ကၠ့‚ အိၣ်ဒီးတၢ်ကူၣ်လၢကကဲထီၣ်ဘၣ် ပှၤယါဘျါတၢ်လၢထးခိၣ်တၢ်ကတိၤ‚ ဘၣ်ဆၣ် တၢ်အံၤ ကတၢၢ်ကွံာ်၀ဲ ဖဲတၢ်ပာ်ဖျါထီၣ်လၢတၢ်မၤအံၤ မ့ၢ်တၢ်လၢအတၤအီၤ ဒိၣ်မး လၢအ၀ဲအဂီၢ်န့ၣ်လီၤႉ လၢခံ‚ အ၀ဲဘၣ်တၢ်ဟ့ၣ်အီၤတၢ်ခွဲးတၢ်ယာ်လၢ ကကွဲးတၢ်ကွဲး လၢလံာ်မဲးကစံအဂီၢ်လီၤႉ အ၀ဲတဆိကမိၣ်လၢ ကကဲထီၣ်ပှၤကွဲးလံာ် နီတဘျီဘၣ်ႉ
ဘၣ်ဆၣ်‚ လၢခံအ၀ဲထံၣ်လီၤအသးလၢ အ၀ဲမ့ၢ်ပှၤလၢအကတိၤစၢၤ တၢ်လၢ ဟံၣ်ဒူၣ်ဃီထၢအတၢ်လိၣ် ခီဖျိအ၀ဲအတၢ်ကွဲးတဖၣ်န့ၣ်လီၤႉ ‘‘ဖဲယကွၢ်ကဒါက့ၤ ယတၢ်အိၣ်မူ‚ ယထံၣ်က့ၤယဲလၢ ကစၢ်ယွၤဆီတလဲကွံာ် ယတၢ်ကူၣ်တၢ်ဖး’’ ဒီး စံး၀ဲလၢ ‘‘အ၀ဲ (ကစၢ်ယွၤ) အိၣ်ဒီး တၢ်ကူၣ်ဖးဒိၣ်လၢယဂီၢ်’’ လီၤႉ
လံာ်စီဆှံအိၣ်ဒီးတၢ်ဂ့ၢ်အါမးလၢ အဘၣ်ထွဲဒီး တၢ်ကူၣ်တဖၣ်လၢ အဘၣ်တၢ်မၤတံာ်တာ်န့ၣ်လီၤႉ လၢအတၢ်လဲၤခံဘျီတဘျီ‚ စီၤပီလူး ဃုထံၣ်ကျဲလၢ ကစိာ်တၢ်သးခုကစီၣ်ဆူ ဘံၤသူၤနံ ဘၣ်ဆၣ်‚ ခရၠာစးံာ်အသးစီဆှံ ဆိကတီၢ်ကွံာ်အီၤ (မၤ ၁၀း၆-၇) လီၤႉ တၢ်အံၤဖျါလၢ အမၤသဘံၣ်ဘုၣ်တၢ်လၢ ဘၣ်မနုၤ ယ့ၣ့်ှှူး မၤတံာ်တာ် တၢ်ကူၣ် တဖၣ်‚ ဖဲအမ့ၢ် တၢ်လၢအဘၣ်ဘျီးဘၣ်ဒါ ဒီးယွၤအတၢ်မၤန့ၣ် တမ့ၢ်၀ဲဘၣ်ဧါႉ တၢ်စံးဆၢကဟဲက့ၤ ခီဖျိ တၢ်မံမီၢ်လၢမုၢ်တနၤ ဒ်အမ့ၢ် မၤက့းဒနံ လိၣ်ဘၣ်အီၤ အါန့ၢ်ဒံး ဘံၤသူၤနံန့ၣ်လီၤႉ တၢ်အံၤမ့ၢ် စီၤပီလူး ကသူၣ်ထီၣ်ဘၣ် တၢ်အိၣ်ဖှိၣ်အဆိကတၢၢ်လၢ ယူရၠာစးပၤ န့ၣ်လီၤႉ စီၤ့ှှလိၤမိၤပာ်ဖျါထီၣ်‚ ‘‘တၢ်ကူၣ်ထီၣ်ဖးလီၤအါမံၤ အိၣ်၀ဲလၢ ပှၤကညီအသး ကံၢ်ပူၤလီၤႉ မ့မ့ၢ်ယွၤ အကူၣ်ထီၣ်တၢ်န့ၣ် ကအိၣ်ဂၢၢ်ဆိးကျၢၤလီၤ’’ (ကတိၤ ၁၉း၂၁) ႉ
တၢ်အံၤမ့ၢ်တၢ်လၢအဂ့ၤလၢ ပှၤကညီတဂၤ ကကူၣ်ထီၣ်ဖးလီၤတၢ်လီၤႉ ပှၤမံၤဟူသၣ်ဖျါ ဟဲးဒ်ဒ့း စံး၀ဲ‚ ‘‘တၢ်ကူၣ်တၢ်ဖးမ့ၢ်တအိၣ်‚ တၢ်လီၤမူၤလီၤမၢ် ကအိၣ်ထီၣ်’’ လီၤႉ ဘၣ်ဆၣ် ယွၤကမၤတံာ်တာ် တၢ်လၢပကူၣ်ထီၣ်ဖးလီၤတဖၣ်‚ လၢအကစၢ် ဒၣ်၀ဲသ့ၣ်သ့ၣ်လီၤႉ တၢ်လၢပကဘၣ်တၤတၢ်တခီ မ့ၢ်ပကဒိကနၣ်ဒီးစူၢ်တၢ်‚ ဒီးသ့ၣ်ညါလၢ ယွၤမ့ၢ်ကစၢ်လၢပနာ်န့ၢ်အီၤသ့န့ၣ်လီၤႉ ပမ့ၢ်အးလီၤပသးဆူ အ၀ဲအတၢ်တိာ်‚ပကထံၣ်လီၤပသးလၢ ပဘၣ်ဘျီးဘၣ်ဒါလၢ အတၢ်တိာ်အပူၤ‚ လၢပတၢ်အိၣ်မူန့ၣ်လီၤႉ
ဖဲပလဲၤကဒီးတၢ်ဆူညါ‚ ဒ်သိးကကူၣ်လီၤကျဲၤလီၤတၢ်န့ၣ် ပကဘၣ်ပာ်ဖှိၣ် အါထီၣ်တၢ်အသီတမံၤ‚ လၢအမ့ၢ်‚ တၢ်ကူၣ်လၢတၢ်ကဒိကနၣ်တၢ်န့ၣ်လီၤႉ မ်ပကဒိ ကနၣ်သကိးတၢ်ဆူ ယွၤအတၢ်ကူၣ်တၢ်လၢပဂီၢ်န့ၣ်တက့ၢ်ႉ