ဖိသၣ်ပိာ်ခွါဖိ အသူၣ်ဟူးသးဂဲၤ ဖဲအအိးထီၣ် တၢ်ဘိၣ်ဖးဒိၣ်လၢအပၢ်ဆှၢလီၤလၢ ဆိကမိၣ်၀ဲလၢ တမ့ၢ်အပၢ်ကအိၣ်လၢဟံၣ် ဖဲအမၤအနံၤအိၣ်ဖျဲၣ်ဆၢက့ၤအမူးကတီၢ် န့ၣ်လီၤႉ လၢတၢ်ဘိၣ်အံၤအပူၤ အိၣ်ကဒီး ဒီးတၢ်ဘိၣ်အဂၤတဘိၣ်လၢ အဘၣ် တၢ်ဘိၣ်ဘံဃာ်ဒီး လၢတၢ်ဘိၣ်အံၤအပူၤ‚ အိၣ်ဒီးလံာ်က့ဖိလၢ အကွဲးလီၤသးလၢ ‘‘နကမၢ ကမၣ်ဧါ’’ န့ၣ်လီၤႉ ဖဲန့ၣ်‚ ပၢ်တဂၤအံၤ ဟဲနုာ်လီၤဆူအဒၢးဖိ ဒီးလၢတၢ်သဘံၣ်ဘုၣ်အပူၤ အ၀ဲကွၢ်ထီၣ်အပၢ်န့ၣ်လီၤႉ လၢအမဲာ်ချံပူၤ ပှဲၤ၀ဲဒီးမဲာ်ထံ‚ ဖဲန့ၣ် အ၀ဲဃ့ၢ်စံၢ်ဆူ အပၢ်အစုတီၤဒီးစံး၀ဲ‚ ‘‘ပါပၢ်ဧၢ‚ ယသးသယုၢ်နၤ’’ ဒီး ‘‘ယအဲၣ်ဘၣ်နၤလီၤ’’ႉ
မဲာ်ထံလၢအယွၤလီၤလၢ တၢ်သးခုတၢ်ပာ်ဖှိၣ်သး ဖီၣ်န့ၢ်ယၤလၢလံာ်လီၣ်ဖျါ ၂၁ အတၢ်ပာ်ဖျါထီၣ် တၢ်လၤကပီၤအကတီၢ် ဖဲကစၢ်ယွၤအဖိတဖၣ်ထံၣ်ဘၣ် အပၢ်လၢအလီၤအဲၣ်လီၤကွံတဂၤလၢ မဲာ်သကိးမဲာ်လၢ တၢ်မၤသီထီၣ်က့ၤဒီး တၢ်တ့ အသီ အလၢအပှဲၤအပူၤန့ၣ်လီၤႉ ၀ံၤ‚ ‘‘ (ကစၢ်) ယွၤကထွါကွံာ် (ပ) မဲာ်ထံခဲလၢာ်လၢ (ပ) မဲာ်လီၤႉ တၢ်သူၣ်အုးသးအုးတအိၣ်လၢၤဘၣ်ႉ ဒီးတၢ်ဟီၣ်တၢ်ယၢၤတအိၣ်လၢၤဘၣ်‚ မ့ၢ်လၢပအိၣ်ဘၣ်ဒီး ပပၢ်လၢမူခိၣ်အဃိန့ၣ်လီၤႉ ဒ်‘‘တၢ်ကလုၢ်ဖးဒိၣ်လၢမူခိၣ်’’ (လီၣ် ၂၁) ပာ်ဖျါ၀ဲအသိး‚ ‘‘ကွၢ်ကွၢ်‚ ယွၤအဒဲအိၣ်ဒီး ပှၤကညီ ဒီး ကစၢ်ကအိၣ်၀ဲဆိး၀ဲ ဒီးအီၤႉႉႉ’’ (း၃-၄) လီၤႉ
တၢ်ကအိၣ်ဒီး တၢ်အဲၣ်တၢ်ကွံ ဒီးတၢ်သးခုလၢ ပှၤလၢအပိာ်ကစၢ်ခရၠာစးံာ်အခံ လၢ ကဒိးန့ၢ်တၢ်သးခု ဃုာ်ဒီး ကစၢ်ယွၤ‚ ဒ် ၁ ပ့း ၁း၈ ပာ်ဖျါ၀ဲအသိး ‘‘အ၀ဲဒၣ်န့ၣ် သုတထံၣ်ဘၣ်အီၤဘၣ်ဒီး သုအဲၣ်အီၤလီၤႉ ခဲကနံၣ်အံၤ‚ သုတထံၣ်ဘၣ်နာ်သက့ဒီး‚ သုနာ်အီၤဒီး သုသူၣ်ခုသးခုလၢပစံးတသ့ဘၣ်ႉ ဒီးလၢ၀ဲပှဲၤ၀ဲဒီး တၢ်လၤကပီၤ‚ ဒီးသုဒိးန့ၢ် သုတၢ်နာ်အကတၢၢ်န့ၣ်‚ တၢ်အုၣ်က့ၤခီၣ်က့ၤသုသးလီၤ’’ႉ ပကထံၣ်မှံတၢ်လၢ ကမၤသး လၢအမ့ၢ်တၢ်ကပုာ်ထီၣ်ယွၤလီၤလၢ တၢ်သးခု ဖဲပထံၣ်ဘၣ်ပှၤလၢ ပအဲၣ်ဘၣ်အီၤတဂၤ ဒီးဆၢမုၢ်လၢ်လၢကတူၢ်လိာ်ပှၤလၢ တၢ်သလၣ်ထီၣ်အစုဖးလဲၢ်အပူၤန့ၣ်လီၤႉ