ယစးထီၣ်တၢ်၀ီသိလ့ၣ်‚ ၀ံၢ်၀ၢ်ယစုလၢ ပှၤလၢအအိၣ်လၢယခိၣ်ယဃၢၤလၢ အမ့ၢ် မၣ်ရၠာစးံၣ်ယၣ် ဒီးအဖိမုၣ်ဆံး အဲလံးစဘဲးလီၤႉ လၢနံၣ်တဖၣ်အပူၤ‚ အဲလံးစဘဲး ဒိၣ်ထီၣ် လၢတၢ်လၢပမၤညီနုၢ်လၢ ပကတိၤသကိးတၢ်လၢတၢ်သူၣ်ဆူၣ်သးဆူၣ်‚ လၢ အယံာ် န့ၢ်ဒံး တၢ်အၢၣ်လီၤလၢ ‘စှၤမံးနံး’ ဒီးဃ့ထုကဖၣ်သပှၢ်ပှၢ်န့ၣ်လီၤႉ အ၀ဲထီၣ်ဆူ သ့ၣ်ထူၣ် လၢအဘၣ်တၢ်သူၣ်လီၤလၢအဟံၣ်ကရၠာစးၢၢ်ကံၢ်သး‚ ထိၣ်လီၤစဲၤအခီၣ်ခံခီ လၢသ့ၣ်ဒ့ ဒီး မၤအသး ဒ်တၢ်မၤအါအသိး‚ ဖဲအမိၢ်ဒီးယၤ ပကတိၤတၢ်အကတီၢ်န့ၣ်လီၤႉ တစိၢ်ဖိ အဲလံးစဘဲး စံၣ်လီၤဒီးဃ့ၢ်သဖှိဆူတၢ်လီၢ်လၢ ပဆၢထၢၣ်ကတိၤတၢ်န့ၣ်လီၤႉ အ၀ဲ၀ာ် ပစုတဖၣ်‚ နံၤကမှံၤထီၣ်ဒီး သး၀ံၣ်ထီၣ်တၢ်အံၤ‚ ‘‘မ့ၢ်တၢ်အကတီၢ်လၢ တၢ်ကထုကဖၣ် ကဒီး’’ လီၤႉ အမ့ၢ် ဖိသၣ်ဆံးဒၣ်လဲာ်ႉ ဖျါလၢအဲးလံးစဘဲး နၢ်ပၢၢ်တၢ်လၢအဘၣ်ထွဲဒီး တၢ်အကါဒိၣ်လၢ တၢ်ထုကဖၣ်တၢ်‚ လၢပတၢ်ရၠာစး့လိာ်မုာ်လိာ်သး အပူၤန့ၣ်လီၤႉ
ဖဲအဟ့ၣ်ဂံၢ်ဟ့ၣ်ဘါ ပှၤစူၢ်က့ၤနာ်က့ၤတၢ်တဖၣ်‚ လၢ ‘‘ႉႉႉအ၀ဲဒၣ် (ခရၠာစးံာ်) အစိကမီၤဒီး အဂံၢ်အဘါအပူၤ’’ (အ့းဖ့း ၆း၁၀) ‚ ပှၤတၢ်မၢဖိစီၤပီလူး‚ ဟ့ၣ်တၢ်လၢ အကါဒိၣ်လၢ တၢ်ကထုကဖၣ် တဘိယူၢ်ဃီန့ၣ်လီၤႉ အ၀ဲပာ်ဖျါထီၣ် ယွၤအပှၤဂီၢ်မုၢ် အစုက၀ဲၤလၢအလိၣ်‚ ဖဲအလဲၤတၢ်လၢနီၢ်သးဃုာ်ဒီးခရၠာစးံာ်‚ လၢအမ့ၢ် ပှၤလၢ အမၤပျံၤတၢ် ဒီတဒၢတၢ်‚ တၢ်သ့နီၤဖးပဲာ်ဖးတၢ်ဂ့ၤဂ့ၤ ဒီးတၢ်နာ်န့ၢ်တၢ်လၢ အ၀ဲအတၢ်မ့ၢ်တၢ်တီၤ အပူၤ (း၁၁-၁၇) န့ၣ်လီၤႉ ဘၣ်ဆၣ်‚ ပှၤတၢ်မၢဖိ ဟ့ၣ်တၢ်အတယၢၢ်လၢ ကစၢ်ယွၤအတၢ်ဟ့ၣ်လၢ အမ့ၢ်တၢ်ဂံၢ်ဆူၣ်ဘါဆူၣ်‚ ဒိၣ်ထီၣ်လၢ တၢ်ဘျုးလီၤသး သးအတၢ်ဟ့ၣ် လၢအမ့ၢ်တၢ်ထုကဖၣ်တၢ်န့ၣ်လီၤ (း၁၈-၂၀) ႉ ကစၢ်ယွၤနၢ်ဟူဒီး သးအိၣ်တၢ်လၢ ပလိၣ်ဘၣ်၀ဲတဖၣ်‚ ဖဲလၢပမ့ၢ်ပာ်ဖျါထီၣ်လၢ တၢ်သးဒူ‚ တၢ်သညူးသပှၢ်‚ ဘရၣ်ဘှီၣ် မ့တမ့ၢ် လၢသးအတၢ်တူၢ်ဘၣ်ယိာ်ယိာ်အပူၤန့ၣ်လီၤႉ ထီဘိအ၀ဲအိၣ်ကတဲာ်ကတီၤအသး ဆူတၢ်ကဟ့ၣ်ဆူၣ်ထီၣ်ပှၤလၢ အစိကမီၤအပူၤ‚ ဒ်အ၀ဲကွဲမုာ်ပှၤလၢ ကထုကဖၣ်ကဒီး ႉႉႉကဒီး တဘျီဘၣ်တဘျီန့ၣ်လီၤႉ