“Tျကညိသုက” တၢ်အံၤမ့ၢ်တၢ်ကတိၤအဖျၢၣ်လၢ ယလိၣ်ဘၣ်အီၤထီဘိန့ၣ်လီၤႉ မ့ၢ်ယပၣ် အကျိာ်လၢ အနဲၣ်ဖျါထီၣ် လံာ်တပူၣ် အိၣ်လၢလီၢ်မံကပၤအစီၢ်နီၤခိၣ်လၢ အအိၣ်ခိး တၢ်လၢ ကဖးအီၤန့ၣ်လီၤႉ လံာ်တဖၣ် ဟ့ၣ်ထီၣ်တၢ်မၤလိန့ၢ်တၢ်လၢ အကါဒိၣ် ဒီးတၢ်ထူၣ်ဖျဲးလၢ တၢ်အကတီၢ်လီၤဆီတကတီၢ် ဒီး တၢ်လီၢ်တတီၤန့ၣ်လီၤႉ ဒီးယဆၢ မုၢ်လၢ်လၢ တၢ်သးခုဒီး တၢ်သ့ထံၣ်နၢ်ပၢၢ်တၢ်လၢ လံာ်ကဘျံးတဖၣ်အပူၤန့ၣ်လီၤႉ လၢတၢ်အံၤအဃိ‚ လံာ်တပူၣ်ဘၣ်အိၣ်၀ဲန့ၣ်လီၤႉ
တၢ်ဆိကမိၣ်လၢ ပကထံၣ်န့ၢ် တၢ်သးခုဒီးတၢ်မၤစၢၤလၢ လံာ်တဘ့ၣ်အပူၤဒီး တၢ်လၢအမ့ၢ်တီန့ၢ်ဒံးတၢ်အံၤ မ့ၢ်လံာ်တဖၣ်အလံာ်လၢအမ့ၢ်လံာ်စီဆှံန့ၣ်လီၤႉ ယထံၣ် န့ၢ် တၢ်ဟ့ၣ်ဂံၢ်ဟ့ၣ်ဘါဒိၣ်ဒိၣ်လၢ နီၢ်တဂၤလၢ ယွၤအကလုၢ်ကထါအတၢ်နဲၣ်ကျဲဆူ စီၤယိၤ့ှှူ‚ လၢအမ့ၢ် ခိၣ်နၢ်အသီလၢအံၣ်စရၠာစး့လး‚ ပှၤလၢကဆှၢအ၀ဲသ့ၣ် ဆူကီၢ် တၢ်စံးပာ် (ယိၤ့ှှူ ၁း၈) န့ၣ်လီၤႉ
လၢတၢ်သ့ၣ်ညါပာ်စၢၤ တၢ်ကီတၢ်ခဲလၢ အအိၣ်ခိးပာ်စၢၤတၢ်‚ ကစၢ်ယွၤ မၤလီၤတံၢ်စီၤယိၤ့ှှူ လၢ ‘‘ယကအိၣ်ဒီးနၤ’’ (း၅) လီၤႉ အ၀ဲအတၢ်မၤစၢၤကဟဲ၀ဲ တကတီၢ်ဘၣ်တကတီၢ်‚ ခီဖျိစီၤယိၤ့ှှူအတၢ်စူၢ်တၢ်လၢ ကစၢ်ယွၤ အတၢ်မၤလိာ် တဖၣ်န့ၣ်လီၤႉ လၢတၢ်အံၤအဃိ‚ ကစၢ်ယွၤနဲၣ်အီၤဆူ ‘‘လံာ်တၢ်သိၣ်တၢ်သီအံၤ တဘၣ်ဟးထီၣ်ကွံာ်လၢနထးခိၣ်ဘၣ်ႉ မ့မ့ၢ်နကဘၣ်ဆိကမိၣ်လၢအပူၤ လၢမုၢ်ဆါဒီး မုၢ်နၤ‚ ဒ်သိးနကပလီၢ်နသးဒီး မၤတၢ်ဒ်ကယဲၢ်တၢ်ကွဲးအသးလၢအပူၤလီၤ’’ (း၈) ႉ ဖဲလၢ စီၤယိၤ့ှှူ မ့ၢ်အိၣ်ဒီး လံာ်တၢ်သိၣ်တၢ်သီ ဘၣ်ဆၣ်‚ အ၀ဲလိၣ်ဘၣ်လၢ ကဃုထံၣ် တၢ်အံၤ တလီၢ်လီၢ် ဒ်သိးတၢ်ကဒိးန့ၢ်တၢ်သ့ၣ်ညါဒီး နၢ်ပၢၢ်ကစၢ်ယွၤန့ၣ် မ့ၢ်မတၤ ဒီးအတၢ်တိာ် လၢအပှၤဂီၢ်မုၢ် မ့ၢ်တၢ်ဒ်လဲၣ်န့ၣ်လီၤႉ
မ့ၢ်နလိၣ်ဘၣ်တၢ်နဲၣ်လိ‚ တၢ်မ့ၢ်တၢ်တီ မ့တမ့ၢ် တၢ်ဟ့ၣ်ဂံၢ်ဟ့ၣ်ဘါလၢ နမုၢ်နံၤမုၢ်သီတဖၣ်အပူၤန့ၣ်ဧါႉ မ်ပဟံးန့ၢ် တၢ်ဆၢကတီၢ်ဆူ တၢ်ကဖး‚ စူၢ်ဒီး ဃုထံၣ် တၢ်ဂံၢ်တၢ်ဘါ ခီဖျိ ယွၤကလုၢ်ကထါတက့ၢ်ႉ ပကဒိးန့ၢ် တၢ်အရၠာစးီၢ်ကိးမံၤလၢ အအိၣ်လၢ လံာ်ကိးကဘျံးဒဲး ( ၂ တံၤ ၃း၁၆) အပူၤန့ၣ်လီၤႉ