ယဆုးလီၤယခိၣ်လၢယစုလိၤ ဒီးသါသဖှိထီၣ်ဒီးစံးလီၤယဲလၢ ‘‘ယတသ့ၣ်ညါ‚ မ့ၢ် ယကဘၣ်မၤတၢ်တဖၣ်အံၤ ဒ်လဲၣ်လၢၤဘၣ်’’ႉ လၢကွဲၤဒီနၢ်အပူၤ ယနၢ်ဟူ ယတံၤသကိး အကလုၢ်လၢ‚ ‘‘နကဘၣ်ပာ်ပနီၣ်လီၤက့ၤနသးလၢ တၢ်လၢနမၤကဲထီၣ်တဖၣ်လီၤႉ နမၤတၢ်အါမးလီၤ’’ႉ အ၀ဲယၢၤထီၣ်တၢ်ဖံးတၢ်မၤတဖၣ်လၢ ယဂုာ်ကျဲးစၢးမၤအီၤ သ့ၣ် တဖၣ်လၢ တၢ်ပၢၤဃာ်တၢ်အိၣ်ဆူၣ်အိၣ်ခ@‚ တၢ်ဖံးတၢ်မၤ‚ မၤတၢ်ဂ့ၤဂ့ၤလၢ တၢ်မၤလိတၢ် လၢကိၠဧိၤကီၣ်ဧိၤအကတီၢ်‚ ကွဲးလံာ်ကွဲးလဲၢ်ဒီး ထီၣ်တၢ်မၤလိလံာ်စီဆှံအခါလီၤႉ ယသးအိၣ်မၤတၢ်ကိးမံၤဒဲးလၢ ကစၢ်ယွၤအဂီၢ်‚ ဘၣ်ဆၣ်‚ လၢတၢ်အံၤအလီၢ်‚ ယပညိၣ်ယသးအါတက့ၢ်လၢ တၢ်လၢ ယမၤအီၤ‚ အါန့ၢ်ဒံး ယမၤတၢ်တဖၣ်အံၤဒ်လဲၣ်ႉ မ့တမ့ၢ်‚ ကမ့ၢ်သ့ၣ်သ့ၣ်‚ ယဂုာ်ကျဲးစၢးမၤတၢ်တလၢကွံာ်အခၢးဒၣ်လဲာ်န့ၣ်လီၤႉ
စီၤပီလူး ဒုးပလီၢ်တၢ်အိၣ်ဖှိၣ်လၢ ကလီးစဲးအပူၤလၢ ကဘၣ်မူတၢ်မူလၢ အမၤ လၤကပီၤယွၤလီၤႉ လၢကိးနံၤဒဲးအတၢ်အိၣ်မူအပူၤန့ၣ် ပအိၣ်မူလၢအကျိၤဒ်လဲၣ်န့ၣ် အကါဒိၣ်န့ၢ် ပမၤတၢ်မနုၤလၢ ပတၢ်အိၣ်မူအပူၤန့ၣ်လီၤႉ အ၀ဲသ့ၣ် ကဘၣ်မၤအတၢ်မၤ လၢ ‘‘တၢ်သးကညီၤ‚ တၢ်မၤဂ့ၤတၢ်‚ တၢ်ဆီၣ်လီၤသး‚ တၢ်သးစူၤ‚ တၢ်၀ံသးစူၤ’’ (ကလီးစဲ ၃း၁၂) န့ၣ်လီၤႉ လၢတၢ်ကပျၢ်တၢ်ကမၣ်ဒီး လၢတၢ်ခဲလၢာ်အဖီခိၣ်‚ ကအိၣ်ဒီး တၢ်အဲၣ်တၢ်ကွံ (း၁၃-၁၄) ႉ ဒီးလၢတၢ် ‘‘မၤတၢ်ခဲလၢာ်လၢကစၢ်ယ့ၣ့်ှှူးအမံၤ’’ (း၁၇) န့ၣ်လီၤႉ အ၀ဲသ့ၣ်အတၢ်ဖံးတၢ်မၤ‚ တဘၣ်အိၣ်လီၤဖးလိာ်သးလၢ အ၀ဲသ့ၣ်အတၢ်မူ ဒ်ခရၠာစးံာ်အသိးန့ၣ်ဘၣ်လီၤႉ
တၢ်လၢပမၤအီၤ မ့ၢ်တၢ်လၢအရၠာစး့ဒိၣ်‚ ဘၣ်ဆၣ် တၢ်လၢအကါဒိၣ်န့ၢ်တၢ်အံၤ မ့ၢ်ပမၤအီၤဒ်လဲၣ်ႉ မ့ၢ်လၢပှၤလၢပမၤတၢ်လၢအဂီၢ်အံၤ‚ မ့ၢ်တၢ်လၢအရၠာစး့ဒိၣ်အဃိန့ၣ်လီၤႉ ကိးနံၤ‚ ပဃုထၢပ၀ဲသ့လၢ ပကမၤတၢ်လၢတၢ်ဆီၣ်သနံး တၢ်အကျဲကပူၤသ့၀ဲအသိး‚ ပဃုထၢကျဲတဘိလၢ ကမၤလၤကပီၤက့ၤပပၢ်ကစၢ်ယွၤဒီး ဃုထံၣ်န့ၢ် တၢ်အခီပညီလၢ ကစၢ်ယ့ၣ့်ှှူးပာ်ဖှိၣ်အါထီၣ်လၢ ပတၢ်ဖံးတၢ်မၤအပူၤသ့၀ဲလီၤႉ ပမ့ၢ်လူၤပိာ်ထွဲ ကျဲလၢခံတဘိအံၤအဃိ‚ ပကထံၣ်န့ၢ်တၢ်သူၣ်မံသးမံန့ၣ်လီၤႉ