ဖဲတၢ်သးအုးဖးဒိၣ်အကတီၢ်လၢ ကီၢ်အမဲရၠာစးကၤ‚ ပှၤဒိတၢ်ဂီၤလၢ အမံၤဟူသၣ်ဖျါ ဒီၣ်ရၠာစးိၣ်သံၣ်ယၣ်လဲဒိဖလီရၠာစးဲး အိၣ်၀ဲ သီမ်စၢၣ်ဒီးအဖိတဖၣ် အဂီၤတဘ့ၣ်လီၤႉ တၢ်ဂီၤလၢ အမံၤဟူသၣ်ဖျါလၢ ‘‘မိၢ်လၢအသုးလီၢ်သုကျဲၤ’’ တဘ့ၣ်အံၤန့ၣ် မ့ၢ်မိၢ်တဂၤလၢ အသး ဟးဂီၤလၢ တၢ်လီၤမၢ်ဘၣ်လၢ တၢ်ကကူးဘၣ်က့ၤသဘ့ချံန့ၣ်လီၤႉ လဲၤက့ၤစိာ် တၢ်အံၤဆူ နံၣ်ပိၣ်မိၣ်‚ ခဲလံဖိနံယါ ဖဲပမၤတၢ်လၢ တၢ်ပၢတၢ်ဆှၢ စံၣ်ပျီတၢ်ဘံၣ်တၢ်ဘၢအကတီၢ်‚ လၢတၢ်မုၢ်လၢ်လၢ တၢ်ကပာ်သူၣ်ပာ်သးလၢ တၢ်လၢအလိၣ်လၢ ပှၤမၤတၢ်ဖိလၢ စံၣ်ပျီတဖၣ်အဂီၢ်န့ၣ်လီၤႉ
လံာ်သးသယုၢ်တၢ် ပာ်ဖျါထီၣ် တၢ်သးဟးဂီၤအတၢ်ဂီၤအဂၤတမံၤလၢ ယူဒၤ‚ ဖဲယ့ှူၤ့ှှလ့ၣ်ဟးဂီၤ၀ဲန့ၣ်လီၤႉ တချုးလၢ စီၤပၤနဘူးကးန့စၢ် မၤဟးဂီၤကွံာ်၀့ၢ်အံၤ ကမျၢၢ်တဖၣ် တူၢ်ဘၣ် တၢ်သၣ်၀ံၤလီၤဒိ ခီဖျိစီၤပၤနဘူးကၤန့စၢ် ထီဒါ ၀့ၢ်ဒီး အခ့အပှၤတဖၣ် က၀ီၤဃာ်တၢ်အဃိ (၂ စီၤ ၂၄း၁၀-၁၁) န့ၣ်လီၤႉ ဖဲလၢ အ၀ဲသ့ၣ် အတၢ်သဘံၣ် ဘုၣ်အံၤ မ့ၢ်တၢ်အစၢလၢအဟဲအိၣ်ထီၣ်လၢ နံၣ်တဖၣ်လၢ တၢ်ဒိကနၣ်တၢ်ဆူ ကစၢ် ယွၤ အကလုၢ်‚ ပှၤကွဲးလံာ်သးသယုၢ်တၢ်တခီ ကိးထီၣ်တၢ်ဆူကစၢ်ယွၤအအိၣ်‚ လၢအပှၤဂီၢ်မုၢ်တဖၣ်အခၢၣ်စး (သးသယုၢ် ၂း၁၁-၁၂) လီၤႉ
ဖဲပှၤကွဲးထါစံးထီၣ်ပ့တၢၤ ၁၀၇‚ ပာ်ဖျါစ့ၢ်ကီး တၢ်အကတီၢ်တကတီၢ် လၢအံၣ်စရၠာစး့လးအတၢ်စံၣ်စိၤတဲစိၤ (ကတီၢ် ဖဲအံၣ်စရၠာစး့လးတဖၣ် ဟး၀့ၤ၀ီၤလၢ ပှၢ်မုၢ်ကနၢ (း၄-၅) ‚ တၢ်ပညိၣ်သုးအသးလၢ တၢ်ဟူးတၢ်ဂဲၤခီၣ်ကါလၢ ကဟံးထီၣ်ဖီၣ်ထီၣ် ဖဲတၢ်ကီတၢ်ခဲအကတီၢ်တဖၣ်န့ၣ်လီၤႉ ‘‘ဒီးလၢအဘၣ်တၢ်ကိၢ်တၢ်ဂီၤန့ၣ် ကိးထီၣ်ယွၤ လီၤ’’ (း၆) ႉ ဒီးတၢ်အစၢလၢအလီၤလး ဟဲအိၣ်ထီၣ်တမံၤ လၢ ‘‘ဒီးဆှၢအီၤလၢ ကျဲလၢ အလိၤ ဒ်သိးအကလဲၤဆူ တၢ်အိၣ်၀ဲဆိး၀ဲ အ၀့ၢ်ပူၤလီၤ’’ႉ
လၢတၢ်သးအုးအကတီၢ်အပူၤန့ၣ် တဘၣ်အိၣ်ဘရၣ်အိၣ်ဘှီၣ်တဂ့ၤႉ ကိးထီၣ် တၢ်ဆူ ကစၢ်ယွၤအအိၣ်တက့ၢ်ႉ အ၀ဲဒိကနၣ်ဒီး အိၣ်ခိးတၢ်လၢ တၢ်ကသူၣ်ထီၣ်က့ၤ နတၢ်မုၢ်လၢ်န့ၣ်လီၤႉ ဖဲလၢအ၀ဲမ့ၢ်တထုးထီၣ်ပှၤလၢ တၢ်ကီတၢ်ခဲအကတီၢ် ထီဘိ ဘၣ်ဆၣ်‚ အ၀ဲအၢၣ်လီၤ၀ဲလၢ ကအိၣ်ဒီးပှၤထီဘိန့ၣ်လီၤႉ