ပှၤကွၢ်တၢ်ဂီၤမူဖိတဖၣ် နၢ်ဟူ တၢ်ကလုၢ်လၢ အဃံလၤလၢ အဲမလ့ၣ်ကလၢး‚ ဒ်အမ့ၢ် မုၣ်ဂဲၤဒိ လၢ ‘‘မ့ရၠာစး့ၣ်ဖီးဖ့ အတၢ်ဟဲက့ၤကဒါက့ၤ’’န့ၣ်လီၤႉ လၢတၢ်ကမၢကမၣ်အပူၤ‚ တၢ်အံၤ မ့ၢ်တၢ်ဆၢကတီၢ်လၢ အယံာ်လွံၢ်နံၣ်လၢအ၀ဲသ့ၣ် အတၢ်ဆီဟံၣ်ဆီဃီအပူၤ‚ တချုးဖဲအ၀ၤထံၣ်သ့ၣ်ညါလၢအ၀ဲအိၣ်ဒီးတၤလၣ်လၢ တၢ်ကလုၢ်မုာ်၀ဲန့ၣ်လီၤႉ လၢတၢ်သံကွၢ်တဘျီအပူၤ‚ အ၀ဲပာ်ဖျါထီၣ် အတၢ်ကမၢကမၣ်ဘၣ်တၢ် ဖဲအနၢ်ဟူဘၣ် အမါသး၀ံၣ်တၢ်အဆိကတၢၢ်တဘျီ‚ ဆိကမိၣ်ထီၣ်လၢ ‘‘မ့ၢ်နကတဲယၤတၢ်အံၤ လၢအကတီၢ်မတၤန့ၣ်လဲၣ်’’ လီၤႉ
လၢတၢ်ရၠာစး့လိာ်ဘၣ်ထွဲအပူၤ‚ တလီၢ်လီၢ် ပမၤလိန့ၢ်တၢ်အသီ‚ တဘျီဘျီလၢ တၢ်တမုၢ်လၢ်တၢ်လီၤတံၢ်လီၤဆဲး လၢအမၤကမၢကမၣ်ဘၣ်ပှၤန့ၣ်လီၤႉ လၢလံာ် မၢ်ကူးအပူၤ‚ ကစၢ်ခရၠာစးံာ်အပျဲၢ်အဘီၣ်တဖၣ်‚ အဆိကတၢၢ်စးထီၣ်ဘၣ်တၢ်လၢ ကစၢ်ယ့ၣ့်ှှူးအက့ၢ်အဂီၤလၢအတလၢပှဲၤ ဒီးဂုာ်ကျဲးစၢးဟံးဃာ်ဂၢၢ်ဂၢၢ်ကျၢၤကျၢၤ လၢ အ၀ဲမ့ၢ်မတၤန့ၣ်လဲၣ်လီၤႉ ဘၣ်ဆၣ် ဖဲတၢ်ထံၣ်လိာ်သးတဘျီလၢပီၣ်လဲၣ်ကၤလံၤလါ ကစၢ်ယ့ၣ့်ှှူးလီၣ်ဖျါ‚ ပာ်ဖျါထီၣ်အသးအါထီၣ်‚ တဘျီအံၤ မ့ၢ်တၢ်မၤလဲၢ်ထီၣ် အစိကမီၤ လၢအအိၣ်လၢန့ဆၢၣ်အဖီခိၣ်န့ၣ်လီၤႉ
ဖဲအဒုးအီၣ် ပှၤအဂၤယဲၢ်ကထိဘျဲၣ်၀ံၤ‚ ကစၢ်ယ့ၣ့်ှှူးဆှၢလီၤအပျဲၢ်အဘီၣ် တဖၣ်လၢပီၣ်လဲၣ်ကၤလံၤလါ‚ ဖဲတၢ်လီၢ်လၢအ၀ဲသ့ၣ် ဘၣ်သဂၢၢ်ဒီးကလံၤမုၢ်တွၤ န့ၣ်လီၤႉ တချုးမုၢ်ဂီၤထီၣ်‚ အပျဲၢ်အဘီၣ်တဖၣ်ပျံၤတၢ်ဖုးတၢ် ဖဲအထံၣ် ပှၤတဂၤဟးလၢ ထံမဲာ်ဖံးခိၣ်န့ၣ်လီၤႉ ကစၢ်ခရၠာစးံာ်အကလုၢ် ညီနုၢ်လၢအအိၣ်ဒီး တၢ်မၤမုာ်ထီၣ်လၢ အစံး၀ဲ ‘‘ပာ်သုသး ခူတလ့ၢ်တက့ၢ်ႉ မ့ၢ်ယၤလီၤႉ ပျံၤတၢ်တဂ့ၤ’’ (မၢ်ကူး ၆း၅၀) ႉ မၤဂၢၢ်မၤကျၢၤအပျဲၢ်အဘီၣ်အသးလီၤႉ ၀ံၤ‚ အ၀ဲဒုးအိၣ်ဂၢၢ်ကလံၤမုၢ်လီၤ လၢတၢ်ထံၣ်ဘၣ် တၢ်စိကမီၤဖးဒိၣ် ဒ်သိးအံၤအဖီခိၣ်‚ အပျဲၢ်အဘီၣ်တဖၣ် ‘ကမၢကမၣ်’ (၆း၅၁) ႉ တုၤဒၣ်လဲာ် လၢအ၀ဲသ့ၣ်ဂုာ်ကျဲးစၢး မၤလၢမၤပှဲၤတၢ်လဲၤခီဖျိ လၢအမ့ၢ် ခရၠာစးံာ်အစိကမီၤန့ၣ်လီၤႉ
ဒ်ပလဲၤခီဖျိဘၣ် ကစၢ်ယ့ၣ့်ှှူး ဒီးအ၀ဲအစိကမီၤ လၢအအိၣ်လၢပသးသမူ အကလံၤမုၢ်တွၤအဖီခိၣ် ပမၤန့ၢ်အါထီၣ် အ၀ဲအက့ၢ်အဂီၤအလၢအပှဲၤ လၢအမ့ၢ်မတၤ န့ၣ်လဲၣ်လီၤႉ ဒီးပကမၢကမၣ်ဘၣ်၀ဲန့ၣ်လီၤႉ