စၢၣ်ႉ အါစဲး နယူတၢၣ်လၢ နံၣ်ကယၤ (၁၇) ‚ စူးကါ တၢ်သၢနၢၣ်အသံးအကာ် (ဖရၠာစး့စၢၣ်) တခါဆူ တၢ်ကမၤလိ‚ တၢ်ကပီၤမၤစၢၤပှၤဆူ တၢ်ကထံၣ်ဘၣ်တၢ်အလွဲၢ်လၢအလီၤဆီ တဖၣ် ဒ်လဲၣ်န့ၣ်လီၤႉ အ၀ဲထံၣ်န့ၢ်၀ဲလၢ ဖဲတၢ်ကပီၤဖျိကွံာ် တၢ်အမိၢ်လံၤမိၢ်ပှၢ် (ဖရၠာစး့စၢၣ်) အံၤ‚ ဟဲဖျါထီၣ်ဆူ တၢ်ပၢၤဘၣ် တၢ်အလွဲၢ်လၢ အလီၤတံၢ်လီၤတံၢ်ဆဲးတခါ လီၤႉ ဖဲထံလီၤသကၤလၢ အဖျါ၀ါဆှံတဖျၢၣ် ဖျါလၢ တၢ်ကပီၤ ဆဲးဖျိ ဘၣ်ဆၣ် တၢ်ထံၣ်ဖျိအီၤတသ့‚ မူခိၣ်ဖီအံၤ‚ ဘၣ်တၢ်ဖှိၣ်ထီၣ်အီၤလၢ ထံလီၤသကၤ၀ါဆှံ အဖျၢၣ်အါဖျၢၣ် လၢ အလီၤကလဲတပူၤဃီန့ၣ်လီၤႉ ဖဲတၢ်ကပီၤဖျိကွံာ်လၢၢ် ဖျါ၀ါဆှံတဖၣ်‚ မူခိၣ်ဖီဟဲဖျါထီၣ် ဒ်တၢ်အလွဲၢ်၀ါကဖီ အသိးန့ၣ်လီၤႉ
လၢလံာ်စီဆှံအပူၤန့ၣ် ပာ်ဖျါထီၣ် တၢ်ဒဲးဘးအလွဲၢ် လီၤတံၢ်လီၤဆဲးန့ၣ်လီၤႉ ခီဖျိ၀ံယ့ှှါယၤ‚ ပကထံၣ်ဘၣ်လၢ ကစၢ်ယွၤ ဒုးကွၢ်ဆၢၣ်မဲာ် ပှၤယူဒၤဖိ အတၢ်ဒဲးဘးတဖၣ်ဒီး ပာ်ဖျါထီၣ်အ၀ဲသ့ၣ် အတၢ်ဒဲးဘး ဒ်တၢ်ဂီၤဆှုၣ်’’ အသိးဒီး ဒ်တၢ်အလွဲၢ်လၢ ‘‘အဂီၤစီၣ်ဂီၤလုး’’ အသိးန့ၣ်လီၤႉ ဘၣ်ဆၣ်‚ ကစၢ်ယွၤအၢၣ်လီၤလၢ အ၀ဲသ့ၣ် ‘‘က၀ါထီၣ်ဒ်မူခိၣ်ဖီအသိး’’ (ယ့ှှါ ၁း၁၈) လီၤႉ တၢ်အံၤ ဟဲကဲထီၣ်အသးဒ်လဲၣ်ႉ လိၣ်၀ဲလၢပှၤယူဒၤဖိတဖၣ်‚ ကဃၣ်ကွံာ်သးလၢ တၢ်မၤတၢ်လၢအကမၣ် ဒီး ဃုက့ၤကစၢ်ယွၤအတၢ်ပျၢ်တၢ်ဒဲးဘးန့ၣ်လီၤႉ
ပမၤန့ၢ်တၢ်ခွဲးတၢ်ယာ်ဆူ ကစၢ်ယွၤအတၢ်ပျၢ်ပတၢ်ဒဲးဘး ခီဖျိကစၢ်ယ့ၣ့်ှှူး အဃိ‚ တၢ်ဘျုးဒိၣ်မးလီၤ ခရၠာစးံာ်ကစၢ်ဧၢႉ ကစၢ်ယ့ၣ့်ှှူး အကစၢ်ဒၣ်၀ဲ ကိးလီၤအသးလၢ အမ့ၢ် ‘‘ဟီၣ်ခိၣ်အကပီၤ’’ ဒီး စံးစ့ၢ်ကီး၀ဲလၢ‚ ပှၤပိာ်အ၀ဲအခံတဂၤလၢ်လၢ်‚ ‘‘တဟးဘၣ်၀ဲလၢ တၢ်ခံးကျါဘၣ်ႉ ဒီးကန့ၢ်ဘၣ် တၢ်မူအတၢ်ကပီၤလီၤ’’ (ယိၤ ၈း၁၂) ႉ ဖဲပအၢၣ်လီၤပတၢ်ဒဲးဘးတဖၣ်န့ၣ် ကစၢ်ယွၤ ပျၢ်ကွံာ်ပတၢ်ကမၣ်ဒီး ပထံၣ်တၢ် ခီဖျိ ခရၠာစးံာ်အတၢ်ကပီၤလၢ အလုၢ်ထီၣ်သးလၢ ထူၣ်စုညါအလိၤန့ၣ်လီၤႉ တၢ်အံၤအခီပညီ မ့ၢ်ကစၢ်ယွၤထံၣ်ပှၤ ဒ်အထံၣ် ကစၢ်ယ့ၣ့်ှှူးအသိး‚ လၢအမ့ၢ် ပှၤလၢတၢ်ပာ်ဒ့ၣ်ပာ်ကမၢ်အလီၢ်တအိၣ်န့ၣ်လီၤႉ
ပတလီၤဘျၢလၢၤလၢတၢ်ကမၣ်ဒီးတၢ်ဘၣ်မဲာ်တိၢ်မဲာ်ဆှးလၢတၢ်လၢပမၤ ကမၣ်၀ဲဘၣ်ႉ လၢတၢ်အံၤအလီၢ်‚ ပဟံးဃာ် တၢ်မ့ၢ်တၢ်တီလၢ ပမ့ၢ်ယွၤအတၢ်ပျၢ်ပတၢ်ဒဲးဘးလၢ အဒုးကဲထီၣ်ပှၤ ‘တၢ်လၢအ၀ါထီၣ်၀ဲဒ်မူခိၣ်ဖီ’ အသိးန့ၣ်လီၤႉ