သရၠာစးၣ် ဟါလဲန် ဖိဖီး‚ မ့ၢ်တၢ်အိၣ်ဖှိၣ်သရၠာစးၣ်တဂၤ လၢတၢ်အိၣ်ဖှိၣ်တဖု လၢအဘၣ် တၢ်သူၣ်လီၤ လၢတၢ်ခူသူၣ်‚ ဖဲ ၁၉၄၈ နံၣ်‚ ဒီးဘၣ်တၢ်ကိးဟးထီၣ်အီၤ လၢဟံၣ်လၢ ‘‘တၢ်ကသံကွၢ်သံဒိးအီၤ တၢ်ဂ့ၢ်တဆံးတက့ၢ်’’ အဂီၢ်လီၤႉ ခံနွံပူၤကွံာ်‚ အ၀ဲဘၣ် တၢ်သမံသမိးအီၤ လၢတၢ်သံကွၢ်အါထံၣ်ဒီး တၢ်တဟ့ၣ်ဒုးအီၣ်အီၤ တၢ်နီတမံၤ လၢအသီ တဆံအတီၢ်ပူၤန့ၣ်လီၤႉ တဘျီစုာ်စုာ်‚ အ၀ဲသမၢလၢအမ့ၢ်ပှၤကွၢ်ဟုၣ် တၢ်တဂၤအဃိ‚ အ၀ဲဒိးဘၣ် တၢ်ဒိအီၤတီၢ်အီၤန့ၣ်လီၤႉ သရၠာစးၣ်ဖိဖီးတဂၤ ဖဲလၢအဘၣ် တၢ်မၤဆါအီၤ နးနးကျံးကျံးဒၣ်ကယၢာ်‚ လၢတၢ်တူၢ်ဘၣ်တၢ်အခါဒၣ်လဲာ် အ၀ဲဆှၢ အတံၤသကိး ပှၤဃိၣ်ဖိတဖၣ် ဆူကစၢ်ယ့ၣ့်ှှူးအအိၣ်လီၤႉ လၢခံဖဲတဆံတနံၣ်အလီၢ်ခံ‚ အ၀ဲ ထူၣ်ဖျဲးထီၣ်ဒီး နီၤဟ့ၣ်ဘၣ်ဒံး အတၢ်စူၢ်တၢ်နာ် တုၤဒၣ်လဲာ်လၢခံ‚ ခံနံၣ်ဖဲအ၀ဲဟးထီၣ် ဘၣ်လၢထံကီၢ်ဒီးက့ၤထံၣ်လိာ်ဘၣ်အသး ဒီးအဟံၣ်ဖိဃီဖိတဖၣ်န့ၣ်လီၤႉ အ၀ဲစူးကါ နံၣ်လၢအပိာ်ထွဲထီၣ်အခံ လၢတၢ်စံၣ်တဲၤတဲလီၤတၢ်ဒီး တၢ်ဃုကျိၣ်စ့ဆူ တၢ်ကနီၤဟ့ၣ် လံာ်စီဆှံတဖၣ်ဆူ ထံကီၢ်လၢအကးတံာ်ဃာ် ခရၠာစးံာ်ဖိတၢ်ဘူၣ်တၢ်ဘါ န့ၣ်လီၤႉ
ဒ်ပှၤလၢအစူၢ်က့ၤနာ်က့ၤခရၠာစးံာ်အဂုၤအဂၤ လၢတၢ်ဂံၢ်ထီၣ်ဒွးထီၣ်တလၢာ် လၢနံၣ်တဖၣ်အပူၤအသိး‚ ဖိဖီးဘၣ်တၢ်မၤအၢမၤနး မ့ၢ်လၢ အတၢ်စူၢ်တၢ်နာ် အဃိ န့ၣ်လီၤႉ တချုးလၢ အ၀ဲဘၣ်တၢ်မၤအၢမၤနး‚ ဃုာ်စ့ၢ်ကီးဒီး အတံၤသကိးတဖၣ် လၢ တဘျီဘျီတၢ်မၤအၢမၤနးအဃိ‚ အသးသမူလီၤမၢ်ကွံာ်‚ ကစၢ်ခရၠာစးံာ်စံးဘၣ်တ့ၢ်၀ဲလၢ ‘‘ပှၤလၢအဘၣ်တၢ်မၤအၢမၤနးအီၤ လၢတၢ်တီတၢ်လိၤအဃိတဖၣ်န့ၣ်ဘၣ်ဆိၣ်ဂ့ၤ ၀ဲလီၤႉ အဂ့ၢ်ဒ်အံၤ‚ မူခိၣ်အဘီအမုၢ် မ့ၢ်ပှၤတဖၣ်န့ၣ် အတၢ်လီၤ’’ (မးသဲ ၅း၁၀) ႉ အ၀ဲစံးကဒီး လၢ‚ ‘‘တုၤပှၤဒုၣ်ဒွဲၣ်သု‚ ဒီးမၤအၢမၤနးသုဒီး စံးအၢသု ကဘျံးကဘျၣ်လၢ ကယဲဲၢ်တၢ်အၢတၢ်သီ လၢယဃိဒီး‚ သုဘၣ်ဆိၣ်ဂ့ၤဆိၣ်၀ါလီၤ’’ (း၁၁) ႉ
တၢ်ဘၣ်ဆိၣ်ဂ့ၤဧါႉ မ့ၢ်ကစၢ်ယ့ၣ့်ှှူးအဲၣ်ဒိး စံးတၢ်မနုၤန့ၣ်လဲၣ်ႉ အ၀ဲနဲၣ်ဖျါ ထီၣ် တၢ်ဆူ တၢ်အလၢအပှဲၤ‚ တၢ်သးခုဒီး တၢ်မၤမုာ်ထီၣ် လၢအဘၣ် တၢ်ထံၣ်န့ၣ်အီၤ သ့ထဲဒၣ် လၢတၢ်ရၠာစး့လိာ်ဘၣ်ထွဲဒီးအီၤတမံၤ (း၄‚ ၈-၁၀) န့ၣ်လီၤႉ ဖိဖီးအိၣ်ဒီး တၢ်သးစွံ ကတုၤ မ့ၢ်လၢအ၀ဲကလၢၢ်ဘၣ်လၢ ယွၤအတၢ်အိၣ်ဒီးအီၤ မ့ၢ်တၢ်လၢ အဒုးဂံၢ်ဆူၣ် ဘါဆူၣ်ထီၣ်အီၤ‚ ဖဲလၢအတူၢ်ဘၣ်တၢ်အခါ ဒၣ်လဲာ်န့ၣ်လီၤႉ ဖဲပလဲၤသကိးတၢ်ဒီးယွၤ‚ တၢ်အိၣ်သးကအိၣ်ဒ်လဲၣ်ဒ်လဲၣ်အတွးတအိၣ်‚ ပ၀ဲစ့ၢ်ကီး ပကလဲၤခီဖျိဘၣ် အ၀ဲ အတၢ်ဃူတၢ်မုာ်န့ၣ်လီၤႉ အ၀ဲအိၣ်ဒီးပှၤလီၤႉ