ဖဲနံၣ်အကတၢၢ်န့ၣ် တၢ်မၤလၢအတ၀ံၤသ့ၣ်တဖၣ် ထုးဃၢပှၤသ့န့ၣ်လီၤႉ မူဒါ တၢ်ဖံးတၢ်မၤတဖၣ် လၢဟံၣ်ဃီဒီး တၢ်မၤလီၢ်န့ၣ် ကဖျါ ဒ်အတကတၢၢ် လၢၤနီတစု ဘၣ်‚ ဒီးတၢ်လၢအတ၀ံၤဒံးဘၣ်လၢတနံၤအံၤန့ၣ် တလ့ၣ်နုာ်လီၤဆူ ခဲမုၢ်ဆ့ၣ်တနံၤ အပူၤန့ၣ်လီၤႉ ဘၣ်ဆၣ် လၢပတၢ်နာ်အတၢ်လဲၤအပူၤ‚ အကတီၢ်အိၣ်၀ဲ ဖဲပဂ့ၤ ဆိကတီၢ်တစိၢ်ဖိ ဒီးသဂၢၢ် ယွၤအတၢ်မၤတီအကလုၢ် ဒီးတၢ်မၤလၢ အလၢထီၣ်ပှဲၤထီၣ်လံသ့ၣ်တဖၣ်အဂီၢ်န့ၣ်လီၤႉ
စီၤပီလူး ဒီးစီၤဘၢ်နဘၤ အတၢ်သးခုကစီၣ် အတၢ်လဲၤအဆိကတၢၢ်တဘျီ၀ံၤန့ၣ်‚ ‘‘ဒိးထီၣ်ကဘီ ဖဲန့ၣ်‚ ဒီးက့ၤက့ၤ၀ဲဆူ အၣ်တံၤအီာ် ဖဲပှၤဟ့ၣ်တ့ၢ်အီၤ ဆူယွၤ အဘျုးအဖှိၣ်‚ ဒ်သိးအကမၤတၢ်လၢ အမၤ လၢထီၣ်ပှဲၤထီၣ်န့ၣ်လီၤ’’ (မၤ ၁၄း၂၆) ႉ တၢ်နီၤဟ့ၣ် ကစၢ်ယ့ၣ်။းအတၢ်ကစီၣ်ဆူ ပှၤဂၤန့ၣ် အိၣ်တ့ၢ်ဒံး ဘၣ်ဆၣ်‚ အ၀ဲသ့ၣ် ဟံးန့ၢ် တၢ်ဆၢကတီၢ် လၢကစံးဘျုး တၢ်လၢအမၤ၀ံၤတ့ၢ်လံတဖၣ်အဂီၢ်လီၤႉ ‘‘ဒီးတုၤ အတုၤ၀ဲ ဒီးဒုးအိၣ်ဖှိၣ်ရၠာစးိဖှိၣ် တၢ်အိၣ်ဖှိၣ်‚ ဒီးစံၣ်တဲၤတဲလီၤတၢ် ဖဲဒၣ် ယွၤမၤလၢ အစုပူၤတဖၣ်‚ ဒီးလၢအအိးထီၣ် တၢ်စူၢ်တၢ်နာ်အBတဲၤ လၢပှၤကလုာ်တဖၣ်အဂီၢ် န့ၣ်လီၤ (း၂၇) ႉ
လၢနံၣ်ပူၤကွံာ်အတီၢ်ပူၤ‚ ယွၤမၤတ့ၢ်တၢ်ခီဖျိနၤမနုၤတဖၣ်လဲၣ်ႉ အ၀ဲ အိးထီၣ်တ့ၢ် တၢ်နာ်အ့တဲၤ လၢပှၤလၢနသ့ၣ်ညါ ဒီးအဲၣ်အီၤတဖၣ်အဂီၢ်ဒ်လဲၣ်ႉ ကျဲလၢပဆိကမိၣ်မှံတသ့ဘၣ်အပူၤ‚ အ၀ဲမၤတၢ်ခီဖျိ ပ၀ဲတဖၣ်လၢ တၢ်မၤလၢ အဖျါ အကါတဒိၣ်ဘၣ် မ့တမ့ၢ် တလၢထီၣ်ပှဲၤထီၣ်ဒံးဘၣ်တဖၣ် အပူၤန့ၣ်လီၤႉ
ဖဲပထံၣ်ပာ်သး လၢတၢ်သးအုးအပူၤ ပတၢ်မၤလၢအတ၀ံးဒံးသ့ၣ်တဖၣ် လၢယွၤအဂီၢ်အခါ‚ မ်ပသုတသးပ့ၤနီၣ် စံးဘျုးအီၤလၢ ကျဲလၢအ၀ဲမၤတ့ၢ် တၢ်ခီဖျိ ပ၀ဲတဖၣ်အဂီၢ်န့ၣ်တဂ့ၤႉ တၢ်သူၣ်ခုသးခု လၢတၢ်လၢယွၤမၤလၢထီၣ်ပှဲၤထီၣ် တ့ၢ်လၢ အဘျုးအဖှိၣ်အပူၤန့ၣ် မ့ၢ်တၢ်ကတဲာ်ကတီၤ တၢ်လၢအကဟဲတဖၣ် အဂီၢ်န့ၣ်လီၤႉ