ဖဲယနူၤအါရၠာစးံၤ ၁၉၄၃ နံၣ်‚ ခၠ့နူး တၢ်ကိၢ်ကလံၤအူဘၣ် စပံယၢၣ်ဖံး့ှှ်‚ ကီၢ်စဲၢ်ဒဲးကိၣ်ဘၣ် ကလံၤထံး‚ သတူၢ်ကလာ်ဆီတလဲကွံာ် တၢ်ကိၢ်အဒံၢ်ကရၠာစးံၣ်လၢ‚ -၄ ံ ဆူ ၄၅ ံဖဲရၠာစးံၣ်ဟဲး (-၂၀ ံစဲလ်စံယၢၣ်စ်) လီၤႉ သတူၢ်ကလာ်မူခိၣ်ကလံၤသီၣ်၀ီၤ ဆီတလဲ တုၤဃီၤဆူ ၄၉ ံ‚ ကဲထီၣ်အသးလၢ ‘၂ မံးနံး’အပူၤန့ၣ်လီၤႉ တၢ်ကိၢ်အဒံၢ်ကရၠာစးံၣ် ဆီတလဲအသး ဒိၣ်ဒိၣ်ကလဲာ်အံၤ‚ ဘၣ်တၢ်ကွဲးနီၣ်ကွဲးဃါလၢ ကီၢ်ယူၢ်အဲးစ်အ့ၣ် လၢ ၂၄ နၣ်ရၠာစးံၣ် အကတီၢ်အံၤ‚ အိၣ် ၁၀၃ ံလီၤႉ လၢလါ ယနူၤအါရၠာစးံၤ ၁၅ သီ‚ ၁၉၇၂ နံၣ်‚ မိၣ်ထါနၣ် ထံၣ်ဘၣ် တၢ်ကိၢ်အဒံၢ်ကရၠာစးံၣ် စံၣ်ထီၣ်လၢ – ၅၄ ံ ဆူ ၄၉ ံဖဲရၠာစးံၣ်ဟဲး (၁၄၈ ံ ဆူ ၉ ံစဲလ်စံယၢၣ်စ်) လီၤႉ
ဘၣ်ဆၣ်‚ တၢ်ဆီတလဲသးသတူၢ်ကလာ်အံၤ တမ့ၢ်ထဲ တၢ်လီၤတိၢ်လီၤဆီလၢ မူခိၣ်ကလံၤသီၣ်ဂီၤန့ၣ်ဘၣ်ႉ တဘျီဘျီ‚ တၢ်အံၤ မ့ၢ်၀ဲတီ၀ဲစ့ၢ်ကီးဒီး ပှၤကူပှၤကညီအန့ဆၢၣ်န့ၣ်လီၤႉ လံာ်ယၤကိာ် ဒုးပလီၢ်ပှၤလၢ‚ ‘‘ခဲကနံၣ်အံၤ‚ ဟဲဃီၤ‚ ပှၤလၢအစံး၀ဲ မဆါအံၤ‚ ဒီးခဲဂီၤ‚ ပကလဲၤဆူ၀့ၢ်ပူၤအံၤ‚ ဒီးအိၣ် ဖဲန့ၣ်တနံၣ်‚ ဒီးကၤတၢ်ဒီး မၤအါထီၣ်ပတၢ်န့ၣ်သ့ၣ်သုဧၢ‚ တၢ်ကမၤအသးခဲဂီၤ တနံၤန့ၣ်‚ သုတသ့ၣ်ညါဘၣ်’’ (၄း၁၃-၁၄) ႉ လၢတၢ်တမုၢ်လၢ်ဘၣ်အပူၤ တၢ်လီၤမၢ်ကွံာ်တဖၣ်‚ တၢ်ဆါအိၣ်ထီၣ်အဂ့ၢ်အကျိၤ အိၣ်ထီၣ်‚ ကျိၣ်စ့ကဒံကဒါသ့ၣ်တဖၣ် ဟဲကဲထီၣ်သး သတူၢ်ကလာ်လီၤႉ
သးသမူမ့ၢ် တၢ်လဲၤတခါလၢ အအိၣ်ဒီး တၢ်လၢတဲဆိပာ်တသ့သ့ၣ်တဖၣ် ပာ်ဖှိၣ်သးန့ၣ်လီၤႉ အဃိ‚ လံာ်ယၤကိာ်ဒုးပလီၢ်ပှၤလၢ ပကဃၣ်ကွံာ်ပသးလၢ တၢ်ပာ်သး ကဖၢလၢ’ (း၁၈) လၢပတပးကဲ သ့တၢ်လၢာ်ကစၢ်ယွၤန့ၣ်လီၤႉ ဒ်အ၀ဲဟ့ၣ်ကူၣ်ပှၤအသိး‚ ‘‘ဂ့ၤသုစံး‚ မ့ၢ်ဘၣ်ကစၢ်အသးဒီး ပမ့ၢ်မူဒီး‚ ပကမၤတၢ် ဒ်အံၤဒ်နုၤလီၤ’’ (း၁၅) ႉ တၢ်လၢ ပထံၣ်ဘၣ်လၢ ပသးသမူအပူၤ‚ ကမ့ၢ်တၢ်လၢ အတလီၤတံၢ်လီၤဆဲး ဘၣ်ဆၣ် တၢ်လီၤတံၢ်အိၣ်၀ဲတမံၤလၢ သးသမူတၢ်အိၣ်သးလၢ အဟဲတုၤလၢ တၢ်တမုၢ်လၢ်ဘၣ်ကိးမံၤ‚ ပကစၢ်ယွၤ တလဲၤသဒၣ်ပှၤနီတစုန့ၣ်ဘၣ်ႉ အ၀ဲမ့ၢ် ပကစၢ်လၢ အအိၣ်ဒီးပှၤ တပယူာ်ဃီလၢ ပသးသမူဒီတစိၤန့ၣ်လီၤႉ