ဒၣ်ဒံၣ် သးအိၣ်ဟ့ၣ်ဂံၢ်ဟ့ၣ်ဘါတၢ် ခီဖျိ တၢ်သး၀ံၣ်န့ၢ်တၢ်ဆူ ပှၤဂၤအအိၣ်န့ၣ်လီၤႉ ဘၣ်တနံၤ‚ ပအီၣ်မုၢ်ဆါအတၢ်အီၣ်လၢတၢ်အီၣ်ကျးတဖျၢၣ်လၢ အ၀ဲဘၣ်သူၣ်ဘၣ်သး ဒီးအ၀ဲပာ်သူၣ်ပာ်သးဘၣ်လၢ ပှၤလၢခိးကွၢ်ထွဲတၢ်အီၣ်လၢကျၢးတဂၤ အိၣ်ဒီး တၢ်ကီတၢ်ခဲလၢ နံၤအ၀ဲန့ၣ်လီၤႉ အ၀ဲသံကွၢ်သးစၢ်မုၣ်အံၤလၢ တၢ်သံကွၢ်စှၤထံၣ်၀ံၤ‚ အ၀ဲ စးထီၣ်သး၀ံၣ်တၢ်ကဖီဖိတယုၢ်လၢ အမၤသးဖှံဘၣ် ပိာ်မုၣ်ဖိအံၤန့ၣ်လီၤႉ ပိာ်မုၣ်အံၤ အိၣ်က့ၤဒီးမဲာ်နံၤကမှံဒီး ဖဲအကွဲးလီၤတၢ်အီၣ်လၢပမၤလိာ်‚ အ၀ဲတဲဖျါထီၣ် လၢ ‘တၢ် ဘျုးလီၤသရၠာစးၣ်ဧၢ‚ နမ့ၢ်ပှၤလၢအမၤသးခုယမုၢ်နံၤလီၤႉ တၢ်ဘျုးဒိၣ်မးလီၤ’ႉ
ဖဲပအိးထီၣ် လံာ်စဖါနယၤ‚ ပထံၣ်ဘၣ်လၢ ကစၢ်ယွၤသးအိၣ်လၢ ကသး၀ံၣ် တၢ်လီၤႉ ၀ံစဖါနယၤ ပာ်ဖျါထီၣ် တၢ်ဂီၤအဃံအလၤတဘ့ၣ်လၢ တၢ်ကွဲးလၢ အပာ် ဖျါထီၣ် ကစၢ်ယွၤ ဒ်ပှၤသံကျံတဂၤလၢ အအဲၣ်သူၣ်၀ံၣ်သးဆၢတၢ်ဃုာ်ဒီး အဖိတဖၣ် န့ၣ်လီၤႉ အ၀ဲပာ်ဖျါ၀ဲလၢ ကစၢ်ယွၤ ‘ကသူၣ်ဖှံသးညီလၢ နဖီခိၣ်’ အိၣ်ဒီး အသူၣ်ခု အသးခု န့ၣ်လီၤႉ ကအိၣ်ဘှံးလၢ အတၢ်အဲၣ်အပူၤ‚ ဒီးကသူၣ်ပိၢ်သးပိၢ်လၢနဖီခိၣ် အိၣ်ဒီး တၢ်သးခု အသီၣ် (တၢ်သး၀ံၣ်) လီၤ’ (စဖါ ၃း၁၇) ႉ ကစၢ်ယွၤအၢၣ်လီၤ ဒ်သိးကအိၣ်ဒီး ပှၤလၢအဆီတလဲကွံာ်၀ဲလၢ တၢ်သးကညီၤ လီၤစိၤလီၤထီန့ၣ်လီၤႉ ဘၣ်ဆၣ်‚ တၢ်အံၤ တကတၢၢ်ကွံာ်ဖဲအံၤန့ၣ်ဘၣ်ႉ အ၀ဲကွဲမုာ်ဒီး ပာ်ဖှိၣ်ထီၣ်သးဒီးအပှၤဂီၢ်မုၢ် ဒ်သိး က‘‘သူၣ်ခုသးခုဒီး သူၣ်ဖှံသးညီလၢ နသးဒီဖျၢၣ်ညါ’’ (း၁၄) လီၤႉ
ပကတယာ်ဆိ မုၢ်နံၤလၢကဟဲကသ့၀ဲဖဲ ပကပာ်ဖှိၣ်လိာ်ဘၣ်ပသး ဒီး ကစၢ်ယွၤ ဃုာ်ဒီးပှၤလၢအစူၢ်က့ၤနာ်က့ၤခရၠာစးံာ် ဒ်အမ့ၢ်ပှၤအုၣ်က့ၤခီၣ်က့ၤတၢ်န့ၣ်လီၤႉ တၢ်အံၤ ကလီၤကမၢကမၣ်လၢ ပကနၢ်ဟူဘၣ် ပပၢ်လၢမူခိၣ်‚ ကသး၀ံၣ်တၢ်လၢ ပ၀ဲကိးဂၤဒီး ပကလဲၤခီဖျိဘၣ် အတၢ်အဲၣ်တၢ်ကွံ‚ တၢ်ဘၣ်သူၣ်ဘၣ်သးဒီး တၢ်တူၢ်လိာ်ထဲလဲၣ်န့ၣ်လဲၣ်ႉ