ဖဲပှၤကွဲးလံာ် မၣ်တ့ၣ်လဲဒ် ဟးလိာ်ကွဲလၢအခီၣ်န့ၣ် အ၀ဲဘၣ်သဂၢၢ်ဒီး ပှၤတဂၤ လဲၤဃုာ်ဒီးအထွံၣ်မီၤစဲဖိလွံၢ်ဒု ခဲအံၤခဲအံၤန့ၣ်လီၤႉ ထွံၣ်လွံၢ်ဒုအကျါ‚ သၢဒုဃ့ၢ်သဖှိ လၢစံာ်ပျီဖးလဲၢ်လီၤႉ ဘၣ်ဆၣ်‚ မ့မ့ၢ်ထွံၣ်ထဲတဒုတခီ‚ တရၠာစးံးတရၠာစးးဒၣ် ဘူးဘူးတံၢ်တံၢ် ဖဲအကစၢ်အကပၤ‚ က၀ီၤက၀ီၤလီၤႉ မ့ၢ်လၢထွံၣ်ဖိတဒု အလုၢ်လၢ်လီၤဆီ၀ဲ အဃိ‚ လဲဒ်သံကွၢ်တၢ်ဂ့ၢ်လၢအဘၣ်ထွဲဒီး ထွံၣ်ဖိအံၤန့ၣ်လီၤႉ ဒီးအကစၢ် စံး၀ဲလၢ ထွံၣ်ဖိအံၤန့ၣ် အဘၣ်တၢ်မၤပူၤဖျဲးအီၤ လၢ တၢ်ဒုးဃာ်အီၤအပူၤလၢ တၢ်ဆၢကတီၢ်ယံာ်အပူၤန့ၣ်လီၤႉ လၢတၢ်အံၤအဃိ‚ ဖဲအဘၣ်တၢ်ပျဲဟးထီၣ်အီၤဒၣ်လဲာ် တရၠာစးံးတရၠာစးးက၀ီၤက၀ီၤ ဒ်အဘၣ်တၢ်ဒုးဃာ်အီၤအကတီၢ်န့ၣ်လီၤႉ
လံာ်စီဆှံပာ်ဖျါထီၣ်လၢ ပမ့ၢ်တဘၣ် တၢ်မၤပူၤဖျဲးပှၤ လၢ ကစၢ်ယွၤအဃိ‚ ပအိၣ်ဘၣ်လၢ ပျံၤသကွီၤအတၢ်စၢဃာ် ဒီးပတၢ်မုၢ်လၢ်လၢာ်ကွံာ်၀ဲလီၤႉ ပှၤကွဲးထါစံးထီၣ်ပ့တၢၤ တဲဖျါထီၣ်လၢ အလီၤဘၣ်လၢ ဒုၣ်ဒါအပျံၤသကွီၤလၢ ‘‘တၢ်သံအပျံၤတဖၣ်’’ ဃုာ်ဒီး တၢ်မၤဟးဂီၤအဆဲးကျိးတဖၣ်’’ ‘‘တၢ်ပျုၤပူၤအပျံၤတဖၣ် အိၣ်၀းတရၠာစးံး’’အီၤ (စံး ၁၈း၄-၅) လီၤႉ ဖဲတၢ်ဒုးဃာ်တၢ်ဒီး တၢ်စၢဃာ်လၢ ထးကျီၤစု‚ ထးကျီၤခီၣ်ကတီၢ်‚ အ၀ဲကိးထီၣ်ယွၤအတၢ်မၤစၢၤ (း၆) လီၤႉ ဃုာ်ဒီးတၢ်စိကမီၤ ဒ်လီသီၣ်အသိး ကစၢ်ယွၤ‘‘ဟံးထီၣ်အီၤ’’‚‘‘ထုးထီၣ်’’အီၤလၢ‘‘ထံဒိၣ်အကျါလီၤ’’ (း၁၆) ႉ
ကစၢ်ယွၤ မၤတၢ်တမံၤဃီအံၤသ့၀ဲစ့ၢ်ကီးလၢပဂီၢ်န့ၣ်လီၤႉ အ၀ဲမၤကၢ်ကွံာ် ထးသွဲတဖၣ်ဒီး မၤပူၤဖျဲးပှၤလၢ တၢ်လီၢ်လၢပဘၣ်တၢ်ဒုးဃာ်ပှၤန့ၣ်လီၤႉ အ၀ဲ မၤထူၣ်ဖျဲး ပှၤသ့ ဒီးစိာ်ထီၣ်ပှၤဆူတၢ် ‘‘လီၢ်ဖးလဲၢ်’’ (း၁၉) န့ၣ်လီၤႉ ဖဲအမၤတၢ်အံၤ၀ံၤ‚ ပမ့ၢ် ပၢၤဃာ်ဒံးဒၣ် တၢ်တရၠာစးံးက၀ီၤက၀ီၤ ဒ်ပအိၣ်ဒံးလၢ့တၤပူၤလၢ ပဃိာ်လၢပလီၤဘၣ်တ့ၢ် လၢ ခါလၢအပူၤကွံာ်အဃိ‚ တၢ်အံၤကမ့ၢ်တၢ်လီၤသးအုး ထဲလဲၣ်န့ၣ်လီၤႉ လၢအ၀ဲအဂံၢ်အဘါန့ၣ် ပတဘၣ်တၢ်စၢဃာ်ပှၤလၢ တၢ်ပျံၤတၢ်ဖုး‚ တၢ်မဲာ်ဆှး‚ တၢ်သးဟးဂီၤ လၢၤဘၣ်ႉ ကစၢ်ယွၤမၤပူၤဖျဲးပှၤလၢ တၢ်သံအပျံၤသကွီၤတဖၣ်အပူၤန့ၣ်လီၤႉ ပဃ့ၢ် ထူၣ်ဖျဲးထီၣ်လၢ တၢ်သဘ@အပူၤသ့၀ဲလံႉ