ဖဲ ့ှှဲၣ်လံၣ် အကွဲၤဒီနၢ်သီၣ်ထီၣ်ဖဲ ဟါ ၃း၁၆‚ အ၀ဲအိၣ်ဘှံးတစိၢ်ဖိဒီး စံးထီၣ်ပ့တၢၤ ယွၤလီၤႉ အ၀ဲစံးဘျုးယွၤဒီး ယၢၤထီၣ်ကစၢ်ယွၤ အတၢ်မၤဂ့ၤတဖၣ်လီၤႉ ဖဲလၢအ၀ဲ မ့ၢ်ဘၣ်ထွဲဒီး ကစၢ်ယွၤလၢအဒီတနံၤညါဘၣ်ဆၣ်‚ အ၀ဲအသးခုလၢ ကအိၣ်ဘှံးတစိၢ်ဖိ ဒ်သိးအံၤ‚ မ့ၢ်လၢတၢ်အံၤမၤစၢၤအီၤ‚ ဒ်သိးကဘၣ်ထွဲဘူးဘူးတံၢ်တံၢ်ဒီးကစၢ်ယွၤ အဃိ န့ၣ်လီၤႉ
လၢတၢ်ထုးန့ၢ်ယသးလၢ အ၀ဲအတၢ်ဘူၣ်ထီၣ်ဘါထီၣ် ကစၢ်ယွၤဒ်သိးအံၤ‚ ယဆၢတဲာ်လၢ ယကပာ်လီၤတၢ်ဆၢကတီၢ် လီၤတံၢ်လီၤဆဲးတကတီၢ် ဒ်သိးကစံးဘျုး ကစၢ်ခရၠာစးံာ်လၢ အတၢ်လုၢ်ထီၣ်သးလၢသ့ၣ်ဖျၢၣ်ထူၣ်စုညါဒီး ယဃ့ထုကဖၣ်စ့ၢ်ကီး ပှၤလၢအတူၢ်လိာ် ခရၠာစးံာ်အတၢ်အုၣ်က့ၤခီၣ်က့ၤတဖၣ်အဂီၢ်လီၤႉ ယကမၢကမၣ်ဘၣ်ယဲ‚ ဖဲလၢပှၤစူၢ်က့ၤနာ်က့ၤတၢ်ကိးဂၤလၢ ယ့ၣ့်ှှူးအပူၤ‚ မ့ၢ်အိၣ်ကတီၢ်တစိာ်ဖိ လၢကစံးထီၣ်ပ့တၢၤအီၤလၢ အ၀ဲသ့ၣ်အတၢ်အိၣ်မူဒီး ဃ့ထုကဖၣ် လၢပှၤဂုၤပှၤဂၤအဂီၢ် ကိးနံၤ မ့ၢ်တၢ်ကမၤအသးဒ်လဲၣ်ႉ
ပှၤကညီၤ အတၢ်စံးထီၣ်ပ့တၢၤ အလပီဃံလၤသီၣ်သ့ထူးတုၤလၢ ဟီၣ်ခိၣ် အကတၢၢ်‚ ကသီၣ်ဆၢကဒါက့ၤ ကစၢ်ယွၤအကလုၢ်အကထါ လၢထါစံးထီၣ်ပ့တၢၤ ၆၇ န့ၣ်လီၤႉ ပှၤကွဲးထါစံးထီၣ်ပ့တၢၤ ဃ့တၢ်လၢယွၤအဘျုးအဖှိၣ်အဂီၢ်‚ ဘိးဘၣ်သ့ၣ်ညါ အ၀ဲအတၢ်မိၣ်န့ၢ်သးလီဆူ ပှၤကညီကိးကလုာ်ဒဲး (း၁-၂) လီၤႉ အ၀ဲသး၀ံၣ်ထီၣ် ‘မ် ပှၤဂီၢ်မုၢ်စံးထီၣ်ပ့တၢၤနၤတက့ၢ်ႉ မ်ပှၤခဲလၢာ် စံးထီၣ်ပ့တၢၤနၤတက့ၢ်’ (း၃) ႉ အ၀ဲ မၤလၤကပီၤကစၢ်ယွၤလၢ အစံၣ်ညီၣ်တၢ်တီတီဒီး အတၢ်သးအိၣ် (း၄) လီၤႉ ဒ် တၢ်အုၣ်သးလၢ အမူလၢကစၢ်ယွၤအတၢ်အဲၣ်လၢအဒိၣ် ဒီးအဘျုးအဖှိၣ် လၢအထူးတီၤ‚ ပှၤကွဲးထါစံးထီၣ်ပ့တၢၤ ဆှၢယွၤအပှၤဂီၢ်မုၢ်တဖၣ်ဆူ တၢ်သးခုဖးဒိၣ် အတၢ်စံးဘျုး ယွၤ (း၅-၆) လီၤႉ
ကစၢ်ယွၤအကလုၢ်လၢအတီလၢ ပ၀ဲအဖိလၢအအဲၣ်ဘၣ်၀ဲတဖၣ်‚ ထုးန့ၢ် ပသူၣ်ပသးလၢ ပကသ့ၣ်ညါနီၣ်အီၤ ဆူညါဆူညါန့ၣ်လီၤႉ ဒ်ပမၤတၢ်အံၤ‚ ပှၤဂုၤပှၤဂၤ ကပာ်ဖှိၣ်သးဒီးပှၤလၢ တၢ်နာ်န့ၣ်အီၤ‚ တၢ်ယူးယီၣ်ပးကဲအီၤ‚ တၢ်ပိာ်အခံဒီး တၢ်ကိး သBတီထီၣ်လၢ အ၀ဲမ့ၢ်ပကစၢ်န့ၣ်လီၤႉ