လၢနံၣ်လၢအပူၤကွံာ်န့ၣ် ယၤဒီးယဖိခွါတဖၣ် ပလဲၤဟးစှၤသီလၢ စဲလ်၀့-ဘံးထၢၣ့်ှူး
အပှၢ်မုၢ်ကနၢလၢ အအိၣ်လၢကလံၤစိးအၣ်ဒၣ်ဟိဒီး သူၣ်လီၤဒဲဖိလၢတၢ်ကမံလၢ မုၢ်နၤအဂီၢ်လီၤႉ တၢ်လီၢ်လၢ ပသူၣ်လီၤဒဲဖိတဖၣ် မ့ၢ်တၤသူ၀ါဃး တကလုာ် အိၣ်ဆိးအလီၢ်အဃိ‚ ပလဲၤစိာ်ဃုာ် တၢ်အသ၀ံလၢ ပကBတီဆၢတၤသူ အတၢ်မၤဒၢၣ် မၤကဆှီ ပဒဲကပိာ်ကပၤ ဒ်သိး ပသုတကွၢ်ဆၢၣ်မဲာ်ဘၣ် တၤသူအတၢ်မၤဒၢၣ်ဒိၣ်ဒိၣ်မုၢ်မုၢ်နီတမံၤအဂီၢ်လီၤႉ
ဘၣ်တနၤ‚ လၢဖးဖီမုၢ်ကတီၢ်‚ ယနၢ်ဟူ ရၠာစးဲဒံၢ် ကျဲးစၢး ဂုာ်ဟးထီၣ်လၢ လီၢ်မံထၢၣ်အပူၤန့ၣ်လီၤႉ ဖဲန့ၣ် ယစုတခီ ယပလၢၢ်လီဆှီ ဒီးကွၢ်တၢ်ဆူအံၤဆူနုၤလၢမ့ၢ်ယကထံၣ် ဘၣ်လၢ အ၀ဲဘၣ်တၢ်စှီၤဃံးအီၤလၢ တၤသူလၢ အသူၣ်ဒိၣ် သးဖျိးတဒုဧါန့ၣ်လီၤႉ
တၢ်လၢယထံၣ်ဘၣ်တခီ မ့ၢ်ယုၢ်ဖိတဒုလၢ အထီကအိၣ်လွံၢ်စုမုၢ်ဒိၣ်န့ၣ်လီၤႉ ယထံၣ်လၢအအ့ၣ်တံၢ်ဃာ် ရၠာစးဲဒံၢ်အခိၣ်သလုးလၢ အမဲလီၤႉ ယုၢ်ဆံးဆံးဖိအံၤ အ့ၣ်ထဲးအ့ၣ်ထဲးတၢ်‚ တုၤအမၤန့ၢ် ရၠာစးဲဒံၢ် အခိၣ်သလုး တစုလီၤႉ မ့ၢ်လၢယနံၤသီၣ်ထီၣ်အဃိ လၢတၢ်ပျံၤတၢ်ဖုးအပူၤ ယုၢ်ဖိအံၤဃ့ၢ်ဟးထီၣ်ဒီး ပာ်တ့ၢ်ကွံာ် ခိၣ်သလုးလီၤႉ ၀ံၤ‚ ပနုာ်လီၤက့ၤဆူ ပလီၢ်မံထၢၣ်ပူၤ ခံဂၤလိာ်လီၤႉ ဘၣ်ဆၣ် မ့ၢ်လၢယသူၣ်စံၣ်သးစံၣ်အဃိ ယမံက့ၤတန့ၢ်ဒီး ဆိကမိၣ်ထီၣ် တၢ်ဂ့ၢ်အဂၤ တမံၤလၢ အမ့ၢ်မုၣ်ကီၤလံၢ် လၢအမ့ၢ်ပှၤဂုာ်ဆူၣ်ပျိဆူၣ်တၢ်န့ၣ်လီၤႉ
ဆိကမိၣ်ထီၣ် မုၣ်ကီၤလံၢ် အတၢ်လ့ပစီ ကစၢ်ယ့ၣ့်ှှူး (မးသဲ ၄း၁-၁၁) အဂ့ၢ်တက့ၢ်ႉ ကစၢ်မၤဆၢက့ၤမုၣ်ကီၤလံၢ်အတၢ်ကွဲန့ၢ်လွဲန့ၢ်တၢ်လၢ လံာ်စီဆှံအဆၢ တဖၣ်လီၤႉ လၢတၢ်စံးဆၢတမံၤဘၣ်တမံၤ‚ ကစၢ်ယ့ၣ့်ှှူး ဒုးပလီၢ်က့ၤအသးလၢ ကစၢ်ယွၤ ကတိၤတ့ၢ်လံတၢ်ဂ့ၢ်အံၤဒီး လၢတၢ်အံၤအဃိ‚ အ၀ဲတဒိကနၣ်မုၣ်ကီၤလံၢ် အတၢ်ကွဲန့ၢ်လွဲန့ၢ်ဘၣ်ႉ တၢ်အံၤ‚ ဒုးကဲထီၣ်မုၣ်ကီၤလံၢ်လၢ အဘၣ်ဃ့ၢ်ထွးထီၣ် တခီန့ၣ်လီၤႉ
ဖဲလၢမုၣ်ကီၤလံၢ် မ့ၢ်သးအိၣ်ယူၢ်လီၤကွံာ်ပှၤ ဘၣ်ဆၣ်‚ တၢ်အံၤဂ့ၤလၢ ပကသ့ၣ်နီၣ်ထီၣ်က့ၤလၢ အ၀ဲမ့ၢ်တၢ်ဘၣ်တ့ ဒ်ယုၢ်ဖိ၀ံၤဖိအသိးန့ၣ်တက့ၢ်ႉ စီၤယိၤဟၣ် စံး၀ဲလၢ‚ ‘‘ပှၤအိၣ်လၢသုပူၤ‚ ဒိၣ်န့ၢ်ပှၤအိၣ်လၢဟီၣ်ခိၣ်အပူၤတက့ၢ်လီၤ’’ (၁ ယိၤ ၄း၄) ႉ