒီးအလၣ်တခီဘီဂီၤန့ၣ်လီၤႉ
ဖဲအနဲၣ်လီၤအစုဆူ သ့ၣ်ထူၣ်မိၢ်ပှၢ်လၢ တဟူးတ၀း ဖဲလၢကလံၤမ့ၢ်အူတၢ် ထဲလဲၣ်ထဲလဲၣ်န့ၣ်ဒီး ယပှၤကူၣ်လိာ်တၢ့်ှှဲဖျါယၤလၢ ပလီၤဂာ်ဒီးသ့ၣ်ဒ့တဖၣ် ဖဲသးသမူ အကလံၤမုၢ်တွၤမ့ၢ်ဟဲအူဘၣ်ပှၤ လၢတၢ်အိၣ်သးကိးကပၤ‚ ပသးအတၢ်ဟူးတၢ်ဂဲၤ ထီၣ်‚ လီၤဃုာ်ဒီး တၢ်လၢအအိၣ်၀းတရၠာစးံးပှၤတဖၣ်လီၤႉ တဘျီဘျီ‚ ဖျါလီၤဂာ်မး ဒ်ပအိၣ် ပဆိးလၢသ့ၣ်ဒ့လၢအဟူး၀းတဖၣ်အလိၤလီၤႉ ပဖီတၢၣ်တခီ မ့ၢ်တၢ်ကမၤစၢၤနၤ ဒ်သိး နကထံၣ်က့ၤ နထူၣ်မိၢ်ပှၢ်ဒၣ်နဲန့ၣ်လီၤႉ လၢကျဲဒ်အံၤ‚ ဖဲလၢနသးသမူ တၢ်ကွၢ် ဆၢၣ်မဲာ် မ့ၢ်ထုးလီၤနၤလၢကျဲကိးကပၤဒဲးဘၣ်ဆၣ်‚ နတမ့ၢ်လၢၤပှၤလၢ အအိၣ်လၢ သ့ၣ်ဒ့တဖၣ်လၢ တဟူး၀း၀ဲအလိၤန့ၣ်ဘၣ်ႉ နအိၣ်ဘၣ်လၢတၢ်ဘံၣ်တၢ်ဘၢအလီၢ်ဒီး တၢ်လီၢ်လၢအဂၢၢ်၀ဲကျၢၤ၀ဲန့ၣ်လီၤႉ
တၢ်အံၤ မ့ၢ်တၢ်အက့ၢ်အဂီၤတမံၤလၢ အိၣ်ထီတ့ၢ်ဃာ်လၢယပူၤ‚ ဒီးလီၤပလိာ် စ့ၢ်ကီးဆူ တၢ်အက့ၢ်အဂီၤလၢ စီၤပီလူးဟ့ၣ်ထီၣ်ဆူ ပှၤစူၢ်က့ၤနာ်က့ၤတၢ်လၢ အ့းဖ့းစူး န့ၣ်လီၤႉ လၢတၢ်ဒုးသ့ၣ်နီၣ်ထီၣ်အ၀ဲသ့ၣ်လၢ ယွၤအတၢ်ဟ့ၣ်လၢ အဒိၣ်၀ဲမုၢ်၀ဲ‚ တၢ်မူ အသီလၢ အအိၣ်ဒီးတၢ်တိာ်လီၤဘီလီၤမုၢ်ဒီး အလုၢ်အပရၤအိၣ်၀ဲ (အ့း ၂း၆-၁၀) ‚ ဒီး စီၤပီလူး နီၤဟ့ၣ်တၢ်လၢအဆၢမုၢ်လၢ်တ့ၢ်၀ဲလၢ အ၀ဲသ့ၣ် ‘အဂံၢ်ကစဲၤလီၤ ဒီး အခီၣ်ထံးပာ်ကျၢၤအသး’ လၢ ခရၠာစးံာ်အတၢ်အဲၣ်အပူၤ (၃း၁၇) ‚ ‘ဒီးတဒံ၀့ၤဒံ၀ီၤထွဲ ကယဲၢ် တၢ်သိၣ်တၢ်သီအကလံၤအခံ’ (၄း၁၄) လၢၤဘၣ်န့ၣ်လီၤႉ
လၢပကစၢ်ဒၣ်ပ၀ဲန့ၣ် ညီဒိၣ်၀ဲလၢ ပကကလၢၢ်ဘၣ် တၢ်ဘံၣ်တၢ်ဘၢတအိၣ် ဒီးလီၤကလဲကွံာ်လၢ တၢ်ဘၣ်ဒိဘၣ်ထံးလၢ ပတၢ်ပျံၤတၢ်ဖုး ဒီးပသးတၢ်ဘံၣ်တၢ်ဘၢ တအိၣ်၀ဲ တဖၣ်န့ၣ်လီၤႉ ဘၣ်ဆၣ်‚ ဖဲလၢပမ့ၢ်ဒိၣ်ထီၣ်လၢ ပတၢ်မ့ၢ်တၢ်အမ့ၢ်အတီလၢ ခရၠာစးံာ်အပူၤန့ၣ် (း၂၂-၂၄) ‚ ပကလဲၤခီဖျိဘၣ် တၢ်ဃူတၢ်မုာ် ဒိၣ်ဒိၣ်ယိာ်ယိာ် ဃုာ်ဒီးယွၤ ဒီးပ၀ဲတဂၤစုာ်စုာ် (း၃) ‚ ဂံၢ်ဘါပှဲၤဒီး သ့ပၢၤဃာ်တၢ်လၢ ကစၢ်ခရၠာစးံာ်အစိကမီၤ ဒီး အတၢ်ဃံတၢ်လၤ (း၁၅-၁၆) န့ၣ်လီၤႉ