ဖဲ ၁၉၃၈ နံၣ် လါစဲးပထ့ဘၢၣ် ၂၁ သီ မုၢ်ထူၣ်န့ၣ်‚ သးစၢ်လၢ အမ့ၢ်ပှၤကူၣ်သ့လၢကလံၤ ကထၢပီညါ ဟ့ၣ်ဒုးပလီၢ်ယူၢ်အဲးစ်မူခိၣ်ကလံၤသီ၀ီၤအတၢ်လီၢ်လၢ ဟၣ်ရၠာစးံၣ်ခ့ ကလံၤ မုၢ် ကဟူတၢ်လၢကလံၤစိးဆူ နယူအဲးကလံးလီၤႉ ဘၣ်ဆၣ်‚ ပှၤအခိၣ်လၢတၢ်တဲဖျါဆိ မူခိၣ်ကလံၤသီၣ်၀ီၤ‚ ဒုၣ်ဒွဲၣ် ခၠါလ်ဖံယၢၣ်အတၢ်တဲဖျါဆိတၢ်ဂ့ၢ်အံၤန့ၣ်လီၤႉ နီၢ်နီၢ်‚ တၢ်ကိၢ်လီၢ်ကလံၤမုၢ်တဖျၢၣ်အံၤ‚ တမၤဘၣ်ဒိတၢ်ယံၤယံၤလၢကလံၤစိးန့ၣ်ဘၣ်ႉ
လၢခံ ခံနၣ်ရၠာစးံၣ် ဖဲ ၁၉၃၈ နံၣ်‚ နယူအဲကလံးဟၣ်ရၠာစးံၣ်ခ့ ကလံၤမုၢ်လီၤလၢ ကီးတဖျၢၣ်အလိၤလီၤႉ ဖဲအဘၣ်ဟါ ၄း၀၀‚ ဟဲတုၤဆူ နယူအဲကလံး‚ ဟူသဖှိထီၣ် ကဘီတဖၣ်ဆူခိခိၣ် ဒ်ဟံၣ်လီၤပှီၢ်လၢပီၣ်လဲၣ်ပူၤအသိးန့ၣ်လီၤႉ တၢ်သံတၢ်ပှၢ်အိၣ်ထီၣ် အါန့ၢ်ဒံးပှၤဃုကယၤန့ၣ်လီၤႉ ပှၤတူၢ်ဘၣ်ကလံၤမုၢ်တဖၣ် မ့ၢ်ဒိးန့ၢ် ဖံယၢၣ် အတၢ်ဒုးပလီၢ်လၢ အသူၣ်လီၤသးလၢ တၢ်ဂ့ၢ်အဂၢၢ်အကျၢၤဒီး အ၀ဲအဟီၣ်ခိၣ်ဂီၤတဖၣ်လၢ အလီၤတံၢ်လီၤဆဲးအဃိ‚ သးသမူဖိတဖၣ် ဖျါလၢကမူဘၣ်ဒံးန့ၣ်လီၤႉ
တၢ်သိၣ်တၢ်သီလၢ ပကဘၣ်ဒိကနၣ်မတၤအတၢ်ကတိၤအံၤ‚ အိၣ်လၢ လံာ်စီဆှံအပူၤန့ၣ်လီၤႉ လၢ၀ံယံးရၠာစးမံယၤအမုၢ်နံၤ‚ ယွၤဒုးပလီၢ် အပှၤဂီၢ်မုၢ်တဖၣ်လၢ ကထီဒါ ၀ံဘျၣ်သရၠာစးၣ်ဘျၣ်တဖၣ်န့ၣ်လီၤႉ ယွၤစံးလၢ ‘‘ကနၣ်၀ံတဖၣ် အကလုၢ်လၢ အကတိၤတၢ်လၢ ၀ံအကျိာ်လၢသုကျါတဂ့ၤႉ ကလံာ်သုဆူ တၢ်ကလီကလီလီၤႉ ကတိၤ၀ဲလၢ တၢ်ထံၣ်လၢညါခီလၢအလိၣ်ထီၣ်လၢအသးဒၣ်၀ဲ‚ တမ့ၢ်ဘၣ် အဟဲလၢယွၤ အထးခိၣ်ဘၣ်’’ (ယံးရၠာစးမံယၤ ၂၃း၁၆) ႉ ယွၤစံးဘၣ် အ၀ဲသ့ၣ် လၢ ‘‘ဒီးမ့ၢ်ဆၢထၢၣ်လၢ ယတၢ်ကူၣ်အပူၤဒီး ကဒုးနၢ်ဟူ ယပှၤဂီၢ်မုၢ်လၢ ယတၢ်ကတိၤႉႉႉ’’ (း၂၂) လီၤႉ
‘၀ံအဘျၣ်’ အိၣ်ဒီးပှၤ တုၤခဲကနံၣ်အံၤန့ၣ်လီၤႉ ‘ပှၤစဲၣ်နီၤတဖၣ်’ ဟ့ၣ်ကူၣ်တၢ်လၢ တၢ်တကနၣ်ဃုာ်ကစၢ်ယွၤအကလုၢ်ကထါ မ့တမ့ၢ် မၤဒၢက့ၣ်ဒၢကူ ယွၤအတၢ်ကတိၤ လၢကမၤဘၣ်ဘျိးဘၣ်ဒါတၢ်လၢ အ၀ဲသ့ၣ်အတၢ်တိာ်န့ၣ်လီၤႉ ဘၣ်ဆၣ်‚ ခီဖျိယွၤ အကလုၢ်ကထါ ဒီးသးစီဆှံန့ၣ်‚ ယွၤဟ့ၣ်လီၤပှၤ တၢ်လၢပလိၣ်လၢ ပကစးထီၣ်သ့ၣ်ညါ တၢ်အကမၣ် ခီဖျိတၢ်သ့ၣ်ညါတၢ်မ့ၢ်တၢ်တီန့ၣ်လီၤႉ ဒ်ပထိၣ်တဲာ်ကွၢ် တၢ်ကိးမံၤလၢ ယွၤအတၢ်ကတိၤတၢ်မ့ၢ်တၢ်တီ အသိး‚ ပတၢ်ကတိၤဒၣ်၀ဲ ဒီးပတၢ်အိၣ်မူ ကဒိၣ်ထီၣ်အါထီၣ်လၢ တၢ်လီၣ်ဖျါထီၣ် တၢ်အမ့ၢ်အတီဆူ ပှၤဂုၤပှၤဂၤန့ၣ်လီၤႉ